விருதுநகர்
இது தமிழகத்தில் விருதுநகர் மாவட்டத்தில் அமைந்துள்ள ஓர் நகராட்சி மற்றும் மாவட்ட நிர்வாகத் தல / From Wikipedia, the free encyclopedia
விருதுநகர் (Virudhunagar), தமிழ்நாட்டிலுள்ள, விருதுநகர் மாவட்டம், விருதுநகர் வட்டம் மற்றும் விருதுநகர் ஊராட்சி ஒன்றியம் ஆகியவற்றின் நிர்வாகத் தலைமையிட நகரமும், தேர்வுநிலை நகராட்சியும் ஆகும். விருதுநகரின் பழைய பெயர் விருதுப்பட்டி ஆகும். இங்கு உணவுப் பொருட்கள் வியாபாரமும், மலைத்தோட்ட விளைப்பொருட்கள் வியாபாரமும் பெரிய அளவில் நடைபெறுகின்றன. உயர்ந்த ரக கருங்கண்ணிப் பருத்தி பல ஊர் ஆலைகளுக்கும் இங்கிருந்து ஏற்றுமதியாகிறது. நல்லெண்ணெய், மிளகாய் வற்றல் முதலியனவும் இங்கிருந்து ஏற்றுமதியாகின்றன. இங்கிருந்து தொடர்வண்டி மூலம் வெளியிடங்களுக்கு ஏராளமான சரக்குகள் அனுப்பப்படுவதால், இங்குள்ள தொடர் வண்டி நிலையத்தில் மிக நீளமான நடைமேடையும் சரக்கு ஏற்ற வசதியாக தனி வசதியுடன் கூடிய பகுதியும் அமைக்கப்பட்டுள்ளன. இவ்வூரின் சூலக்கரை பகுதியில் அரசு தொழிற்பேட்டை அமைக்கப்பட்டுள்ளது. இந்நகரில் தான் தமிழ்நாட்டின் முன்னாள் முதலமைச்சரான காமராசர் பிறந்தார். விருதுநகர் கெளசிக நதியின் கிழக்கு கரையில் அமைந்துள்ளது.
விருதுநகர்
விருதுப்பட்டி | |
---|---|
விருதுநகரில் ஒரு தெருக்காட்சி | |
ஆள்கூறுகள்: 9°34′04.8″N 77°57′44.6″E | |
நாடு | ![]() |
மாநிலம் | தமிழ்நாடு |
மாவட்டம் | விருதுநகர் |
பகுதி | பாண்டிய நாடு |
அரசு | |
• வகை | தேர்வு நிலை நகராட்சி |
• நிர்வாகம் | விருதுநகர் நகராட்சி |
• மக்களவை உறுப்பினர் | மாணிக்கம் தாகூர் |
• சட்டமன்ற உறுப்பினர் | ஏ. ஆர். ஆர். சீனிவாசன் |
• மாவட்ட ஆட்சியர் | ஜே. மேகநாத ரெட்டி, இ. ஆ. ப |
பரப்பளவு | |
• மொத்தம் | 6.39 km2 (2.47 sq mi) |
ஏற்றம் | 120 m (390 ft) |
மக்கள்தொகை (2011) | |
• மொத்தம் | 72,296 |
• அடர்த்தி | 11,000/km2 (29,000/sq mi) |
மொழிகள் | |
• அலுவல்மொழி | தமிழ் மொழி |
நேர வலயம் | ஒசநே+5:30 (இசீநே) |
அஞ்சல் குறியீடு | 626 001 |
தொலைபேசி குறியீடு | 04562 |
வாகனப் பதிவு | TN-67 |
சென்னையிலிருந்து தொலைவு | 519 கி.மீ (322 மைல்) |
பாண்டிச்சேரியிலிருந்து தொலைவு | 391 கி.மீ (243 மைல்) |
திருச்சியிலிருந்து தொலைவு | 195 கி.மீ (121 மைல்) |
மதுரையிலிருந்து தொலைவு | 58 கி.மீ (36 மைல்) |
குமரியிலிருந்து தொலைவு | 192 கி.மீ (119 மைல்) |
இணையதளம் | virudhunagar |