ఆన్స్కో
From Wikipedia, the free encyclopedia
ఆన్స్కో (ఆంగ్లం: Ansco) అమెరికాలోని న్యూయార్క్కు చెందిన ఒకప్పటి ఫిలిం, కెమెరా తయారీదారు. ఈస్ట్మన్ కొడాక్ కంటే ముందే ఆన్స్కో ఫోటోగ్రఫీ రంగం లోకి అడుగుపెట్టింది. అమెరికాలో మొట్టమొదటి డాగురోటైప్ ను, ఫిలింను తయారు చేసింది ఆన్స్కో నే.[1] అయితే కొడాక్ యొక్క దుందుడుకు వ్యాపార విధానాల వలన కొడాక్ కు వచ్చినంత గుర్తింపు ఆన్స్కోకు దక్కలేదు. కొడాక్ ను ఎదుర్కోవటానికి ఆన్స్కో పలు సంస్థలతో చేతులు కలిపిననూ, ఫిలిం రేసులో కొడాక్ వేగానికి ఆన్స్కో కళ్ళాలు వేయలేకపోయింది. రెండవ ప్రపంచ యుద్ధం తర్వాత, జర్మను సంస్థతో సంబంధాలు కలిగి ఉండటంతో ఆన్స్కోను అమెరికా ప్రభుత్వం స్వాధీన పరచుకొంది. 1990వ దశకంలో హాంగ్ కాంగ్ కు చెందిన హేకింగ్ ఎంటర్ప్రైజెస్, ఆన్స్కోను కొనివేయటం తో, ఆన్స్కో అనే పేరు భూమిపై నుండి అదృశ్యమైంది.