![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/f4/0175_Lomo_LCA_%25285136382110%2529.jpg/640px-0175_Lomo_LCA_%25285136382110%2529.jpg&w=640&q=50)
లోమోగ్రఫీ
From Wikipedia, the free encyclopedia
లోమోగ్రఫీ (ఆంగ్లం:Lomography) అనేది అనలాగ్ ఫోటోగ్రఫీ లో ఏర్పడ్డ ఒక కళా ఉద్యమము. 1992 లో మొదట ఒక చిన్న సమూహంగా మొదలైన ఈ కళా ఉద్యమం, తర్వాతి కాలంలో Lomographische AG అనే ఒక అంతర్జాతీయ సంస్థగా ఏర్పడి అనలాగ్ ఫోటోగ్రఫీ ని వ్యాపింపజేసింది. [1]
![Thumb image](http://upload.wikimedia.org/wikipedia/commons/thumb/f/f4/0175_Lomo_LCA_%285136382110%29.jpg/640px-0175_Lomo_LCA_%285136382110%29.jpg)
లోమోగ్రఫీ ఎటువంటి ప్రణాళిక లేని, మెళకువలు పాటించనవసరం లేని, ఆకస్మిక ఛాయాచిత్రకళకు అత్యంత ప్రాధాన్యతని ఇస్తుంది. వర్ణ వైరుధ్యం (Color Contrast) ను ఫోటోలలో పెంచటం, లోమోగ్రఫీ కెమెరాల ప్లాస్టిక్ కటకాలలో లోపాలు, కావాలనే చేసే తప్పుడు బహిర్గతం అమరిక వంటి (అవ)లక్షణాలను లోమోగ్రఫీ యొక్క ప్రత్యేక కళాత్మక విలువలుగా పరిగణించబడతాయి.
అయితే ఇటువంటి అవలక్షణాలే లోమోగ్రఫీ నియమాలు కావటం ఒక ఎత్తైతే, ఇవే నియమాల జాబితాలో "ఏ నియమం పాటించకపోవటం" కూడా ఒక నియమమే కావటం మరొక ఎత్తు. ఫలితంగా, లోమోగ్రఫీ కెమెరాలను లోమోగ్రఫీ శైలి లో కాకుండా, మామూలుగా ఉపయోగించటం వలన Non-Lomography (నాన్ లోమోగ్రఫీ) అనే మరొక శైలి మొదలు అయ్యింది.