![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/cf/Bareilly_Montage.jpg/640px-Bareilly_Montage.jpg&w=640&q=50)
బరేలీ
ఉత్తర ప్రదేశ్ రాష్ట్రం లోని పట్టణం / From Wikipedia, the free encyclopedia
బరేలీ ఉత్తర ప్రదేశ్ రాష్ట్రం, రోహిల్ఖండ్ ప్రాంతం లోని నగరం, బరేలీ జిల్లాకు ముఖ్య పట్టణం. బరేలీ రెవెన్యూ డివిజను ప్రధాన కార్యాలయం ఇక్కడే ఉంది. నగరం రాష్ట్ర రాజధాని లక్నోకు వాయవ్యంగా 252 కి.మీ. దూరంలో, జాతీయ రాజధాని ఢిల్లీకి తూర్పున 250 కి.మీ. దూరంలో ఉంది.. ఇది ఉత్తర ప్రదేశ్లోని ఎనిమిదవ అతిపెద్ద నగరం, భారతదేశంలో 50 వ అతిపెద్ద నగరం.[3] భారత ప్రభుత్వ ప్రతిష్ఠాత్మక 100 స్మార్ట్ సిటీల జాబితాలో బరేలీ కూడా ఉంది.[4] ఇది రామ్గంగ నది ఒడ్డున ఉంది. ఈ నగరం వద్దనే ఈ నదిపై రామ్గంగా బ్యారేజీని నిర్మించారు.
బరేలీ | |
---|---|
మెట్రో | |
![]() పైనుండి సవ్య దిశలో: అహిచ్ఛ్త్ర అవశేషాలు, బరేలోఈ జంక్షన్ స్టేషను, రామగంగ బ్యారేజీ, బరేలీ నగర దృశ్యం, బియబానీ కోఠీ, దర్గా ఇ అలా హజరత్, ఫ్రీవిల్ బాప్టిస్టు చర్చి | |
![]() ఉత్తర ప్రదేశ్ రాష్ట్రంలో నగర స్థానం | |
Coordinates: 28.364°N 79.415°E / 28.364; 79.415 | |
దేశం | భారతదేశం |
రాష్ట్రం | ఉత్తర ప్రదేశ్ |
జిల్లా | బరేలీ |
విస్తీర్ణం | |
• Total | 300 కి.మీ2 (100 చ. మై) |
Elevation | 268 మీ (879 అ.) |
జనాభా (2011)[1] | |
• Total | 9,03,668 |
• జనసాంద్రత | 3,000/కి.మీ2 (7,800/చ. మై.) |
• లింగ నిష్పత్తి | 895 ♀/1,000 ♂ |
భాషలు | |
• అధికారిక | హిందీ[2] |
Time zone | IST |
PIN codes | 243001 243122 |
Website | bareilly.nic.in |
బరేలీ ప్రాంతంలో ఉన్న ఏడు శివాలయాలు - ధోపేశ్వర్ నాథ్, మాదీ నాథ్, అలక నాథ్, తాపేశ్వర్ నాథ్, బనఖండి నాథ్, పశుపతి నాథ్, త్రివతి నాథుల దేవాలయాల కారణంగా ఈ నగరాన్ని నాథ్ నగరి అని కూడా పిలుస్తారు [5] బుద్ధుడు తుషిత నుండి భూమికి వచ్చిన ప్రదేశంగా బరేలీని సంజస్య అని కూడా అంటారు.[6]
ఈ నగరం ఫర్నిచర్ తయారీకి కేంద్రం. పత్తి, తృణధాన్యాలు, చక్కెరలకు వ్యాపారానికి కేంద్రం కూడా. నేషనల్ క్యాపిటల్ రీజియన్ (ఎన్సిఆర్) యొక్క " కౌంటర్ మాగ్నెట్ నగరాల " జాబితాలో చేర్చడంతో దాని స్థితి పెరిగింది. ఈ జాబితాలో హిస్సార్, పాటియాలా, కోటా, గ్వాలియర్ కూడా ఉన్నాయి .[7]