![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/03/Single_Polymer_Chains_AFM.jpg/640px-Single_Polymer_Chains_AFM.jpg&w=640&q=50)
பலபடி
From Wikipedia, the free encyclopedia
ஒரே மாதிரியான கட்டமைப்பு அலகுகள், சங்கிலி போன்ற அமைப்பில், மீண்டும் மீண்டும் ஒழுங்கமைக்கப்படுவதால் உருவாகும் வேதிப்பொருட்கள் பலபடி அல்லது பல்பகுதியம் (Polymer) எனப்படும்.
![Thumb image](http://upload.wikimedia.org/wikipedia/commons/thumb/0/03/Single_Polymer_Chains_AFM.jpg/320px-Single_Polymer_Chains_AFM.jpg)
பலபடிகளின் தனிச்சிறப்பான இயல்புகள் காரணமாக,[2] அவை நாளாந்த வாழ்க்கையில் இன்றியமையாத முக்கியத்துவம் கொண்டவையாகக் காணப்படுகின்றன.[3] இம்முக்கியத்துவம் நன்கு அறியப்பட்ட தொகுப்பு நெகிழி பயன்பாட்டிலிருந்து வாழ்வுக்குத் தேவையான இயற்கை உயிரிப் பலபடியாகிய கருவமிலம் (கருவியக்காடி) மற்றும் புரதம் வரை பரந்தது.
பலபடிகளின் கட்டமைப்பு அலகுகளாக ஒருபகுதிய மூலக்கூறுகள் காணப்படுகின்றன. பல ஒற்றைப்படி மூலக்கூறுகள் மீண்டும் மீண்டும் இணைக்கப்படுவதால் பலபடிகள் தோன்றுகின்றன. இவை பகிர்பிணைப்பு (கோவேலன்ட் பிணைப்பு - Covalent bond) மூலம் இணைக்கப்பட்டுள்ளன.