From Wikipedia, the free encyclopedia
వీడియోటేపు అనేది వీడియోనూ, ధ్వనినీ నిల్వ చేయడానికి ఉపయోగించే మాగ్నెటిక్ టేపు. నిల్వ చేయబడిన సమాచారం అనలాగ్ లేదా డిజిటల్ సిగ్నల్ రూపంలో ఉండవచ్చు. వీడియో టేప్ రికార్డర్లు (VTRలు), వీడియో క్యాసెట్ రికార్డర్లు (VCRలు) క్యామ్కార్డర్లలో దీన్ని ఉపయోగిస్తారు. శాస్త్రీయ డేటాను, ఎలక్ట్రో కార్డియోగ్రామ్ నుండి వచ్చే డేటా వంటి వైద్య డేటానూ నిల్వ చేయడానికి కూడా వీడియోటేపులను ఉపయోగిస్తారు.
టేపు అనేది సమాచారాన్ని నిల్వ చేయడానికి ఒక వరుసలో చేసే (లీనియర్) పద్ధతి. దానివలన రీడింగు హెడ్^కు కింద ఉన్న డేటాను కాకుండా దూరంగా ఉన్న డేటాను చదవడంలో ఆలస్యం జరుగుతుంది. 2000వ దశకం ప్రారంభంలో హార్డ్ డిస్క్లు, ఫ్లాష్ మెమరీ వంటి అధిక నాణ్యత గల రాండమ్-యాక్సెస్ వీడియో రికార్డింగ్ మీడియాలు అందుబాటు లోకి వచ్చాయి. అప్పటి నుండి, డేటాను దాచడం వంటి ఉపయోగాలకు వీడియోటేపును వాడడం తగ్గిపోతూ వచ్చింది.
మొదటి వీడియో క్యాసెట్ రికార్డర్లు (VCR) 1971లో వచ్చాయి (సోనీ యు-మాటిక్ టెక్నాలజీ ఆధారంగా). తరువాతి సంవత్సరం ఫిలిప్స్ N1500 తో మార్కెట్లోకి ప్రవేశించింది. [1] సోనీ వారి బీటామ్యాక్స్ (1975), JVC వారి VHS (1976) లు VCRల కోసం భారీ-మార్కెట్ను సృష్టించాయి. ఈ రెండు పోటీ వ్యవస్థల మధ్య "వీడియో టేప్ ఫార్మాట్" యుద్ధాలు జరిగాయి. చివరికి VHS గెలిచింది. యూరప్లో ఫిలిప్స్ వీడియో 2000 ఆకృతిని అభివృద్ధి చేసింది, ఇది UKలోని టీవీ అద్దె కంపెనీలకు అనుకూలంగా లేక, VHS చేతిలో ఓడిపోయింది.
"వీడియో టేప్ ఫార్మాట్ యుద్ధం" తర్వాత హోమ్ సినిమాలకు VHS ప్రముఖ టేపు ఫార్మాట్గా మారింది. అయితే దాని ఫాలో-అప్లు S-VHS, W-VHS, D-VHS లు ప్రజాదరణ పొందలేదు. 2000ల ప్రారంభంలో, వీడియో మార్కెట్లో DVD లు VHS స్థానాన్ని ఆక్రమించడం మొదలైంది. DVD ఫార్మాట్కు VHS టేపు కంటే అనేక ఎక్కువ ప్రయోజనాలున్నాయి. ఒక DVDని, VHS టేపు కంటే చాలా మెరుగ్గా పదేపదే వాడవచ్చు. VHS లో చినిగిపోవడం, తెగిపోవడం జరుగుతుంది. DVD అలా కాదు. దాంతో అద్దె దుకాణాలలో DVDలకు ఆదరణ పెరిగింది. అలాగే, ఒక VHS టేపు తగినంత బలంతో ఉన్న అయస్కాంత క్షేత్రానికి గురైనట్లయితే, అది చెరిగిపోతుంది. DVDలు ఇతర ఆప్టికల్ డిస్క్లు అయస్కాంత క్షేత్రాలచే ప్రభావితం కావు. DVD లలో టేపు తెగిపోవడం, క్యాసెట్ మెకానిజం చెడిపోవడం వంటి టేపుల సమస్యలు లేనప్పటికీ, DVD లపై గీతలు పడితే పాడైపోయే సమస్య ఉంది. అద్దె దుకాణాలకు లాభించే మరో అంశం ఏమిటంటే DVDలు చిన్నవిగా ఉండి, నిల్వ చేయడానికి తక్కువ స్థలాన్ని తీసుకుంటాయి. DVDలు వీక్షకులకు కూడా అనేక ప్రయోజనాలను