సియెరా లియోన్
ఆఫ్రికాలోని ఒక దేశం / From Wikipedia, the free encyclopedia
సియెరా లియోన్ [5] వెస్టు నైరుతి తీరంలో ఉన్న ఒక దేశం.అధికారికంగా " సియెరా లియోన్ రిపబ్లిక్" అనధికారికంగా సలోను [6] సియెరా లియోన్. ఇది ఉష్ణమండల శీతోష్ణస్థితిని కలిగి ఉంది. సవన్నా, వర్షారణ్యాలతో విభిన్న పర్యావరణం కలిగి ఉంటుంది. దేశం మొత్తం వైశాల్యం 71,740 చ.కి.మీ. (27,699 చ.మై)[7] 2015 గణాంకాల ఆధారంగా దేశ జనాభా 70,75,641.[1] సియెరా లియోన్ ఒక రాజ్యాంగ రిపబ్లిక్, ప్రత్యక్షంగా ఎన్నుకోబడిన అధ్యక్షుడు, ఏక శాసనసభతో నిర్వహించబడుతుంది. సియెరా లియోన్ ఒక ఆధిపత్య కేంద్ర ప్రభుత్వంగా ఉంది. అధ్యక్షుడు ప్రభుత్వ అధిపతిగా ఉంటాడు. దేశం రాజధాని, అతిపెద్ద నగరం ఫ్రీటౌన్. సియెరా లియోన్లో ఐదు పరిపాలనా ప్రాంతాలున్నాయి: ఉత్తర ప్రావిన్సు, వాయవ్య ప్రావిన్సు, తూర్పు ప్రావిన్సు, దక్షిణ ప్రావిన్సు, పశ్చిమ ప్రాంతం. ఈ ప్రాంతాలను మళ్ళీ పదహారు జిల్లాలుగా విభజించారు.[8][9]
Republic of Sierra Leone | |
---|---|
నినాదం: "Unity, Freedom, Justice" | |
గీతం: "High We Exalt Thee, Realm of the Free" | |
Location of సియెరా లియోన్ (dark blue) – in Africa (light blue & dark grey) | |
రాజధాని | Freetown 8°29.067′N 13°14.067′W |
అధికార భాషలు | English |
Spoken languages |
|
పిలుచువిధం | Sierra Leonean |
ప్రభుత్వం | Unitary presidential constitutional republic |
• President | Julius Maada Bio (SLPP) |
• Vice-President | Mohamed Juldeh Jalloh (SLPP) |
• Chief Minister | David J. Francis (SLPP) |
• Speaker of Parliament | Abass Bundu (SLPP) |
• Chief Justice | Desmond Babatunde Edwards |
శాసనవ్యవస్థ | Parliament |
Independence | |
• from the United Kingdom | 27 April 1961 |
• Republic declared | 19 April 1971 |
విస్తీర్ణం | |
• మొత్తం | 71,740 కి.మీ2 (27,700 చ. మై.) (117th) |
• నీరు (%) | 1.1 |
జనాభా | |
• 2015 census | 7,075,641[1] (103rd) |
• జనసాంద్రత | 79.4/చ.కి. (205.6/చ.మై.) (114tha) |
GDP (PPP) | 2018 estimate |
• Total | $12.177 billion[2] |
• Per capita | $1,608[2] |
GDP (nominal) | 2018 estimate |
• Total | $3.824 billion[2] |
• Per capita | $505[2] |
జినీ (2011) | 35.4[3] medium |
హెచ్డిఐ (2015) | 0.420[4] low · 179th |
ద్రవ్యం | Leone (SLL) |
