![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/23/Bauhinia_variegata_flower.jpg/640px-Bauhinia_variegata_flower.jpg&w=640&q=50)
மலையாத்தி
தாவர இனம் / From Wikipedia, the free encyclopedia
மலையாத்தி அல்லது மந்தாரை (Bauhinia variegata) பேபியேசியே குடும்பத்தைச் சேர்ந்த ஒரு பூக்கும் தாவரம் ஆகும். இது தென்கிழக்காசியா, தென் சீனாவிலிருந்து மேற்கே இந்தியா வரையான பகுதிகளைத் தாயகமாகக் கொண்டது. இதன் பூ, ஆர்க்கிட் பூவை ஒத்திருப்பதால் ஆங்கிலத்தில் இதனை ஆர்க்கிட்மரம் (Orchidtree) என்றும் அழைப்பதுண்டு.
விரைவான உண்மைகள் மலையாத்தி, உயிரியல் வகைப்பாடு ...
மலையாத்தி | |
---|---|
![]() | |
மலையாத்திப் பூ. | |
உயிரியல் வகைப்பாடு | |
திணை: | |
பிரிவு: | |
துணைத்தொகுதி: | சீசல்பீனியோயிடே |
வகுப்பு: | மக்னோலியோப்சிடா |
வரிசை: | ஃபேபேலெஸ் |
குடும்பம்: | ஃபேபேசேயே |
சிற்றினம்: | சேர்சீடியே |
பேரினம்: | பகுனியா |
இனம்: | ப. வேரிகாட்டா |
இருசொற் பெயரீடு | |
பகுனியா வேரிகாட்டா L. | |
மூடு
![Thumb image](http://upload.wikimedia.org/wikipedia/commons/thumb/9/90/Bauhinia_variegata_MHNT.BOT.2011.3.22.jpg/640px-Bauhinia_variegata_MHNT.BOT.2011.3.22.jpg)
சிறியது முதல் நடுத்தரம் வரை உயரமான இம் மரம் 10-12 மீட்டர் உயரம் வரை வளரக்கூடியது. கோடையில் இலைகளை உதிர்த்து விடுகின்றது. இதன் இலை 10-20 சதமமீட்டர் வரை நீள, அகலங்களைக் கொண்டது. இவ்விலையின் அடியும், நுனியும் இரண்டாகப் பிளவுபட்டு வளைந்த வடிவை உடையதாகக் காணப்படும். வெள்ளை அல்லது இளஞ்சிவப்பு நிறத்தில் ஐந்து இதழ்களைக் கொண்ட கவர்ச்சியான இதன் பூக்கள், 8-12 சமீ விட்டம் கொண்டவை. 15-30 சமீ வரை நீளம் கொண்ட இதன் பழங்கள் பல விதைகளை உள்ளடக்கியவை.