అందిస్తాయి: DVDలు ప్రామాణిక 4x3, వైడ్స్క్రీన్ 16x9 స్క్రీన్ యాస్పెక్ట్ రేషియోలు రెండింటికి మద్దతు ఇస్తాయి. DVDలు VHS వీడియో రిజల్యూషన్ కంటే రెండింతల రిజల్యుషన్ను ఇస్తాయి. అలాగే, చలనచిత్రాన్ని దాటవేసి చివరికి వెళ్ళాలనుకునే వీక్షకులు VHS టేపుతో పోలిస్తే DVDతో చాలా వేగంగా చేయగలరు. DVDల్లో ఇంటరాక్టివ్ మెనూలు, బహుళ భాషా ట్రాక్లు, ఆడియో వ్యాఖ్యానాలు, ఉపశీర్షికలు (ఉపశీర్షికలను ఆన్ లేదా ఆఫ్ చేయడం లేదా అనేక భాషలలో ఉపశీర్షికలను ఎంచుకోవడం వంటివి) ఉంటాయి. అంతేకాకుండా, DVDని కంప్యూటర్లో కూడా ప్లే చేయవచ్చు.
ఈ ప్రయోజనాల కారణంగా, 2000ల మధ్య నాటికి, రెంటల్ ఫిల్మ్, కొత్త మూవీ మార్కెట్లు రెండింటిలోనూ DVDలు ప్రధాన రూపంగా మారాయి. 1990ల చివరలో, 2000ల ప్రారంభంలో, వినియోగదారులు ప్రసార టీవీ షోలను రికార్డ్ చేయడానికి VCRలను ఉపయోగించడం కొనసాగించారు. ఎందుకంటే వినియోగదారులు DVD లలో హోమ్ రికార్డింగ్లను చేయలేరు. చవకైన DVD రికార్డర్లు, ఇతర డిజిటల్ వీడియో రికార్డర్లు (DVRలు) రావడంతో 2000ల చివరలో DVD ఆధిపత్యానికి ఈ చివరి అవరోధం కూడా తొలగిపోయింది. హార్డ్ డిస్క్ లేదా ఫ్లాష్ స్టోరేజ్లో రికార్డ్ చేసే DVR పరికరాలను ఎలక్ట్రానిక్స్ స్టోర్ల నుండి కొనుగోలు చేయవచ్చు లేదా కేబుల్ లేదా శాటిలైట్ టీవీ ప్రొవైడర్ల నుండి అద్దెకు తీసుకోవచ్చు. ప్రధాన స్రవంతిలో DVDకి ఆధిపత్యం ఉన్నప్పటికీ, VHS పాత్ర కూడా కొనసాగింది. DVD కి మారడంతో ఉపయోగించిన VHS ఫిల్మ్లతో మార్కెట్ నిండిపోయింది. ఇవి పాన్షాప్లు, సెకండ్ హ్యాండ్ స్టోర్లలో లభిస్తూ, వాడేసిన DVD కంటే తక్కువ ధరకు లభించాయి. అలాగే, పాఠశాలలు, లైబ్రరీలలో పెద్ద సంఖ్యలో VHS ప్లేయర్లు ఉన్నందున, విద్యా మార్కెట్ కోసం VHS టేపులు ఇప్పటికీ ఉత్పత్తి చేయబడుతున్నాయి. 2016 జూలైలో చిట్టచివరి VCRల తయారీదారు Funai, VCR ఉత్పత్తిని నిలిపివేస్తున్నట్లు ప్రకటించింది. [2]
సాంకేతికతలో పురోగతితో, వీడియోటేపు దాని అసలు ఉపయోగాల (ఒరిజినల్ రికార్డింగ్, ఎడిటింగ్, ప్లేబ్యాక్) అవసరం తీరిపోయింది. ఇప్పుడు అది ప్రాథమికంగా ఆర్కైవల్ మాధ్యమంగా మాత్రమే ఉంది. 1995 లోనే అవిడ్ నాన్ లీనియర్ ఎడిటింగ్ సిస్టమ్ హార్డ్ డిస్క్లలో వీడియో క్లిప్లను నిల్వ చేయడాన్ని ప్రదర్శించినప్పుడే, వీడియోటేపు మరణాన్ని ఊహించారు. అయినప్పటికీ, ఆ తరువాత మరికొన్నాళ్ళు వినియోగదారులు వీడియోటేపును విస్తృతంగానే ఉపయోగించారు. దాదాపు 2004 వరకు, DVD-ఆధారిత క్యామ్కార్డర్లు వినియోగదారు స్థాయిలో అందుబాటులో ఉన్నాయి. దేశీయ కంప్యూటర్లు ఆమోదయోగ్యమైన వీడియోను నిల్వ చేయడానికి తగినంత పెద్ద హార్డ్ డ్రైవ్లను కలిగి ఉన్నాయి.
