![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/be/Aesthetic_bunch_of_fenugreek_greens.jpg/640px-Aesthetic_bunch_of_fenugreek_greens.jpg&w=640&q=50)
మెంతుల ఆవశ్యక నూనె
From Wikipedia, the free encyclopedia
మెంతుల ఆవశ్యక నూనె ఒక సుగంధ తైలం.మెంతుల ఆవశ్యక నూనె ఒక ఓషధి గుణాలున్న నూనె. మెంతుల నూనెను మెంతి గింజల నుండి ఆవిరి స్వేదనక్రియ/స్టీము డిస్టిలేసను ప్రక్రియ ద్వారా సంగ్రహిస్తారు.లేత మెంతి ఆకులను కూరలలో ఉపయోగిస్తారు. అలాగే మెంతులను ఆయుర్వేద వైద్యంలో, వంటల్లో ఉపయోగిస్తారు. మెంతుల వలన, మెంతి నూనె వలన పలు ఔషధ ఉపయోగాలు ఉన్నాయి. మిగతా ఆవశ్యక, సుగంధ లైలాల వలె ప్రముఖంగా ఈ నూనె పేరు వినపడనప్పటికి మెంతి నూనె వలన పలు ప్రయోజనాలు ఉన్నాయి. మెంతి ఆవశ్యక నూనెలో ఆల్కహాలు లు, టెర్పెనులు, పైనేన్ వంటి వృక్షసంబంధిత రసాయన సమ్మేళనాలతో పాటు, కొవ్వు ఆమ్లాలు ఉన్నాయి. ఆవిరి స్వేదన క్రియ ద్వారా కేవలం ఆవశ్యక నూనెకు సంబంధింన రసాయన సమ్మేళనాలు సంగ్రహించబడగా, సాల్వెంట్ ఎక్సుట్రాక్సను/ద్రావణి సంగ్రహణ ప్రక్రియ ద్వారా మెంతి గింజల్లోని కొవ్వు ఆమ్లాలను పొందవచ్చు. కానీ మెంతుల్లో తక్కువ ప్రమాణంలో కొవ్వు ఆమ్లాలు వున్నందున, వాటిని ఉత్త్పత్తిని వాణిజ్య పరమ్గా చెయ్యడం లేదు. మెంతులను ఆహారంలో వాడటంవలన, మెంతుల్లోని కొవ్వు ఆమ్లాలు పొందవచ్చును. మెంతులను పురాతన కాలంనుండి కూడా వంటల్లో, వైద్యంలో ఉపయోగించేవారు.
![Thumb image](http://upload.wikimedia.org/wikipedia/commons/thumb/b/be/Aesthetic_bunch_of_fenugreek_greens.jpg/640px-Aesthetic_bunch_of_fenugreek_greens.jpg)