135 ఫిల్మ్
From Wikipedia, the free encyclopedia
135 ఫిల్ం లేదా 35mm ఫార్మాట్ (ఆంగ్లం: 135 film లేదా 35mm format) అనేది ఒక ఫిలిం ఫార్మాట్. దీని వెడల్పు 35 మిల్లీమీటర్లు ఉండటం వలన దీనికి ఈ పేరు వచ్చింది. 135 ఫిలిం నిశ్చలన ఛాయాచిత్రకళ (Still Photography) లో, ఒకప్పటి చలనచిత్రాలలో (Motion Picture) సాధారణంగా (, అత్యంత విరివిగా) వాడబడే ఫిలిం పరిమాణం.
![Thumb image](http://upload.wikimedia.org/wikipedia/commons/thumb/5/5b/135film.jpg/320px-135film.jpg)
ఇది కేవలం 35mm ఫిలిం కెమెరాలలో వాడబడుతుంది. ఈ ఫిలిం పై ఏర్పడే ఛాయాచిత్రాల పరిణామాలు 36mm పొడవు, 24mm వెడల్పు కలిగి ఉంటాయి. ఈ ఫిలిం పొడువునా ఇరువైపులా రంధ్రాలు ఉంటాయి. వీటినే స్ప్రాకెట్ హోల్స్ (Sprocket Holes) అని అంటారు. కెమెరాలో కుడివైపు ఉన్న చక్రాలకి గల పళ్ళు ఈ స్ప్రాకెట్ హోల్స్ లో ఇమిడే లాగా ఫిలింను లోడ్ చేయవలసి ఉంటుంది. ఒక ఫ్రేం పై ఒక ఛాయాచిత్రాన్ని తీసిన తర్వాత రెండవ ఫ్రేంకి తరలేందుకు కెమెరాకి గల ఒక చక్రాన్ని తిప్పటం వలన మరొక చక్రం కూడా తిరిగి ఫిలిం ముందుకు వెళ్తుంది. దీనినే ఫిలిం అడ్వాన్సింగ్ (Film Advancing) అంటారు.
![Thumb image](http://upload.wikimedia.org/wikipedia/commons/thumb/e/e9/Half-Frame_4442.jpg/640px-Half-Frame_4442.jpg)
135 అనే పదం మొట్టమొదట కొడాక్ చే 1934లో ఉపయోగించబడింది. అత్యంత వేగంగా ప్రజాదరణ పొందిన ఈ ఫిలిం 1960 వ సంవత్సరానికల్లా అప్పటి వరకూ విరివిగా వాడబడుతున్న 120 ఫిల్మ్కి అడ్డుకట్ట వేసి, ఆదరణలో, ఉపయోగంలో దానిని మించిపోయింది. 120 ఫిల్మ్, ఇతర లార్జ్ ఫార్మాట్ ఫిల్ం లతో గట్టి పోటీ ఉన్ననూ, ఈనాటికీ 135 ఫిలిం వాడుకలో ఉంది. ఒక ఫ్రేంలో ఒకే ఛాయాచిత్రాన్ని తీస్తే దానిని ఫుల్-ఫ్రేం (Full-frame) అనీ, ఒకే ఫ్రేంలో రెండు ఛాయాచిత్రాలని తీస్తే దానిని హాఫ్-ఫ్రేం (Half-frame) అనీ వ్యవహరిస్తారు.
135 ఫిలిం యొక్క పరిమాణాన్నే చాలా డి ఎస్ ఎల్ ఆర్ కెమెరా లు, పలు ఇతర కెమెరాలు స్వీకరించినవి.