இசுபிரிட் தளவுலவி
From Wikipedia, the free encyclopedia
இசுபிரிட் (MER-A, Mars Exploration Rover - A), என்பது நாசாவினால் செவ்வாய்க் கோளுக்கு அனுப்பப்பட்ட இரண்டு தளவுலவிகளில் (rover) முதலாவதாகும். இது ஜனவரி 4, 2004 இல் செவ்வாயில் 90 மைல் அகண்ட கூஸிவ் குழியில் ('Gusev Crater') வெற்றிகரமாகத் தரையிறங்கியது. இது தரையிறங்கி மூன்று வாரங்களில் இத்திட்டத்தின் மற்றுமொரு தளவுலவியான ஆப்பர்சூனிட்டி தளவுலவி (Oppportunity Rover) இது தரையிறங்கிய இடத்துக்கு மறுபுறத்தில் மெரிடியானி பீடத்தில் (Meridiani Planum) தரையிறங்கியது.
விரைவான உண்மைகள் இயக்குபவர், திட்ட வகை ...
செவ்வாய்க் கோளில் தளவுலவி | |
இயக்குபவர் | நாசா |
---|---|
திட்ட வகை | தளவுலவி (Rover) |
சுற்றுப்பாதைக்குப் புகுத்தப்பட்ட நாள் | ஜனவரி 4, 2004இல் தரையிறங்கியது. |
தே.வி.அ.த.மை எண் | 2003-027A |
இணைய தளம் | JPL's Mars Exploration Rover home page |
மூடு
நாசா திட்டவியலாளர்கள் எதிர்பார்த்தமையை விட 15 மடங்கு அதிக நேரம் ஸ்பிரிட் தளவுலவி செயற்பட்டது. இதனால் அது செவ்வாய்க் கோளின் பாறைகளைப் பற்றிய நிலவியல் (geology), மற்றும் கோளின் மேற்பரப்பு பற்றியும் விரிவாக ஆய்வு நடத்த முடிந்தது. இத்திட்டம் தொடர்ந்து முன்னெடுக்கப்பட்டு வருகிறது (2008).