పోర్ట్ బ్లెయిర్
అండమాన్ నికోబర్ దీవుల లోని పట్టణం / From Wikipedia, the free encyclopedia
పోర్ట్ బ్లెయిర్, భారతదేశ, కేంద్రపాలిత ప్రాంత భూభాగమైన బంగాళాఖాతంలోని అండమాన్ నికోబార్ దీవుల రాజధాని నగరం, ద్వీపాల స్థానిక పరిపాలనా ఉపవిభాగం (తహసిల్ ), దక్షిణ అండమాన్ జిల్లాకు ప్రధాన కార్యాలయ కేంద్రస్థానం.ఇది కేంద్రపాలిత ప్రాంత భూభాగమైన అండమాన్ నికోబార్ దీవులలో ప్రకటించిన ఏకైక పట్టణం.పోర్ట్ బ్లెయిర్ అండమాన్ నికోబార్ దీవులను సందర్శించడానికి ప్రవేశ కేంద్రంగా పనిచేస్తోంది.ప్రధాన భారత భౌగోళం నుండి పోర్ట్ బ్లెయిర్ చేరుకోవటానికి వాయు, సముద్ర మార్గాల ద్వారా ప్రయాణవసతి సౌకర్యాలు ఉన్నాయి.భారత ప్రధాన భూభాగం నుండి విమానం ద్వారా పోర్ట్ బ్లెయిర్ వీర్ సావర్కర్ అంతర్జాతీయ విమానాశ్రయం చేరుకోవటానికి 2 నుండి 3 గంటల సమయం పట్టింది. పోర్ట్ బ్లెయిర్లోని హడ్డో వార్ఫ్ నుండి కోల్కతా, చెన్నై, విశాఖపట్నం చేరుకోవడానికి సముద్రమార్గం ద్వారా 3 నుండి 4 రోజులు కాలం పట్టింది.పోర్ట్ బ్లెయిర్ నగరంలో అనేక మ్యూజియంలు, భారత నావికాదళానికి చెందిన తీరరక్షక నావికాదళ స్థావరం.అండమాన్ నికోబార్ పోలీస్, అండమాన్, నికోబార్ కమాండ్ సముద్ర వైమానిక, స్థావరాలతో పాటు,భారత సాయుధ మొదటి ఇంటిగ్రేటెడ్ ట్రై-కమాండ్ దళాల భారత వైమానిక దళాల స్థావరాలు ఇక్కడ ఉన్నాయి.[2]
పోర్ట్ బ్లెయిర్ | ||||||
---|---|---|---|---|---|---|
నగరం | ||||||
Coordinates: 11°40′06″N 92°44′16″E | ||||||
దేశం | భారతదేశం | |||||
రాష్ట్రం | అండమాన్ నికోబార్ దీవులు | |||||
జిల్లా | సౌత్ అండమాన్ జిల్లా | |||||
Government | ||||||
• Type | నగరపాలక సంస్థ | |||||
• Body | పోర్ట్ బ్లెయిర్ నగరపాలక సంస్థ | |||||
Area | ||||||
• Total | 94.34 km2 (36.42 sq mi) | |||||
Elevation | 16 మీ (52 అ.) | |||||
Population (2011)[1] | ||||||
• Total | 1,00,186[1] | |||||
Time zone | UTC+5.30 |
పోర్ట్ బ్లెయిర్ చారిత్రాత్మక సెల్యులార్ జైలు కార్బిన్స్ కోవ్, వాండూర్, రాస్ ఐలాండ్, వైపర్ ఐలాండ్ వంటి ఇతర చిన్న ద్వీపాలకు కూడా ప్రసిద్ధి చెందింది. [3] ఇవి ఒకప్పుడు బ్రిటిష్ వలసవాదులకు నివాసంగా ఉండేవి.నగరాలలో ఒకటిగా అభివృద్ధి చెందవలసిన స్మార్ట్ సిటీస్ క్రింద, స్మార్ట్ సిటీస్ మిషన్ పోర్ట్ బ్లెయిర్ ను ఎంపిక చేసింది. [4]