நீராவி உந்துப் பொறி
From Wikipedia, the free encyclopedia
நீராவி உந்துப் பொறி (steam locomotive) நீராவியால் இயங்கும் பொறியின் வழியே ஆற்றலைப் பெறுகின்ற ஓர் தொடர்வண்டி உந்துப் பொறி ஆகும். இவ்வகை உந்துப் பொறிகளில் ஏதேனும் எரிபொருளுக்குத் (வழமையாக விறகு, கரி அல்லது எண்ணெய்) தீ மூட்டி கொதிகலனில் உண்டாக்கப்படும் நீராவியால் நீராவிப்பொறி இயக்கப்படுகிறது. எரிபொருளும் நீரும் உந்துப் பொறியிலேயே (அல்லது அதன்கூடவே பின்னால் இழுக்கப்படும் வண்டிகளில்) எடுத்துச் செல்லப்படுகிறது.
![Thumb image](http://upload.wikimedia.org/wikipedia/commons/thumb/b/b5/AutoCAD_drawing_of_a_Great_Western_King.png/640px-AutoCAD_drawing_of_a_Great_Western_King.png)
நீராவி உந்துப் பொறிகள் முதலில் ஐக்கிய இராச்சியத்தில் உருவாக்கப்பட்டன. தொடர்வண்டிப் போக்குவரத்தில் இருபதாம் நூற்றாண்டின் முன்பகுதி வரை இவை பெரிதும் பயன்படுத்தப்பட்டு வந்தன. பின்னர் படிப்படியாக மின் உந்துப் பொறிகளும் டீசல் உந்துப் பொறிகளும் இவற்றிற்கு மாற்றாக அமைந்தன.