From Wikipedia, the free encyclopedia
రాష్‌బేహరీ ఘోష్, (సిఎస్ఐ, సిఐఇ) (1845 డిసెంబరు 23 – 1921 ఫిబ్రవరి 28) ఒక భారతీయ రాజకీయవేత్త, న్యాయవాది, సామాజికకార్యకర్త, పరోపకారి.
రాష్‌బేహరీ ఘోష్ 1845 డిసెంబరు 23న బెంగాల్ ప్రెసిడెన్సీలోని పూర్వ బర్ధమాన్ జిల్లా, ఖండఘోష్ ప్రాంతంలోని టోర్కోనా గ్రామంలో జన్మించాడు. అతను బుర్ద్వాన్ రాజ్ కళాశాల, ప్రెసిడెన్సీ కళాశాల, కోల్‌కతాలో చదివాడు. అతను ఆంగ్లంలో ఎంఏ పరీక్ష మొదటి తరగతిలో ఉత్తీర్ణుడయ్యాడు.1871లో అతను లా పరీక్షలో ఆనర్స్ తో ఉత్తీర్ణుడయ్యాడు 1884 లో డాక్టర్ ఆఫ్ లాస్ డిగ్రీని పొందాడు . [1]
ఘోష్ భారత జాతీయ కాంగ్రెస్ సభ్యుడు, మితవాద విభాగం వైపు మొగ్గు చూపాడు.అతను పురోగతిపై లోతైన విశ్వాసం ఉన్ననాయకుడు, కానీ ఏ రూపంలో నైనా త్రీవవాదానికి వ్యతిరేకి. అతను రెండు పర్యాయాలు కాంగ్రెస్ అధ్యక్షుడిగా పనిచేశాడు. మొదట 1907 సూరత్ సెషన్‌లో, దాదాభాయ్ నౌరోజీ తరువాత, కాంగ్రెస్ మితవాదులు, తీవ్రవాదులుగా విడిపోయింది, ఆ తర్వాత మద్రాసులోమరుసటి సంవత్సరం1908లో మరొకసారి కాంగ్రెస్ అధ్యక్షుడిగా పనిచేశాడు.
ఘోష్ బెంగాల్ లెజిస్లేటివ్ కౌన్సిల్ (1891–1894, కౌన్సిల్ ఆఫ్ ఇండియా సభ్యుడు 1906–1909) గా పనిచేసాడు. అతను 1896 కొత్త సంవత్సర ఆనర్స్‌లో ఆర్డర్ ఆఫ్ ది ఇండియన్ ఎంపైర్ (CIE) సహచరుడుగా నియమించారు. ఘోష్ 1909 సంవత్సరం పుట్టినరోజు వేడుకలలో ఆర్డర్ ఆఫ్ ది స్టార్ ఆఫ్ ఇండియా (CSI) సహచరుడుగా నియమించబడ్డాడు. అతను 1915 న్యూ ఇయర్ ఆనర్స్‌లో నైట్ పొందాడు. ఆ సంవత్సరం జూలై 14న అతని నైట్‌హుడ్‌తో సత్కరించబడ్డాడు.
ఘోష్ సామర్ధ్యం, రచనలు కలకత్తా విశ్వవిద్యాలయంలో ఠాగూర్ లా ప్రొఫెసర్‌షిప్ (1875–1876), కలకత్తా విశ్వవిద్యాలయంనుండి గౌరవ డిఎల్ డిగ్రీ (1884) వంటి వరుస గౌరవాలు పొందాయి.అతను తన న్యాయపరమైన అభ్యాసం ద్వారా చాలా సంపదను సంపాదించాడు, కానీ దానధర్మాలు ద్వారా దానిలో ఎక్కువ భాగం ఖర్చుచేశాడు.1913లో అతను కలకత్తా విశ్వవిద్యాలయంలో శాస్త్రీయ అధ్యయనాల కోసం పది లక్షలరూపాయల మూలధనంతో ఎండోమెంట్‌ను స్థాపించాడు. జాదవ్‌పూర్‌లో నేషనల్ కౌన్సిల్ ఆఫ్ ఎడ్యుకేషన్ (ఎన్.సి.ఇ) స్థాపించడానికి అతను 13 లక్షల రూపాయలను విరాళంగా ఇచ్చాడు. ఇది తరువాత జాదవ్‌పూర్ విశ్వవిద్యాలయంగా మారింది. ఘోష్ ఎన్.సి.ఇ.మొదటి అధ్యక్షుడుగా పనిచేసాడు.సర్ రాష్‌బేహరీ ఘోష్ మహా విద్యాలయం 2010 లో ఖండఘోష్, ఉఖ్రిద్‌లో సి,డి,బ్లాక్‌లనందు స్థాపించబడింది.అతనుతన గ్రామంలోపాఠశాలలు, ఆసుపత్రిని స్థాపించాడు. [2]
భారతదేశ ప్రజల కోసం ఘోష్ అందించిన సహకారాన్ని పరిశీలిస్తే, కోల్‌కతాలో ఒకవీధికి అతని పేరును పెట్టారు. [3] ఒక ప్రధాన మార్గానికి రాష్‌బేహరి అవెన్యూ అని అతని పేరును పెట్టారు. ఇది చెట్ల - సహానగర్ వంతెన నుండి (షహీద్ జతిన్ దాస్ సేతు) నుండి ప్రారంభమై తూర్పు వైపు బల్లిగుంజ్ గరియాహత్ వరకు నడుస్తుంది.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
