From Wikipedia, the free encyclopedia
மார்பதியம் என்பது செயற்கையாக உருவாக்கப்பட்ட ஒரு உறுப்பு நிகர் பொருளைக் கொண்டு ஒருவரின் மார்பளவு எடுப்பு வடிவம் உள்ளிட்ட அளவீடுகளை மாற்றி அமைப்பதாகும். முலை நீக்க அறுவை சிகிச்சை செய்து கொண்டவர்களுக்கும் பிறப்பியல் கோளாறு கொண்டவர்களுக்கும் தங்களின் மார்பகத்தை இயற்கையாகக் காட்ட முலை பெருப்பு அறுவை சிகிச்சையின் மூலம் மார்பதியம் செய்யப்படுகிறது.[1]
மார்பதியம் ஆங்கில மொழி: Breast implant | |
---|---|
ஒரு மருத்துவர் மார்பதியதற்காக குறிக்கும் வீடியோ. | |
சிறப்பு | ஒட்டுறுப்பு அறுவை மருத்துவம் |
முலை பெருப்பு அறுவை சிகிச்சையின் நோக்கங்கள் கீழ்வருமாறு உள்ளன.
தங்கள் மார்பகங்களை மாற்றி அமைக்க முயல்பவர்களிடத்து சுய கௌரவத்தை மேம்படுத்திக் கொள்வதான காரணம் இருப்பதாக உளவியலாளர்கள் கருதுகின்றனர். உடல்ரீதியான கேலிப் பேச்சுக்கு ஆளாவதாலும் உடலுறவின் போது ஏற்படும் அவமானத்தாலும் கூட இத்தகைய முடிவை சம்பந்தப்பட்டவர் எடுக்கிறார். இத்தகையவர்கள் மன அழுத்தத்தினாலும் குறைந்த தன்னம்பிக்கையினாலும் அவதிக்குள்ளாவதாக கூறப்படுகிறது.[3] [4][5]
மயக்க மருந்து ஒவ்வாமை, அதிக இரத்தப் போக்கு, சீழ் வடிதல், அறுவை சிகிச்சையினால் ஏற்பட்ட புண்ணில் தொற்று ஏற்படல், நீர்க்கோர்த்தல், மார்பகவலி, பாலூட்டுதலில் சிரமம், மார்பக இழையங்கள் சுருங்குதல் மற்றும் மெலிதல், சீர்மை இலாது போதல் போன்று பல்வேறு சிக்கல்கள் கொண்டதாக முலை பெருப்பு அறுவை சிகிச்சை உள்ளது.[6][7][8]
பதிக்கப்பட்ட மார்பதியம் காலம் கழிய கழிய தன் இயக்கமிழந்து அருகிப்போக வாய்ப்பிருக்கிறது. ஒரு பதியம் கிழிந்து போனாலோ அரித்து போனாலோ உடனடியாக இன்னொரு அறுவை சிகிச்சை செய்து அதை மாற்றியமைக்க வேண்டும். ஏஸ்டெட்டிக் சர்ஜரி ஜர்னல் நடத்திய பத்தாண்டு ஆய்வில் மார்பதியங்கள் மூன்றாண்டுக்கு மூன்று முதல் ஐந்து சதவீதமும் புத்தாண்டுக்கு ஏழு முதல் பத்து சதவீதமும் அருகிப் போவதாக தெரிய வந்துள்ளது.[9]
உடலின் நோயெதிர்ப்பு ஆற்றலானது அந்நிய பொருட்களுக்கு எதிராக சில எதிர்வினைகள் ஆற்றும். அவ்வகையில் பதியங்கள் ஒவ்வாத இடத்து, மார்பகம் கடினமாதல், தொட்டாலே வலியுண்டாகல், மேலும் கீழும் சீர்மையின்றி போதல், விறைத்தல் உள்ளிட்ட சிக்கல்களைச் சந்திக்க நேரிடும். இது நாளங்கள் சுருங்குவதாலோ பாக்டீரியத் தொற்று பதியத்தில் ஏற்படுவதாலோ இரத்தப்போக்கினாலோ பதியம் கிழிந்து கசிவதாலோ ஏற்படக்கூடும்.[10][11]
அறுவை சிகிச்சை செய்ய மார்பகங்களின் குறிப்பிட்ட இடங்களிலே கீறுவர். முலை கீழ் மடிப்பு, காம்பின் கீழ்ப்பகுதி, அக்குளின் கீழ்ப்பகுதி, தொப்புளுக்கு மேற்பகுதி, அடிவயிறு ஆகிய இடங்களில் ஏதேனும் ஒரு இடத்தில் துளையிட்டு பதியங்களை உள்ளனுப்பி நிரப்புவர். இவற்றுள் முலை கீழ் மடிப்பு, காம்பின் கீழ்ப்பகுதி ஆகிய இடங்களே பதியம் பொருத்தப் பொருத்தமான வழிகளாகக் கருதப்படுகின்றன.[12]
ஐந்து இடங்கள் பதியம் பொருந்தும் இடங்களாக இருக்கின்றன. மார்பு இழையத்திற்க்கும் மார்பு தசைக்கும் இடைப்பட்ட பகுதி, மார்பு தசைக்கு கீழுள்ள பகுதி, இணைப்பு இழையத்திற்கும் மார்பு தசைக்கும் இடைப்பட்ட பகுதி உள்ளிட்ட இடங்களில் பொருத்தப்படுகின்றன.[13]
மொத்தம் மூன்று வகையான மார்பதியங்கள் உள்ளன.
முலை பெருப்பு பாலூட்டலை பாதிக்கும் என்பதற்கான எந்த சாட்சியங்களும் இல்லை. ஆனாலும் முலை பெருப்பு செய்து கொண்டவர்கள் பாலூட்ட அல்லல்படுவதாக தெரிவித்துள்ளனர். பால்நாளங்களையும் காம்புசூழிடத்தையும் முலை பெருப்பு பாதிக்க வாய்ப்புள்ளது.[17][18]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.