From Wikipedia, the free encyclopedia
பேராசிரியர் சிவசுப்பிரமணியம் இரவீந்திரநாத் (Sivasubramaniam Raveendranath, பெப்ரவரி 22, 1951[1] – திசம்பர் 2006) இலங்கையின் கிழக்குப் பல்கலைக்கழக முன்னைநாள் உபவேந்தர் ஆவார்.[2] இவர் கொழும்பில் 2006 டிசம்பர் 15 இல் இலங்கை விஞ்ஞான முன்னேற்றச் சங்கக் கூட்டமொன்றில் கலந்துகொண்டு திரும்பியபோது இனம் தெரியாத ஆயுததாரிகளினால் கடத்தப்பட்டார்.[3][4][5] மாநாட்டில் கலந்து கொண்டிருந்த போது தொலைபேசி அழைப்பொன்று அவருக்கு வந்ததாகவும், அதனையடுத்து அவர் அங்கிருந்து வெளியேறியதாகவும் அவரைக் கடைசியாகக் கண்டவர்கள் கூறினர்.[6]
சி. இரவீந்திரநாத் | |
---|---|
![]() | |
பிறப்பு | யாழ்ப்பாணம் | 22 பெப்ரவரி 1951
காணாமல்போனது | 15 திசம்பர் 2006 (அகவை 55) கொழும்பு, இலங்கை |
தேசியம் | இலங்கைத் தமிழர் |
பணி | பேராசிரியர், உபவேந்தர் |
பெற்றோர் | சிவசுப்பிரமணியம், சரசுவதி |
இவர் உபவேந்தர் பதவியில் இருந்து விலகினால் விடுவிக்கப்படுவார்[7] என ஊடகங்களில் தகவல் வெளியிட்டு பதவியில் இருந்து விலகியபோதும் இன்னமும் விடுவிக்கப்படவோ அவரைப்பற்றிய தகவல்களோ கிடைக்கவில்லை.[8][9] கடத்தப்பட்ட இரவீந்திரநாத் வெலிக்கந்தைக்குக் கொண்டு செல்லப்பட்டு அங்கு 3 நாட்களின் பின்னர் கொலை செய்யப்பட்டிருக்கலாம் என்று ஊடகங்கள் தகவல் வெளியிட்டன.[10] அவர் அநேகமாகக் கொல்லப்பட்டிருக்கலாம் என்றே அவரது உறவினர்கள் தெரிவித்தனர்.[11]
துணை இராணுவக் குழுவான தமிழ் மக்கள் விடுதலைப் புலிகள் இயக்கத்தைச் சேர்ந்தவர்களே இவரைக் கடத்தியிருக்கலாம் என உள்ளூர் ஊடகங்கள் செய்தி வெளியிட்டன.[12][13]
இக்கடத்தல் குறித்து பன்னாட்டு மன்னிப்பு அவை வெளியிட்ட அறிக்கையில், "இராணுவத்தின் தீவிரக் கட்டுப்பாட்டுப் பகுதியான, உயர் பாதுகாப்பு வலயத்தினுள் வைத்தே இக்கடத்தல் நடைபெற்றுள்ளதால், பாதுகாப்புப் படையினருடன் நெருங்கிய தொடர்பில் உள்ளவர்களே இதனை மேற்கொண்டிருக்க வேண்டும் எனவும், இவர் சித்திரவதைக்குள்ளாக்கப்படும் ஆபத்து உள்ளதாகவும், ஏற்கனவே இதய நோய் உள்ளவர் என்பதால் இவரது உயிருக்கே இது ஆபத்தாக முடியலாம்" எனவும் எச்சரித்தது.[14]
கிழக்கிலங்கைப் பல்கலைக்கழக ஆசிரியர்களும் ஊழியர்களும் இவரை விடுவிக்கக்கோரி பணி நிறுத்தத்தை மேற்கொண்டனர்.[15]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.