![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/cc/Knoppix_6.0.1.png/640px-Knoppix_6.0.1.png&w=640&q=50)
నాపిక్స్
From Wikipedia, the free encyclopedia
నాపిక్స్ డెబియన్ ఆధారిత గ్నూ-లినక్స్ ఆధారిత నిర్వహణా వ్యవస్థ (నివ్య) పంపకం. ఇది డెబియన్ గ్నూ-లినక్స్ పంపకం ఆధారంగా రూపొందించబడింది. ఈ పంపకాన్ని నేరుగా సీడీ/డీవీడీ/పెన్ డ్రైవ్ ద్వారా ఆడించే విధంగా తొలిసారిగా రూపొందించారు. ఇవాళ అలా దాదాపు అన్ని లినక్స్ పంపకాలనూ వాడవచ్చు. నాపిక్స్ లినక్స్ కన్సల్టెంట్ క్లాజ్ నాపర్ రూపొందించారు. ఒక కంప్యూటర్ కార్యక్రమాన్ని మొదలుపెట్టినపుడు సీడీ/డీవీడీ/ఫ్లాపీ/పెన్ డ్రైవ్ లాంటి బాహ్య మీడియం నుండి ఈ నివ్య నేరుగా ర్యామ్ డ్రైవ్ లోకి నింపబడుతుంది. ఈ చర్యలో నివ్య పూర్తి స్థాయిలో అణిచివేయబడుతుంది. ఏ స్థాయిలో ఈ అణిచివేత జరుగుతుందో అన్న విషయం మనం నేరుగానే పరికించవచ్చు.
![]() | |
![]() నాపిక్స్ 6.0.1 ఎలెక్స్ డీఈ తో శక్తివంతం. | |
అభివృద్ధికారులు | క్లాౙ్్ నాపర్ |
---|---|
నిర్వహణవ్యవస్థ కుటుంబం | యూనిక్స్ తరహా |
పనిచేయు స్థితి | ప్రస్తుతం |
మూల కోడ్ విధానం | ఓపెన్ సోర్స్ |
తొలి విడుదల | సెప్టెంబరు 30, 2000; 23 సంవత్సరాల క్రితం (2000-09-30) |
ఇటీవల విడుదల | 7.4.2 / సెప్టెంబరు 28, 2014; 9 సంవత్సరాల క్రితం (2014-09-28) |
విడుదలైన భాషలు | జెర్మన్, ఆంగ్లం |
తాజా చేయువిధము | అడ్వాన్స్డ్ ప్యాకేజ్ంగ్ టూల్ (APT) (అంతరవర్తి లభ్యం) |
ప్యాకేజీ మేనేజర్ | డిపికెజీ |
Kernel విధము | ఆణవిక నుంగు (లినక్స్ నుంగు) |
వాడుకరిప్రాంతము | గ్నూ |
అప్రమేయ అంతర్వర్తి | ఎల్ ఎక్స్ డీ ఈ (మునుపు కేడీఈ) |
లైెసెన్స్ | స్వేచ్ఛా సాఫ్టువేర్ లైసెన్సులు (ముఖ్యంగా జీపీఎల్)[1] |
అధికారిక జాలస్థలి | నాపిక్స్ జాలస్థలి ఆంగ్లంలో |
నాపిక్స్ లైవ్ సీడీగానే (అంటే కంప్యూటర్ లోకి స్థాపించకుండా నేరుగా సీడీ/డీవీడీ/పెన్ డ్రైవ్ నుండి ఆడించడం) కాకుండా ఇతర నివ్యలలా స్థాపించుకోవచ్చు. యూఎస్బీ పరికరాల నుండి నేరుగా లోడ్ చెయ్యగల సామర్ధ్యం గల అన్ని కంప్యూటర్లూ నాపిక్స్ ను స్థాపించుకోగలవు.
నాపిక్స్ రెండు విధాలుగా అందుబాటులో ఉంది : సాంప్రదాయ సీడీ ఎడిషన్ (దీని నిడివి 700 ఎంబీ ఉంటుంది), డీవీడీ ఎడిషన్ (ఇది 4.7 గీగాబైట్లు ఉంటుంది). ఈ రెండు కూడా జెర్మన్, ఆంగ్ల భాషలలో లభ్యం.
నాపిక్స్ ఎక్కువగా స్వేచ్ఛా సాఫ్టువేరు అనువర్తనాలని కలిగి ఉంటుంది. కానీ కొన్ని వాణిజ్యాధికారిక సాఫ్టువేర్లు కూడా కొన్ని నిబంధనలననుసరించి నాపిక్స్ లో చేర్చవచ్చు.
అప్పటికే పాడయిపోయి క్రాష్ అయిన విండోస్ హార్డ్ డిస్కులనుండి ముఖ్యమైన దస్త్రాలను నాపిక్స్ వాడి పొందవచ్చు.