![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/84/Himalaya_composite.jpg/640px-Himalaya_composite.jpg&w=640&q=50)
టిబెటన్ పీఠభూమి
చైనాలోని టిబెటన్ పీఠభూమి / From Wikipedia, the free encyclopedia
టిబెటన్ పీఠభూమి (Tibetan Plateau) మధ్య ఆసియా, దక్షిణాసియా, తూర్పు ఆసియాలో పరుచుకున్న విస్తారమైన పీఠభూమి. చైనాలో దీనిని కింగ్హై – టిబెట్ పీఠభూమి లేదా క్వింగ్జాంగ్ పీఠభూమి అంటారు. భారతదేశంలో దీనిని హిమాలయన్ పీఠభూమి అని కూడా పిలుస్తారు. ఇది ఉత్తర దక్షిణంగా సుమారు 1000 కి.మీ, తూర్పు పడమరలు సుమారు 2500 కి.మీ లలో విస్తరించి ఉంది. ఇది ప్రపంచంలోనే అత్యంత ఎత్తైన, పెద్దదైన సముద్ర మట్టానికి చాలా ఎత్తులో ఉన్న పీఠభూమి. దీని వైశాల్యం సుమారు 25 లక్షల చదరపు కిలోమీటర్లు. దీని సగటు ఎత్తు సుమారు 4,500 మీటర్లు (14,800 అడుగులు). దీని చుట్టూ ప్రపంచంలో ఎత్తైన పర్వత శిఖరాలైన ఎవరెస్ట్ పర్వతం, కె2 లాంటి శిఖరాలున్నాయి. ఈ పీఠభూమిని ప్రపంచ పైకప్పు అని కూడా పిలుస్తుంటారు.[1] [2] [3] ఈ ప్రాంతంలోని అనేక నదులు టిబెటన్ పీఠభూమి నుండి ఉద్భవించాయి, దీనిని రువామ్ అని కూడా పిలుస్తారు. ఇక్కడ పదివేల హిమానీనదాలు ఉన్నాయి. హిమాలయ పర్వతాలు, టిబెటన్ పీఠభూమి సుమారు 40 మిలియన్ సంవత్సరాల క్రితం యూరోపియన్ ప్లేట్ను ఢీకొన్నప్పుడు ఏర్పడ్డాయి అని ఒక అంచనా.[4] [5]
![Thumb image](http://upload.wikimedia.org/wikipedia/commons/thumb/8/84/Himalaya_composite.jpg/640px-Himalaya_composite.jpg)