இலங்கை அரசியல்வாதி From Wikipedia, the free encyclopedia
ஜீவன் தொண்டமான் (Jeevan Thondaman; பிறப்பு: 9 நவம்பர் 1994) இலங்கையின் மலையக அரசியல்வாதி ஆவார்.[1]
ஜீவன் தொண்டமான் | |
---|---|
தோட்ட வீடமைப்பு, சமூக உட்கட்டமைப்பு இராசாங்க அமைச்சர் | |
பதவியில் உள்ளார் | |
பதவியில் 12 ஆகத்து 2020 | |
நுவரெலியா மாவட்ட நாடாளுமன்ற உறுப்பினர் | |
பதவியில் உள்ளார் | |
பதவியில் ஆகத்து 2020 | |
தனிப்பட்ட விவரங்கள் | |
பிறப்பு | ஜீவன் தொண்டமான் 9 நவம்பர் 1994 |
குடியுரிமை | இலங்கையர் |
அரசியல் கட்சி | இலங்கை தொழிலாளர் காங்கிரஸ் |
பிற அரசியல் தொடர்புகள் | இலங்கை பொதுசன முன்னணி |
முன்னாள் கல்லூரி | நோர்த்தம்பிரியா பல்கலைக்கழகம், இங்கிலாந்து |
ஜீவன் தொண்டமான் 1994 நவம்பர் 9 இல் பிறந்தார்.[2] இவர் முன்னாள் அமைச்சரும், தொழிற்சங்கத் தலைவருமான ஆறுமுகன் தொண்டமானின் மகனும், சௌமியமூர்த்தி தொண்டமானின் பூட்டனும் ஆவார்.[3] இவர் கொழும்பு, கேட்வே ஆரம்பப் பாடசாலை, சென்னை, ஆண்டாள் வெங்கடசுப்பாராவ் மெட்ரிக் மேல்நிலைப்பள்ளி, கோயம்புத்தூர் சின்மயா பன்னாட்டுப் பாடசாலையிலும் கல்வி கற்று,[2] இங்கிலாந்து நோர்தம்பிரியா பல்கலைக்கழகத்தில் சட்டம் பயின்று 2017 இல் இளங்கலைப் பட்டம் பெற்றார்.[2][4] இலண்டனில் சிறிது காலம் சட்ட நிறுவனம் ஒன்றில் பணியாற்றிய பின்னர்,[2] தந்தையின் அரசியல், தொழிற்சங்க நடவடிக்கைகளில் இணைந்து சேவையாற்ற விரும்பி இலங்கை திரும்பினார்.[2]
2020 சூன் மாதத்தில் தந்தை ஆறுமுகன் தொண்டமானின் திடீர் மறைவிற்குப் பின்னர், இலங்கை தொழிலாளர் காங்கிரஸ் கட்சியின் பொதுச் செயலாலராக நியமிக்கப்பட்டார்.[5][6] 2020 நாடாளுமன்றத் தேர்தலில், இலங்கை பொதுசன முன்னணியின் சார்பில் நுவரெலியா மாவட்டத்தில் போட்டியிட்டு, மாவட்டத்திலேயே அதிகூடிய விருப்பு வாக்குகள் (109,155) பெற்று நாடாளுமன்றம் சென்றார்.[7][8][9]
ஜீவன் தொண்டமான் 2020 ஆகத்து 12 இல் கோட்டாபய ராஜபக்சவின் இரண்டாவது அமைச்சரவையில் தோட்ட வீடமைப்பு, சமூக உட்கட்டமைப்பு இராசாங்க அமைச்சராக நியமிக்கப்பட்டார்.[10]
தேர்தல் | தொகுதி | கட்சி | வாக்குகள் | முடிவு |
---|---|---|---|---|
2020 நாடாளுமன்றம் | நுவரெலியா மாவட்டம் | இலங்கை பொதுசன முன்னணி | 1,09,155 | தெரிவு |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.