వికీపీడియా:సేవా పురస్కారాలు
From Wikipedia, the free encyclopedia
సేవా పురస్కారాలు అనేది రెండు నిర్దుష్ట ప్రమాణాల ఆధారంగా సంపాదకుల కృషి స్థాయిని గుర్తించే సులభమైన మార్గం. ఈ ప్రమాణాలు: 1. వికీపీడియాలో సంపాదకుడు చేసిన దిద్దుబాట్ల సంఖ్య, 2. వికీపీడియాలో వాడుకరిగా నమోదైన సమయం. వికీపీడియా సేవా పురస్కారాలు, స్వీయ పురస్కారానికి ఒక మార్గంగా ఒక విద్యావేత్త అభివర్ణించారు. [1] వాటిని స్వయంచాలకంగా సాధించిన మైలురాళ్లుగా కూడా భావించవచ్చు.
ఈ పురస్కారాలు ఒక సంపాదకుడు మరొకరికి ప్రశంసాపూర్వకంగా ఇచ్చే ఇతర పురస్కారాల వంటివి కాదు; ఇది తమకు తామే ఇచ్చుకునేందుకు ఉద్దేశించబడినది. వాడుకరిగా నమోదు చేసుకున్న సమయం, చేసిన దిద్దుబాట్ల సంఖ్యల ఖచ్చితమైన యాంత్రిక గణన ద్వారా ఇది తెలుస్తుంది. ఈ పురస్కారాలను అందించేందుకు ఎటువంటి ప్రక్రియ అవసరం లేదు; వాడుకరి తన అర్హతను బట్టి తానే గ్రేడ్ని నిర్ణయించుకుని, ఆపై దానిని తన వాడుకరి పేజీలో ప్రదర్శించుకోవడమే. ఏ పురస్కార స్థాయికైనా అర్హత పొందాలంటే చేరిన సమయం, చేసిన దిద్దుబాట్లు రెండూ సరిపోవాలి.
ఒక ముఖ్యమైన గమనిక: ఎన్నాళ్ళుగా పనిచేస్తున్నారు, ఎన్ని దిద్దుబాట్లు చేసారు అనేది సంపాదకులు చేసిన దిద్దుబాట్ల నాణ్యతకు గాని, దౌత్య సామర్థ్యానికి గానీ సూచిక కాదు. అందువల్ల, సేవా అవార్డులు ఏ స్థాయి గొప్పదనాన్నీ సూచించవు; ఈ పురస్కారం ద్వారా "కొత్త" సంపాదకుల కంటే "మాస్టర్" సంపాదకులకు ఎక్కువ అధికారాలేమీ రావు.
మీ దిద్దుబాట్ల గణన, మీ మొదటి దిద్దుబాటు చేసిన తేదీని తెలుసుకోవడానికి, గ్లోబల్ ఖాతా సమాచారాన్ని వీక్షించండి కింద ఈ సమాచారం కనిపించే ప్రాధాన్యతలను క్లిక్ చేయండి. మరింత వివరణాత్మకమైన దిద్దుబాట్ల సంఖ్య అనేది వినియోగదారు విశ్లేషణ సాధనం వంటి ఇతర దిద్దుబాటు సంఖ్యల లెక్కింపు, విశ్లేషణ సాధనాలు కూడా ఉన్నాయి. ఈ సాధనాలన్నీ ఒకే రకమైన సంఖ్యలను చూపవు, వాటిలో కొద్ది భేదాలుంటాయి. ఎందుకంటే అవి వివిధ గణన పద్ధతులపై ఆధారపడతాయి.