నావిక్
ఉపగ్రహ నావిగేషన్ సిస్టమ్ / From Wikipedia, the free encyclopedia
భారత సొంత ఉపగ్రహాధారిత నావిగేషన్ వ్యవస్థ పేరు నావిక్. ఇది భారత క్షేత్రీయ దిక్సూచి ఉపగ్రహ వ్యవస్థ (ఇండియన్ రీజనల్ నావిగేషన్ శాటిలైట్ సిస్టమ్-ఐఆర్ఎన్ఎస్ఎస్) దీని ద్వారా ప్రపంచంలో సొంత మార్గదర్శక వ్యవస్థలు గల ఐదు శక్తుల సరసన భారత నిలిచింది. నావిక్ ద్వారా ప్రజలకు అందించే సేవల్లో 20 మీటర్లకు అటూఇటుగా కచ్చితత్వం ఉంటే.. నియంత్రిత సేవల పేరిట సైనికులకు కేవలం 10 మీటర్ల కచ్చితత్వంతో సేవలు అందించేలా ఇస్రో శాస్త్రవేత్తలు కృషి చేసారు . 2013 నుంచి 2016 వరకు భారత అంతరిక్ష పరిశోధనా సంస్థ (ఇస్రో) శ్రీహరికోట లోని సతీష్ ధవన్ స్పేస్ సెంటర్ (షార్)లోని మొదటి ప్రయోగ వేదిక నుంచి ఏడు ఐఆర్ఎన్ఎస్ఎస్ ఉపగ్రహాలను పీఎస్ఎల్వీ శ్రేణి,XLరకానికి చెందిన ఉపగ్రహవాహకనౌకలు దిగ్విజయంగా భూస్థిర బదిలీ కక్ష్య (జియో ట్రాన్స్ఫర్ ఆర్బిట్)లోకి ప్రవేశపెట్టాయి. ఏడింటిలో మూడింటిని భూ స్థిర కక్ష్యలోకి బదిలీ చేయగా, మిగిలిన 4 ఉపగ్రహాలను భూ సమవర్తన కక్ష్యలోకి ప్రవేశపెట్టారు. ఈ వ్యవస్థ 2016 ఆగస్టు 15 నుండి ఆచరణలోకి రానుంది.
మూలాధారమైన దేశం | భారతదేశం |
---|---|
ఆపరేటర్ | ఇస్రో |
రకం | సైనిక, వాణిజ్య |
స్థితి | ఆచరణాత్మకం |
కవరేజ్ | క్షేత్రీయ |
ప్రెసిసన్ | 10-20 metres |
కూటమి పరిమాణం | |
మొత్తం ఉపగ్రహాలు | 7 |
కక్ష్యలోని ఉపగ్రహాలు | 7 |
ప్రయోగ ప్రారంభం | 2013 జూలై 1 |
చివరి ప్రయోగం | 2016 ఏప్రిల్ 28, 12:50 PM IST |
మొత్తం ప్రయోగాలు | 7 |
ఆర్బిటాల్ లక్షణాలు | |
పాలనా వ్యవస్థలు | High Earth |
ఆర్బిటాల్ ఎత్తు | 36,000 కి.మీ. (22,000 మై.)[1] |
ఇతర వివరములు | |
వ్యయం | $212 మిలియన్లు |