నానక్షాహి కేలండర్
From Wikipedia, the free encyclopedia
నానక్షాహి (పంజాబీ: ਨਾਨਕਸ਼ਾਹੀ, nānakashāhī) కాలెండరు సౌర కాలెండరు. శిరోమణి గురుద్వారా ప్రబంధక్ కమిటీ 1998 లో దీన్ని స్వీకరించింది.[1] 2003 నుండి అమలు చెయ్యడం మొదలుపెట్టింది.[2][3] ఈ కాలెండరులో ముఖ్యమైన సిక్కుల సంఘటలు, పండగలూ ఉంటాయి. ప్రసిద్ధ సిక్కు గురువు ప్రొఫెసర్ కృపాల్ సింగ్ బాదుంగర్ ఎస్.జి.పి.సి అధ్యక్షునిగా ఉన్న సమయంలో తఖ్త్ శ్రీ దమ్దమా సాహిబ్ వద్ద ఈ కేలండరును స్వీకరించాడు.[4] దీనిని పాల్ సింగ్ పూరేవాల్ రూపొందించాడు. ఇది శక కాలెండరు స్థానంలో వచ్చి 2003 నుండి వాడకంలో ఉన్నది. ఈ కాలెండరు యొక్క శకం మొదటి సిక్కుల గురువైన గురు నానక్ దేవ్ జన్మసంవత్సరమైన 1469 నుండి ప్రారంభమౌతుంది. ప్రతీ సంవత్సరం గ్రెగోరియన్ కాలెండరు ప్రకారం మార్చి 14 న మొదలౌతుంది.[4] ఈ కాలెండరును ప్రపంచ వ్యాప్తంగా 90 శాతం గురుద్వారాలలో స్వీకరించారు. సిక్కుల సనాతన శాఖలలో ఈ కాలెండరు గూర్చి వివాదాలున్నాయి.[5] కొన్ని సనాతన సిక్కు శాఖలు దీనిని అంగీకరించడం లేదు.
ఈ కాలెండరు యొక్క ముఖ్యమైన లక్షణాలు:
- సౌర సంవత్సరాన్ని వాడుతుంది.
- గురునానక్ పేరు మీదుగా నానక్షాహి కాలెండరు అని పిలుస్తారు.
- గురునానక్ జన్మ సంవత్సరం (1469 CE) ఈ క్యాలెండరులో మొదటి సంవత్సరం. ఉదాహరణకు, ఏప్రిల్ 2014 CE అనగా నానక్షాహి 546.
- పశ్చిమ కాలెండరు వలెనే సంవత్సరం నిడివి ఒకే విధంగా ఉంటుంది. (365 రోజుల 5 గంటల 48 నిమిషాల 45 సెకండ్లు)
- ఐదు నెలల్లో నెలకు 31 రోజులు ఉంటాయి, తరువాతి ఏడు నెలల్లో నెలకు 30 రోజులు ఉంటాయి.
- ప్రతీ నాలుగు సంవత్సరాలకు లీపు సంవత్సరం వస్తుంది. ఆ ఏడు చివరి నెలైన ఫాల్గున మాసంలో ఒక రోజు ఎక్కువ వస్తుంది.
- 2003 లో అకల్ తఖ్త్ దీన్ని అమోదించింది. [6]