దివాన్ బహదూర్
From Wikipedia, the free encyclopedia
దివాన్ బహదూర్ బ్రిటిష్ భారతదేశంలో ప్రభుత్వం ఇచ్చిన గౌరవ బిరుదు. [1] [2] ఇది దేశానికి విశ్వాసపాత్రమైన సేవ లేదా ప్రజా సంక్షేమం చేసిన వ్యక్తులకు ప్రదానం చేసేవారు. 1911 నుండి ఈ బిరుదుతో పాటు ప్రత్యేక బిరుదు పతకం కూడా ఇచ్చేవారు. [3] దివాన్ అంటే ప్రధానమంత్రి అని, బహదూర్ అంటే ధైర్యవంతుడు అని అర్థం.
ఈ బిరుదు రావు బహదూర్ బిరుదు కంటే పై స్థాయిది. రావు బహదూర్ పొందిన వ్యక్తులు దివాన్ బహదూర్ పొందేందుకు అర్హులే. [4] [5]
సంస్థానాల ప్రధానమంత్రులను దివాన్ అని పిలిచేవారు. దివాన్గా నియమితులైనపుడూ, వారి స్థాయికి తగినట్లుగా, బ్రిటిష్ అధికారులు వారికి నేరుగా దివాన్ బహదూర్ బిరుదు ఇచ్చేవారు.
బ్రిటిష్ వారు ఏర్పరచిన ఇతర బిరుదులు, పురస్కారాలతో పాటు దివాన్ బహదూర్ను కూడా 1947 లో స్వాతంత్య్రం వచ్చిన తర్వాత నిర్మూలించారు. [6]