![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/ta/thumb/8/84/Jhc_logo.jpg/640px-Jhc_logo.jpg&w=640&q=50)
யாழ்ப்பாணம் இந்துக் கல்லூரி
Tamil National School in Sri Lanka, / From Wikipedia, the free encyclopedia
யாழ் இந்துக் கல்லூரி (Jaffna Hindu College) இலங்கையின் யாழ்ப்பாணத்தில் அமைந்துள்ள ஒரு தேசியப் பாடசாலை ஆகும்.[2][3] இது யாழ்ப்பாணத்தில் புகழ்பெற்ற பாடசாலைகளில் ஒன்றாகவும் விளங்குகிறது. இது மாணவர்களுக்குக் கல்வி புகட்டும் ஒரு பாடசாலையாக மட்டுமன்றி தமிழ் தேசிய எழுச்சியின் ஒரு சின்னமாகவும் விளங்குகிறது. இது ஒரு ஆண்கள் பாடசாலை ஆகும். 1890 ஆம் ஆண்டு ஆரம்பிக்கப்பட்ட இப்பாடசாலை பல்கலைக்கழகங்களின் பல துறைகளுக்கும் பெருமளவில் யாழ்ப்பாண மாணவர்களை அனுப்பும் முதன்மை நிறுவனமாக உள்ளது. இதனால், நாட்டில் அரச மற்றும் தனியார் நிறுவனங்களில் பல உயர் பதவிகளையும் இக் கல்லூரியின் பழைய மாணவர்கள் வகித்து வருகிறார்கள். இன்று பெருமளவில் யாழ்ப்பாணத்து மக்கள் வெளிநாடுகளில் வாழ்ந்து வருவதால் இந்துக்கல்லூரியின் பழைய மாணவர் சங்கங்களும் பல நாடுகளில் காணப்படுகின்றன. 1960களில் பெரும்பாலான பாடசாலைகள் அரசுடைமை ஆக்கப்பட்டதில் இருந்து இலங்கை அரசின் பொறுப்பில் இயங்கி வரும் யாழ் இந்துக்கல்லூரியில் கல்வி கற்பதற்கு மாணவர்களிடையே கடும் போட்டி உள்ளது.
யாழ்ப்பாணம் இந்துக் கல்லூரி | |
---|---|
![]() | |
அமைவிடம் | |
யாழ்ப்பாணம், இலங்கை | |
தகவல் | |
வகை | அரசுப் பள்ளி |
குறிக்கோள் | கற்க கசடறக் கற்பவை கற்றபின் நிற்க அதற்குத் தக |
தொடக்கம் | 1890 |
அதிபர் | திரு. இரட்ணம் செந்தில்மாறன்[1] |
தரங்கள் | 6–13 |
மாணவர்கள் | 2500 வரை |
நிறம் | நீலம் மற்றும் வெள்ளை |
இணையம் | http://www.jhc.lk/ |