కొర్రమీను/కొర్రమట్ట/మట్టగిడస/బురదమట్ట From Wikipedia, the free encyclopedia
కొర్రమీను దీనిని బొమ్మె లేదా మట్టగిడస లేదా కొర్రమట్ట అని కూడా అంటారు. ఈ చేప నలుపురంగులో గట్టి దేహంతో హుషారుగా వుండే చేప రకం.[1] దక్షిణాసియా, ఆగ్నేయాసియా ప్రాంతాలలో ఎక్కువగా కనిపించే ఈ చేపరకాన్ని శాస్త్రీయంగా చెన్నాస్ట్రయేటా (Channa striata) అంటారు. తెలంగాణా రాష్ట్ర చేపగా దీనిని ఎంచుకున్నారు.
కొర్రమట్ట | |
---|---|
![]() | |
కొర్రమట్ట | |
![]() | |
Conservation status | |
![]() Least Concern (IUCN 3.1) | |
Scientific classification ![]() | |
Unrecognized taxon (fix): | చన్నా |
Species: | Template:Taxonomy/చన్నాచ. స్ట్రియాటా |
Binomial name | |
Template:Taxonomy/చన్నాచన స్ట్రియాటా (మార్కస్ ఎలీసర్ బ్లాక్, 1793) | |
![]() | |
'చన్నా స్ట్రియాటా' పంపిణీ..
మడగాస్కర్ రిపోర్టులు "సి. మాక్యులేటా తప్పుడు గుర్తింపులు. | |
Synonyms | |
|
కొర్రమట్ట మీటరు వరకూ పొడవు పెరుగుతుంది. భారతదేశంలో వేర్వేరు ప్రాంతాలలో ఎక్కువగా కనిపించే ఈ చేప దక్షిణ చైనా, పాకిస్తాన్, దక్షిణ నేపాల్ బంగ్లాదేశ్, శ్రీలంక ఆగ్నేయాసియా ప్రాంతాలలో కనిపిస్తుంది. మిగిలిన చేపలకంటే సాధారణంగా దొరకె రకాలలో మట్టగిడస కూరకు ఒక ప్రత్యేకత ఉంది. తెల్ల చేపల రకం కంటే దీనిలా నల్ల చేపల రకానికి మార్కెట్ రేటు కూడా అదనంగా వుంటుంది. ఇది ముదురు గోధుమ రంగులో దేహం ఉంది. దానిపై నల్లటి మసక బారిన చారలు కనిపిస్తాయి. మంచినీటి నదులు, సరస్సులలో వరదలున్నప్పుడు పొలాల నీళ్ళలోనూ బాగా పెరుగుతుంది. బురద నేల లాగా తడి వున్నప్పటికీ ఇది బ్రతికేయగలదు. అందుకే దీన్ని ఎక్కువగా బురద మట్టలు అంటారు. చిన్న చిన్న ఆకులు శైవలాలతో పాటు కప్పలు కప్ప పిల్లలు చిన్న చేపలను ఇవి తింటాయి. గుడ్లు పెట్టడం ద్వారా సంతానొత్పత్తి చేస్తాయి.[2]
చేపలు ఉత్తమ పోషకాల్ని అందిస్తాయి. గుండెజబ్బుతో బాధపడుతున్నవారు చేపల్ని తినడం మంచిది. వీటిల్లో 18-20 శాతం మాంసకృత్తులు ఉంటాయి. ఇవి తేలిగ్గా అరుగుతాయి. వీటి మాంసకృత్తుల్లో మనకవసరమైన ఎనిమిదిరకాల అమైనో యాసిడ్లు లభిస్తాయి. ముఖ్యంగా గంధకం కలిగిన లైసీన్, మిథియోనిన్, సిస్టీన్ అమైనోయాసిడ్లు లభిస్తాయి. చేపల... రకం, వయస్సును బట్టి