From Wikipedia, the free encyclopedia
సుస్థిర జీవనం ఒక జీవనశైలికి నిర్వచనం.[1] ఈ జీవన విధానంలో భూమిలో దొరికే సహజ వనరులను, ఒక వ్యక్తికి సంబంధించిన వనరులను ఆ వ్యక్తి లేదా సమాజం తక్కువలో తక్కువ ఉపయోగించాలి. ఈ విధానాన్ని తరచుగా భూమితో మమేకమై బ్రతకడం అనీ, లేదా సున్నా ప్రభావ జీవితం అని పిలుస్తారు. రవాణా, శక్తి వినియోగం, ఆహారం పద్ధతులను మార్చడం ద్వారా ఈ జీవన విధానాన్ని పాటించే వారు తరచూ వారి పర్యావరణ పాదముద్రను (వారి కార్బన్ పాదముద్రతో సహా) తగ్గించడానికి ప్రయత్నిస్తారు. [2] ఈ విధానాన్ని పాటించేవారు తమ జీవితాలను సుస్థిరతకు అనుగుణంగా, సహజంగా సమతుల్యతతో, భూమి యొక్క సహజ పర్యావరణంతో మానవాళి యొక్క సహజీవన సంబంధాన్ని గౌరవించే విధంగా మసలాలని లక్ష్యంగా పెట్టుకున్నారు. [3] పర్యావరణ జీవనాన్ని పాటించడం, సాధారణ తత్వశాస్త్ర స్థిరమైన అభివృద్ధి మొత్తం సూత్రాలను దగ్గరగా అనుసరిస్తాయి. [4]
ప్రముఖ పర్యావరణవేత్త, వరల్డ్ వాచ్ ఇన్స్టిట్యూట్, ఎర్త్ పాలసీ ఇన్స్టిట్యూట్ సంస్థల వ్యవస్థాపకుడు లెస్టర్ ఆర్. బ్రౌన్, ఇరవైఒకటవ శతాబ్దంలో సుస్థిరమైన జీవనాన్ని "వైవిధ్యభరితమైన రవాణా వ్యవస్థ కలిగిన పునరుత్పాదక ఇంధన ఆధారిత, పునర్వినియోగం రీసైకిల్ ముఖ్యంగా ఉన్న ఆర్థిక వ్యవస్థకు మారడం" అని వర్ణించారు. ప్రఖ్యాత అమెరికన్ రచయిత, పర్యావరణవేత్త, యథాతథ పర్యావరణవాద ప్రముఖ విమర్శకుడు డెరిక్ జెన్సన్ (" పర్యావరణ ఉద్యమ కవి-తత్వవేత్త") " పారిశ్రామిక నాగరికత సుస్థిరం కాదు, ఎప్పటికీ సుస్థిరం కాలేదు" అని వాదించారు. ఈ వాదన వలన వచ్చే సహజమైన తీర్మానం ఏమిటంటే, సుస్థిరమైన జీవనం, పారిశ్రామికీకరణ పరస్పర విభేదాలు అని. అందువల్ల, ఈ సుస్థిర జీవన నియమాలను పాటించాలనుకునేవారు పారిశ్రామిక పునాదిపై నిలుచున్న నేటి సమాజంలో జీవిస్తూ, ప్రత్యామ్నాయ నిబంధనలతో, సాంకేతికాలతో, నడవడికలతో పలు సవాళ్ళతో కూడిన విపరీత ధోరణిలో బ్రతుకుతారు.
లివింగ్ విలేజెస్ లాంటి వాస్తవిక ప్రకృతి గ్రామాలను నెలకొల్పిన బిల్డర్ల ప్రకారం, ప్రత్యామ్నాయ సాంకేతిక పరిజ్ఞానాలకు మారడం విజయవంతమవుతుందని, ఫలితంగా నిర్మించిన ఇలాంటి సహజ గ్రామాలు స్థానిక సంస్కృతికి ఆకర్షణీయంగా ఉంటే, ఆ సందర్భంలో కొన్ని తరాల పాటు అవసరమయ్యే విధంగా వీటిని నిర్వహించుకోవచ్చని. అలా జరిగితే ప్రతి ఒక్కరూ ఈ సుస్థిర జీవనాన్ని స్వీకరించి పాటించవచ్చని వారన్నారు.
సుస్థిర జీవితం అనేది ప్రాథమికంగా జీవనశైలి ఎంపికలు, నిర్ణయాలతో ముడిపడి ఉంతుంది. ప్రకృతిని, ప్రపంచం యొక్క సుస్థిరతను ఈ జీవితం కోరుకుంటుంది. భవిష్యత్ తరాల కోసం మన జీవనశైలితో రాజీ పడకుండా - ప్రస్తుత పర్యావరణ, సామాజిక, ఆర్థిక - ఈ మూడు అవసరాలను తీర్చడం ద్వారా స్థిరమైన జీవనానికి సంబంధించిన ఒక భావనగా అర్థం అవుతుంది. [6] మరొక విస్తృత భావనలో సుస్థిర జీవనం అంటే ఆర్థికశాస్త్రం, జీవావరణ శాస్త్రం, రాజకీయాలు, సంస్కృతి - ఈ నాలుగు అంశాలను కలుపుకొని స్థిరంగా జీవించడం. [7]
సుస్థిర రూపకల్పన, సుస్థిర అభివృద్ధి స్థిరమైన జీవనానికి కీలకమైన అంశాలు. సుస్థిర జీవన ప్రణాళిక తగిన సాంకేతిక పరిజ్ఞానం, అభివృద్ధిని కలిగి ఉంటుంది, ఇది స్థిరమైన జీవన విధానాలకు ప్రధానమైనది. [8] మౌలిక సదుపాయాలలో ఈ సాంకేతిక పరిజ్ఞానాన్ని ఉపయోగించడమే సుస్థిర అభివృద్ధి. ఈ పద్ధతికి కొన్ని ఉదాహరణలు: సుస్థిర భవననిర్మాణం, సుస్థిర వ్యవసాయం . [9]
ప్రపంచ స్థాయిలో విడుదలయ్యే గ్రీన్ హౌస్ వాయువు ఉద్గారాలాలో 25% మనుషులు నివసించే ఇళ్ళ నుండి వెలువడుతున్నాయి. మరో 26% ఇళ్ళ కోసం వినియోగిస్తున్న భూభాగం నుండి వెలువడుతోంది. [13]
ప్రకృతిలో సహజంగా మీథేన్ వాయువును జీర్ణక్రియ ద్వారా జంతువులు తయారు చేస్తాయి. ఇదే పద్ధతిని వాడి బయోమాస్ ఉత్పత్తిని చేస్తున్నారు. మురుగునీటిని క్రమీకరించి అందులో నుండి మీథేన్ వాయువును తయారు చేసి, ఆ మీథేన్ వాయువును దహించి విద్యుత్ ఉత్పత్తి చేయవచ్చు. ఈ మీథేన్ వాయువు సహజంగా బంజర చిత్తడి భూభాగాల్లో, మరుగు ప్రదేశాల్లో, దొరుకుతుంది, మీథేన్ ను వాతావరణంలో కలవకుండా అరికడితే, అది భూ ఉపరితల ఉష్ణోగ్రతను పెంచకుండా ఆపవచ్చు. బయోమాస్ ఇంధన ఉత్పత్తికి వాడే ఈ పద్ధతి సాధారణంగా పెద్ద ఎత్తున మాత్రమే జరుగుతున్నప్పటికీ, ఇది చిన్న స్థాయిలో కూడా చేయవచ్చు. [14]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.