కాల విభాగం | UTC+0 (GMT) |
వాహనాలు నడుపు వైపు | rightb |
ఫోన్ కోడ్ | +232 |
ISO 3166 code | SL |
Internet TLD | .sl |
|
1808 నుండి 1961 వరకు సియెరా లియోన్ బ్రిటిష్ క్రౌన్ కాలనీగా ఉంది. 1961 ఏప్రిల్ 27 న సర్ మిల్టను మార్గాయి (మొట్టమొదటి ప్రధాన మంత్రి) నేతృత్వంలో సియెరా లియోన్ యునైటెడు కింగ్డం నుండి స్వతంత్రం పొందింది. 1962 మేలో సియెరా లియోన్ ఒక స్వతంత్ర దేశంగా తన మొదటి సాధారణ ఎన్నికలను నిర్వహించింది. 1971 ఏప్రిల్ 19 న సియకా స్టీవెన్సు ప్రభుత్వం సియెరా లియోన్ పార్లమెంటరీ ప్రభుత్వ వ్యవస్థను రద్దు చేసి సియెరా లియోన్ను ఒక అధ్యక్ష రిపబ్లికుగా ప్రకటించింది. 1978 నుండి 1985 వరకు సియెరా లియోన్ ఒక పార్టీ దేశంగా ఉంది. ఇందులో స్టీవెన్సు 'ఎ.పి.సి. పార్టీ దేశంలో ఏకైక చట్టపరమైన రాజకీయ పార్టీగా ఉంది. బహుళపార్టీ ప్రజాస్వామ్యాన్ని కలిగి ఉన్న సియెరా లియోన్ ప్రస్తుత రాజ్యాంగం 1991 లో అధ్యక్షుడు జోసెఫు సైడు మోమోహు (స్టీవెన్సు ఎన్నుకున్న వారసుడు) ప్రభుత్వం స్వీకరించింది. 1991 మార్చి 23 న మాజీ సియెరా లియోన్ సైన్యాధికారి ఫోడే సంకో నేతృత్వంలోని రివల్యూషనరీ యునైటెడు ఫ్రంటుగా పిలువబడిన ఒక తిరుగుబాటు బృందం దేశంలో ఒక 11 సంవత్సరాల క్రూరమైన పౌర యుద్ధానికి తెరతీసింది. అయినప్పటికీ సియెరా లియోన్ ప్రభుత్వాన్ని పడగొట్టడంలో విజయవంతం కాలేదు.
1992 ఏప్రెలులో సియారా లియోన్ సైన్యాధికారి మోమోను అధికారం స్వీకరించాడు. 1996 జనవరిలో బ్రిగేడియరు జనరలు జూలియసు మాడ బయో నేతృత్వంలో మిలిటరీ ప్రభుత్వం దేశాన్ని తిరిగి బహుళజాతి ప్రజాస్వామ్యానికి తీసుకుని వచ్చింది. 1991 రాజ్యాంగం పునఃస్థాపన చేయబడింది. 1996 సియెరా లియోన్ ప్రెసిడెన్షియలు ఎన్నికలో అతని విజయం తర్వాత బయో " అహ్మదు టీజను కబ్బా " అధికారాన్ని బదిలీ చేసాడు. 1997 లో సైనిక అధ్యక్షుడు కబ్బాను పడగొట్టాడు. అయినప్పటికీ 1998 ఫిబ్రవరిలో నైజీరియా నేతృత్వంలోని పశ్చిమ ఆఫ్రికా ఎకోవాసు సైనిక దళాల సంకీర్ణ శక్తి సైనిక అధికారాన్ని తొలగించి కబ్బాను తిరిగి అధ్యక్షుడిగా నియమించింది. 1998 నుండి ఇప్పటి వరకు సియెరా లియోన్ నిరంతరాయ ప్రజాస్వామ్యంగా ఉంది. 2002 జనవరిలో అధ్యక్షుడు అహ్మదు టీజను కబ్బా తన ప్రచార వాగ్దానాన్ని నెరవేర్చడంతో అధికారికంగా అంతర్యుద్ధం ముగిసింది. తిరుగుబాటుదారులు ఎకోసు, బ్రిటిషు ప్రభుత్వం, ఆఫ్రికను సమాఖ్య, ఐక్యరాజ్య సమితి సహాయ సైనిక బలగాలు మద్దతుతో ఓడించబడింది.