వీటిలో కొవ్వు 0.2 నుండి 20 శాతం వరకూ ఉంటుంది. కానీ, దీనిలో ఉండే కొవ్వు నాణ్యమైనది (పోలి అన్శాచురేటెడ్ ఫ్యాటీ యాసిడ్స్). దీనిలో ఉండే ఒమెగా-3 ఫ్యాటీ ఆసిడ్లు పిల్లల పెరుగుదలకు అవసరం. ఇవి గుండెజబ్బుల్ని కలిగించవు. పిండంలో మెదడు పెరుగుదలకు ఈ కొవ్వు దోహదపడుతుంది. దీనివల్ల నెలలు నిండకుండానే ప్రసవించే ప్రమాదం తగ్గుతుంది. చేప కొవ్వు ద్వారా ఎ, డి, ఇ, కే విటమిన్లు మన శరీరానికి తేలికగా అందుతాయి. సూక్ష్మ పోషకాలైన విటమిన్ ఎ, డి చేపల్లో పుష్కలం. థయామిన్, రిబోఫ్లేవిన్, నియోసిన్లు చేపల్లో అధికంగా ఉంటాయి. ఆకుకూరల ద్వారా లభించే విటమిన్ ఎ కన్నా చేపల్లో ఉన్న విటమిన్ ఎ తేలిగ్గా అందుతుంది. ఇది మంచి కంటిచూపుకు దోహపడుతుంది. చేపల కాలేయంలో ఉండే విటమిన్ డి ఎముకల పెరుగుదలకు కీలకం. ఆహారంలో ఉన్న కాల్షియాన్ని స్వీకరించడానికి, వినియోగానికి విటమిన్ డి అవసరం. థయామిన్, నియోసిన్, రిబోఫ్లేమిన్ ఆహారంలో శక్తి వినియోగానికి, విడుదలకు అవసరం. తాజా చేపల్ని తిన్నప్పుడు విటమిన్ సి కూడా అందుతుంది. సముద్రపు చేపల్లో అయోడిన్ అధికంగా ఉంటుంది. చేపల్లో ఇనుము, కాల్షియం, జింకు, భాస్వరం, ఫ్లోరిన్లు బాగా ఉపయోగపడే రూపంలో ఉంటాయి. చిన్న చేపల్ని (చేతి పరికెలు) ముల్లుతో సహా తిన్నప్పుడు కాల్షియం, భాస్వరం, ఐరన్ అధికంగా లభిస్తాయి. కానీ, ముల్లు తీసేసి తింటే ఇవి తక్కువగా లభిస్తాయి. గట్టి ఎముకలకు, పళ్లకు ఫ్లోరిన్ అవసరం. రక్తవృద్ధికి హీమోగ్లోబిన్ అవసరం. ఇందుకు ఇనుము బాగా తోడ్పడుతుంది. ఇది చేపల్లో విరివిగా లభిస్తుంది. అయోడిన్ మెదడు ఎదుగుదలకు దోహదపడుతుంది. ఇది చేపల్లో పుష్కలంగా లభిస్తుంది. ఇది లోపస్థాయిలో ఉన్నప్పుడు గాయిటర్ అనే జబ్బు వస్తుంది. మానసిక ఎదుగుదల లేకుండా పోతుంది. జింక్ అత్యవసర ఎంజైమ్ల ఉత్పత్తికి, నిరోధకశక్తి పెరుగుదలకు, ఆరోగ్యకర చర్మానికి అవసరం.[3]
ఉబ్బసం వ్యాధిని నివారించుటకు ప్రతి ఏటా మృగశిర కార్తె రోజున బత్తిని సోదరులు పంపిణీ చేసే మందులో ఈ చేపలను వాడతారు.[4] ఈ చేప ప్రసాదం వల్ల ఉబ్బస వ్యాధిలో ఉపశమనం వుంటోందని భావించడం వల్ల దీనికి రాష్ట్ర ప్రభుత్వం కూడా మత్స్య శాఖ ద్వారా పెంపొందించి కొర్రమీను చేప పిల్లలను సరఫరా చేస్తుంది.[5]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.