ந. பாலேஸ்வரி
From Wikipedia, the free encyclopedia
From Wikipedia, the free encyclopedia
பாலேஸ்வரி நல்லரெட்ணசிங்கன் (7 டிசம்பர் 1929 - 27 பெப்ரவரி 2014) ஈழத்து எழுத்தாளர். இலங்கையில் அதிக நாவல்களை எழுதிய பெண் எழுத்தாளர். 'பாப்பா', 'ராஜி' ஆகிய புனைப்பெயர்களிலும் எழுதி வந்தவர். இவர் ‘பெண்மையின் தனித்துவத்தன்மை பிரதிபலிக்கும் ஆக்கங்களை எழுதிய’ ஈழத்தின் முதலாவது பெண் நாவலாசிரியையாவார்.
ந. பாலேஸ்வரி | |
---|---|
![]() | |
பிறப்பு | திருகோணமலை | திசம்பர் 7, 1929
இறப்பு | பெப்ரவரி 27, 2014 84) கொழும்பு | (அகவை
பெற்றோர் | த.பாலசுப்ரமணியம், பா.கமலாம்பிகை |
முகாந்திரம் த. பாலசுப்ரமணியம், கமலாம்பிகை ஆகியோருக்கு திருகோணமலையில் பிறந்த இவர் தனது ஆரம்பக்கல்வியை திருகோணமலை ஸ்ரீசண்முக வித்தியாலயத்தில் பெற்றார். பின்பு சுன்னாகம் ஸ்ரீஸ்கந்தவரோதயாக் கல்லூரி, உடுவில் மகளிர் கல்லூரி, திருக்கோணமலை புனிதமரியாள் கல்லூரி ஆகியவற்றில் பயின்றார்.
மட்டக்களப்பு அரசினர் ஆசிரியர் கல்லூரியில் பயிற்றப்பட்ட தமிழ் ஆசிரியையான இவர் பெருந்தெரு விக்னேசுவரா மகா வித்தியாலயத்தின் முந்நாள் ஆசிரியரும் பிரதி அதிபருமாவார். ஆசிரிய சேவையில் நீண்ட காலம் சேவையாற்றி ஓய்வுபெற்றார். திருகோணமலை மாவட்ட பெண்கள் நலன்புரிச்சங்கத்தின் முக்கிய செயற்பாட்டாளராகவும் பணியாற்றினார்.
தான் கற்கும் காலத்திலிருந்து வாசிப்புத்துறையில் ஈடுபாடு மிக்கவராக இருந்த இவரின் கன்னிக்கதை ‘வாழ்வளித்த தெய்வம்’ எனும் தலைப்பில் தினகரன் பத்திரிகையில் 1957ம் ஆண்டு பிரசுரமானது. அன்றிலிருந்து இருநூற்றுக்கும் மேற்பட்ட சிறுகதைகளையும், முப்பதுக்கு மேற்பட்ட கட்டுரைகளையும் எழுதியுள்ளார்.
இத்தகைய ஆக்கங்கள் இலங்கையிலுள்ள தேசியப் பத்திரிகைகளிலும், சஞ்சிகைகளிலும் பிரசுரமாகியுள்ள அதே நேரத்தில் கல்கி, குங்குமம், உமா, தமிழ்ப்பாவை, கவிதை உறவு போன்ற இந்திய சஞ்சிகைகளிலும் ‘உலகம்’(இத்தாலி) ‘ஈழநாடு’(பாரிஸ்) ‘தமிழ்மலர்’(மலேசியா) ஆகிய அனைத்துலக சஞ்சிகைகளிலும் பிரசுரமாகியுள்ளன.
பாலேஸ்வரி பன்னிரண்டு நாவல்களை எழுதி வெளியிட்டுள்ளார். இலங்கையில் பெண் எழுத்தாளர் ஒருவர் பன்னிரண்டு நாவல்களை எழுதி வெளியிட்டிருப்பது இலங்கை தமிழ் இலக்கிய வரலாற்றில் இதுவே முதற்தடவை.
விபரம் வருமாறு
இவர் இரண்டு சிறுகதை தொகுதிகளை வெளியிட்டுள்ளார்.
பாலேஸ்வரியின் இலக்கிய ஆக்கங்களை பல்கலைக்கழக மட்டத்தில் இதுவரை மூன்று மாணவர்கள் ஆய்வு செய்துள்ளனர்.
இவை தவிர பல்வேறு பட்ட பிரதேச இலக்கிய விழாக்களில் பல்வேறு விருதுகளையும், கௌரவங்களையும் பெற்றுள்ளார்.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.