వినియోగదారు క్యామ్కార్డర్లలో టేపులను వాడడం మానేసి, వీడియోను కంప్యూటర్ ఫైళ్ళుగా రికార్డ్ చేసే మెషీన్లకు మారాయి. వాటిలో చిన్న హార్డ్ డిస్క్లు, రైటబుల్ ఆప్టికల్ డిస్క్లను ఉపయోగించారు. SD కార్డ్ల వంటి సాలిడ్-స్టేట్ మెమరీ ప్రస్తుతం మార్కెట్ లీడర్గా ఉంది. దీని వలన ప్రాథమికంగా రెండు ప్రయోజనాలున్నాయి: ముందుగా, టేపు రికార్డింగ్ను కంప్యూటర్ లేదా ఇతర వీడియో మెషీన్లోకి కాపీ చేయడం నిజ సమయంలో జరుగుతుంది (ఉదా. పది నిమిషాల వీడియోను కాపీ చేయడానికి పది నిమిషాలే పడుతుంది); టేపులెస్ క్యామ్కార్డర్లు వీడియోను కంప్యూటర్-రెడీ డేటా ఫైల్లుగా రికార్డ్ చేస్తాయి కాబట్టి, ఫైల్లను కంప్యూటర్లోకి సింపులుగా కాపీ చేయవచ్చు. రెండవది, టేపులెస్ క్యామ్కార్డర్లు - ప్రత్యేకించి సాలిడ్-స్టేట్ మెమరీని ఉపయోగించేవి - యాంత్రికంగా చాలా సరళమైనవి, మరింత నమ్మదగినవి.
ఈ సౌకర్యాలు ఉన్నప్పటికీ, దీర్ఘాయుష్షు, తక్కువ ధర, విశ్వసనీయత కారణంగా టేపులను ఇప్పటికీ చిత్రనిర్మాతలు, టెలివిజన్ నెట్వర్క్లూ విస్తృతంగా ఉపయోగిస్తున్నాయి. ఈ కారణాల వల్లనే విజువల్ కంటెంటు మాస్టర్ కాపీలు తరచుగా టేపులలోనే నిల్వ చేస్తారు. ప్రసార టెలివిజన్ వంటి వృత్తిపరమైన వినియోగదారులు 2000ల మధ్య నుండి చివరి వరకు టేపులనే ఎక్కువగా ఉపయోగించినప్పటికీ, DVCPRO వంటి టేపులెస్ ఫార్మాట్లు<span typeof="mw:Entity" id="mwATI"> </span>P2, XDCAM, AVCHD వంటివి విస్తృత ఆమోదం పొందుతున్నాయి.
లైవ్ రికార్డింగ్ సాలిడ్ స్టేట్ (పానాసోనిక్ P2, Sony SR మాస్టర్ లేదా XDCAM-EX), ఆప్టికల్ డిస్క్ (Sony వారి XDCAM), హార్డ్ డిస్క్లకు మారినప్పటికీ, సాలిడ్ స్టేట్ల అధిక ధర, హార్డ్-డిస్క్ డ్రైవ్ల పరిమిత జీవితకాలం వలన వాటిని నిల్వ కోసం వాడడాం తక్కువగా ఉంది. దీని కోసం ఇప్పటికీ టేపులనే ఉపయోగిస్తున్నారు. 2016 నాటికి కొన్ని వార్తలు, ప్రొడక్షన్ కెమెరా సిబ్బంది ఇప్పటికీ HDలో కూడా టేపు ఫార్మాట్లనే ఉపయోగించే కెమెరాలు వాడుతున్నారు.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.