2023 క్రికెట్ ప్రపంచ కప్ అర్హత
From Wikipedia, the free encyclopedia
2023 క్రికెట్ ప్రపంచ కప్ కోసం ఐసిసి ప్రవేశపెట్టిన కొత్త అర్హత ప్రక్రియ 2023 క్రికెట్ ప్రపంచ కప్ అర్హత ప్రక్రియ. 2023 క్రికెట్ ప్రపంచ కప్లో ఏ దేశాలు పాల్గొనాలో ఈ అర్హత ప్రక్రియ లోని పోటీల ద్వారా నిర్ణయించారు. మొత్తంగా, 32 దేశాలు క్వాలిఫికేషన్ ప్రక్రియలో పాల్గొనగా, వీటిలో 10 జట్లు ప్రపంచ కప్కు అర్హత సాధించాయి.
32 జట్లను మూడు లీగ్లుగా విభజించారు- సూపర్ లీగ్ (13 జట్లు), లీగ్ 2 (7 జట్లు), ఛాలెంజ్ లీగ్ (12 జట్లు). లీగ్ల ఫలితాల ఆధారంగా, జట్లు ప్రపంచ కప్కు నేరుగా అర్హత సాధించడమో, ప్రపంచ కప్లో ఆడే అర్హత నుండి తొలగించబడడమో, తరువాతి దశ అర్హత టోర్నమెంటుకు వెళ్ళడమో జరుగుతుంది. సప్లిమెంటరీ క్వాలిఫైయింగ్ టోర్నమెంట్లు లీగ్ల మధ్య ప్రమోషన్ను, బహిష్కరణను కూడా నిర్ణయిస్తాయి. ఈ కొత్త ప్రక్రియను వాడడాం ఇదే మొదలు కాబట్టి, జట్లను వారి ICC సభ్య స్థితి, ODI స్థితి, 2017-2019 ICC వరల్డ్ క్రికెట్ లీగ్లో ర్యాంక్లపై ఆధారపడి, మూడు లీగ్లకు జట్లను కేటాయించారు.[1]