సియెరా లియోన్లో 16 జాతి సమూహాలు నివసిస్తాయి. ప్రతి ఒక్కటి దాని స్వంత భాష, ఆచారాలతో ఉన్నాయి. వీటిలో టెమ్నే, మెండే రెండు అతిపెద్ద, అత్యంత ప్రభావవంతమైన జాతులుగా ఉన్నాయి. ఇవి ప్రధానంగా దేశానికి వాయవ్య ప్రాంతంలో కనిపిస్తాయి. మెండే ప్రధానంగా ఆగ్నేయంలో ఉన్నారు. సుమారు 2% క్రిపు ప్రజలు, ఆఫ్రికా-అమెరికన్లు, పశ్చిమ భారతీయ బానిసల వారసులు అల్పసంఖ్యాక ప్రజలుగా ఉన్నారు. ఇంగ్లీషు అధికారిక భాష అయినప్పటికీ పాఠశాలలు, ప్రభుత్వ పరిపాలనలో ఉపయోగించినప్పటికీ, క్రియోలు, ఇంగ్లీషు ఆధారిత క్రియోలు, సియెరా లియోన్ అంతటా విస్తృతంగా వాడుక భాషగా (దేశ జనాభాలో 97% మందికి) ఉంది. దేశంలోని వివిధ జాతుల సమూహాలు మొత్తం వారి వర్తకం, సాంఘిక పరస్పర సంబంధాలలో క్రియోలు భాష వాడుకలో ఉంది.
సియెరా లియోన్ ఒక ముస్లిం దేశంగా (78%) ఉంది. అయినప్పటికీ గణనీయమైన సంఖ్యలో క్రైస్తవులు 21% ఉంది.[10] సియెరా లియోన్ ప్రపంచంలో అత్యంత మతపరంగా సహనం కల్గిన దేశాలలో ఒకటిగా పరిగణించబడుతుంది. ముస్లింలు, క్రైస్తవులు సహజీవనంతో పరస్పరం సహకరించుకుంటారు, మతపరమైన హింస చాలా అరుదు. ప్రధాన క్రైస్తవ, ముస్లిం సెలవులు క్రిస్మస్, ఈస్టర్, ఈద్ అల్-ఫితరు, ఈదు అలు అధాలతో సహా దేశంలో అధికారికంగా ప్రజా సెలవుదినాలు ఉంటాయి. రాజకీయాలలో అభ్యర్థికి ముస్లిం, క్రైస్తవుడు అనేవివక్ష చూపకుండా సియెరా లెయోనన్సు అభ్యర్థికి ఓటు వేస్తారు.[11][12]
సియెరా లియోన్ మైనింగు (ముఖ్యంగా వజ్రాలు) దాని ఆర్థికరంగానికి పునాదిగా ఉంది. టైటానియం, బాక్సైటు అతిపెద్ద ఉత్పత్తిదారులలో ఇది కూడా ఒకటి. ఇది బంగారం అతిపెద్ద ఉత్పత్తి దారుగా ఉంది. ప్రపంచంలోని అతి పెద్ద నిక్షేపాలు కలిగిన దేశాలలో ఇది ఒకటి. సియెరా లియోన్ ప్రపంచంలోని మూడవ అతిపెద్ద సహజ నౌకాశ్రయానికి నిలయంగా ఉంది. ఈ సహజ సంపద ఉన్నప్పటికీ 2011 లో 53% జనాభా పేదరికంలో నివసించారు.[13] సియెరా లియోన్ ఐక్యరాజ్యసమితి, ఆఫ్రికా సమాఖ్య, వెస్టు ఆఫ్రికా స్టేట్సు (ECOWAS), మానో రివరు యూనియను, కామన్వెల్తు ఆఫ్ నేషన్సు, ఆఫ్రికన్ డెవలప్మెంటు బ్యాంకు, ఇస్లామికు సహకార సంస్థలలో సభ్యదేశంగా ఉంది.