వికీపీడియా:ఈ వారపు వ్యాసం/2007 32వ వారం
From Wikipedia, the free encyclopedia
కొమర్రాజు వెంకట లక్ష్మణరావు (Komarraju Venkata Lakshmana Rao), తెలుగులో మొట్టమొదటి విజ్ఞాన సర్వస్వ నిర్మాత, విజ్ఞాన చంద్రికా మండలి స్థాపకుడు. తెలుగువారికి చరిత్ర పరిశోధనలు పరిచయం చేసి, ఉన్నత ప్రమాణాలతో చరిత్ర, విజ్ఞాన రచనలను తెలుగులో అందించడానికి శ్రీకారం చుట్టిన ఉత్తమ విజ్ఞానవేత్త.46 సంవత్సరాల ప్రాయంలోనే మరణించినా, తన కొద్దిపాటి జీవితకాలంలో ఒక సంస్థకు సరిపడా పనిని సాకారం చేసిన సాహితీ కృషీవలుడు. అంతేకాదు, ఎందరో సాహితీమూర్తులకు ఆయన సహచరుడు, ప్రోత్సాహకుడు, స్ఫూర్తి ప్రదాత. అజ్ఞానాంధకారంలో నిద్రాణమైన తెలుగుజాతిని మేలుకొలిపిన మహాపురుషులలో లక్ష్మణరావు ఒకడు.
![కొమర్రాజు వెంకట లక్ష్మణరావు](http://upload.wikimedia.org/wikipedia/te/thumb/e/e7/Teluguwriter_komarraju_lakshmanarao.jpg/150px-Teluguwriter_komarraju_lakshmanarao.jpg)
1877 మే 18న కృష్ణా జిల్లా పెనుగంచిప్రోలులో లక్ష్మణరావు జన్మించాడు. ప్రముఖ రచయిత్రి బండారు అచ్చమాంబ ఆయనకు అక్క. లక్ష్మణరావు మూడవయేటనే తండ్రి మరణించాడు. సవతి అన్న శంకరరావు పోషణలో లక్ష్మణరావు తన ప్రాధమిక విద్యను భువనగిరిలో పూర్తిచేశాడు. పూర్తివ్యాసం : పాతవి