సర్క్యులర్ పార్కు

సర్కులర్ పార్క్
సర్కులర్ పార్క్
	సర్కులర్ పార్కు దగ్గర ఉన్న పొపలోవ్ సరస్సు
రకం	ప్రజాపార్కు
స్థానం	కెంట్రాన్ జిల్లా, యెరెవాన్, ఆర్మేనియా
అక్షాంశరేఖాంశాలు	40°10′36″N 44°31′23″E
విస్తీర్ణం	30హెక్టారులు
నిర్వహిస్తుంది	యెరెవాన్ నగర కౌన్సిలు
స్థితి	సంవత్సరం అంతటా తెరిచి ఉంటుంది

సర్కులర్ పార్క్ (ఆంగ్లం:Circular Park) ఆర్మేనియా రాజధాని యెరెవాన్ నగరంలోని కెంట్రాన్ జిల్లాలో ఉన్న ఒక ప్రజా పార్కు. దీనిని యూత్ పార్క్ అని కూడా పిలుస్తారు. ఇది టిగ్రన్ మేట్స్ వీధిలో దక్షిణాన కేథడ్రాల్ ఆఫ్ సెయింట్ గ్రెగరీ వద్ద ప్రారంభమయ్యు మాష్టోత్స్ అవెన్యూలో ఉత్తరాన ఉన్న పాప్లావ్ సరస్సు వద్ద ముగుస్తుంది. ఈ పార్కు ఖాన్జియన్, యెర్వాండ్ కోచార్, అలెక్స్ మానోగియన్, మోస్కోవియన్, ఇసాహక్యాన్ వీధుల వెంట ఉంది. యెరెవాన్ దిగువ పట్టణం యొక్క తూర్పు భాగంలో ఒక సగం వృత్తాకార ఆకారపు ఉద్యానవనాన్ని ఇది ఏర్పాటు చేస్తుంది.^[1] ఈ ఉద్యానవనం సుమారు 2500 మీటర్ల పొడవు మరియు120 మీటర్ల వెడల్పును కలిగి ఉంటుంది.

త్వరిత వాస్తవాలు సర్కులర్ పార్క్, రకం ...

మూసివేయి

సర్కులర్ పార్కులో అలెగ్జాండర్ గ్రిబ్రాయిడోవ్, ఆండ్రానిక్ ఓజానియన్, వార్దాన్ మామికోనియన్, యెగిషె చారెంట్స్, టిగ్రన్ పెట్రోస్యాన్, మైకేల్ నల్బందియాన్, ఆర్మేన్ టిగ్రనేయన్, ఫ్రిడ్ట్జఫ్ నన్స్సెన్, ఎవ్విటిక్ ఇసాహక్యాన్, వహన్ టెర్యన్ విగ్రహాలు ఉన్నాయి.

ఈ పార్కులో నడక దారిపై అక్టోబరు 2012 లో ఆరుగురు ప్రముఖ అర్మేనియన్ల యొక్క విగ్రహాలను ప్రదర్శించారు, వారు: బోహ్హోస్ నుబర్, అలెగ్జాండర్ మన్తాషియన్, అలెక్స్ మనోవోగియన్, కలోస్టె గుల్బెంకీయన్, మైకెల్ అరామ్యాంట్స్, హోవ్హన్నెస్ లాజరియన్.^[2]

ఈ ఉద్యానవనంలో ఇతర అలంకరణ స్మారక చిహ్నాలు ఉన్నవి, అవి: క్యారారా, యెరెవాన్ మధ్య స్నేహచిహ్నం, పునర్జన్మ స్మారక చిహ్నం, వెయిటింగ్ స్మారక చిహ్నం, అర్మేనియాకు అంకితం చేసిన స్మారక చిహ్నం.
పార్క్ లో అనేక భవనాలు, నిర్మాణాలు ఉన్నవి:
- సెయింట్ గ్రెగోరి ది ఇల్యూమినేటర్ కేథడ్రల్
- టెకెయ్నా కల్చరల్ సెంటర్
- యెరెవాన్ చదరంగ భవనం
- యెరెవాన్ స్టేట్ యూనివర్శిటీ టెన్నిస్ క్లబ్
- కొమిటస్ చాంబర్ మ్యూజిక్ హాల్
- ఎరిటసార్దకన్ భూగర్భ స్టేషన్
- పాప్లావోక్ సరస్సు, అరాగస్ట్ కేఫ్

సర్కులర్ పార్కులో అంతర్గత క్రీడా సముదాయం నిర్మాణంలో ఉంది (2013 నాటికి).