కరిబియన్
From Wikipedia, the free encyclopedia
కరిబియన్ అనేది కరిబియన్ సముద్రం, దాని ద్వీపాలు (కొన్ని కరిబియన్ సముద్రం చుట్టూ ఉన్నాయి, మరి కొన్ని కరిబియన్ సముద్రం, ఉత్తర అట్లాంటిక్ మహాసముద్రం రెండింటికి సరిహద్దులుగా ఉన్నాయి), చుట్టుపక్కల తీరాలను కలిగి ఉన్న అమెరికాలోని ప్రాంతం. ఈ ప్రాంతం గల్ఫ్ ఆఫ్ మెక్సికో, ఉత్తర అమెరికా ప్రధాన భూభాగానికి ఆగ్నేయంగా ఉంది. మధ్య అమెరికాకు తూర్పున, దక్షిణ అమెరికా ద్వీపాలు, దిబ్బలు, కేస్లకు ఉత్తరాన ఉంది.[1] ఈ ప్రాంతంలో 700 కు పైగా దీవులు, లంకలు, ప్రవాళాలూ ఉన్నాయి. గ్రేటర్ ఆంటిల్లీస్, ఉత్తరాన లూకాయన్ ద్వీపసమూహం, దక్షిణం తూర్పుల్లో ఉన్న లెస్సర్ యాంటిల్లెస్ (దీనిలో లీవార్డ్ ఆంటిల్లీస్ కూడా ఉన్నాయి) వంటి ద్వీపాల వక్రతలు కరిబియన్ సముద్రపు తూర్పు ఉత్తర అంచులను నిర్వచిస్తాయి. సమీపంలోని లూకాయన్ ద్వీపసమూహంతో (బహామాస్, టర్క్స్ అండ్ కైకోస్ దీవులు) కలిసి అవి వెస్ట్ ఇండీస్ను ఏర్పరుస్తాయి. ఇవి కరిబియన్ సముద్రం సరిహద్దులో లేనప్పటికీ కరిబియన్లో భాగంగానే పరిగణించబడతాయి. ప్రధాన భూభాగంలో ఉన్న బెలిజ్, నికరాగ్వా, కొలంబియాలోని కరిబియన్ ప్రాంతం, కోజుమెల్, యుకాటాన్ ద్వీపకల్పం, మార్గరీటా ద్వీపం, గయానాస్ (గయానా, సురినామ్, ఫ్రెంచ్ గయానా, వెనిజులాలోని గయానా ప్రాంతం, బ్రెజిల్ లోని అమాపా) లకు ఉన్న రాజకీయ, సాంస్కృతిక సంబంధాల కారణంగా వీటిని కూడా కరిబియన్లో భాగం గానే పరిగణిస్తారు.
భౌగోళికంగా, కరిబియన్ లోని ద్వీపాలను (వెస్ట్ ఇండీస్) ఉత్తర అమెరికాలో భాగంగా పరిగణిస్తారు. కొన్నిసార్ల మధ్య అమెరికాలో భాగంగా లేదా వారి స్వంత ప్రాంతంగా కూడా పరిగణిస్తారు.[2][3] అవన్నీ 30 సార్వభౌమ రాష్ట్రాలు, విదేశీ విభాగాలు, డిపెండెన్సీలుగా ఉన్నాయి. 1954 డిసెంబరు 15 నుండి 2010 అక్టోబరు 10 వరకు, ఐదు రాష్ట్రాలతో కూడిన నెదర్లాండ్స్ యాంటిలిస్ అని పిలువబడే ఒక దేశం ఉండేది. ఇవన్నీ డచ్ డిపెండెన్సీలు.[4] 1958 జనవరి 3 నుండి 1962 మే 31 వరకు, వెస్టిండీస్ ఫెడరేషన్ అని పిలువబడే స్వల్పకాలిక రాజకీయ యూనియన్ కూడా ఉండేది. ఇది ఇంగ్లీష్ మాట్లాడే 10 కరిబియన్ భూభాగాలతో కూడుకుని ఉండేది. అవన్నీ అప్పటి బ్రిటిష్ డిపెండెన్సీలు.
లెస్సర్ యాంటిల్లెస్