தீக்கல்
From Wikipedia, the free encyclopedia
தீக்கல் (Flint) அல்லது சிக்கிமுக்கிக் கல், சிலிக்காவினால் ஆன ஒருவகை படிவுப் பாறை ஆகும். தீக்கல்லானது கடினமான, படிகவடிவு வெளித்தெரியாத (cryptocrystalline) கனிம படிகக்கல்லின் (mineral quartz) படிவு வடிவமாகும்[2][3]. இது ஒருவகையானக் கல்லாக வகைப்படுத்தப்படுகிறது. தீக்கற்கள் படிவுப்பாறைகளில் சுண்ணக்கட்டிகள், சுண்ணப்பாறைகளென முண்டுகளாகவும், திணிவுகளாகவும் காணப்படுகின்றன[4][5].
![Thumb image](http://upload.wikimedia.org/wikipedia/commons/thumb/6/67/Flint.jpg/640px-Flint.jpg)
![Thumb image](http://upload.wikimedia.org/wikipedia/commons/thumb/7/71/Long_Melford_Holy_Trinity_Church_01.jpg/640px-Long_Melford_Holy_Trinity_Church_01.jpg)
![Thumb image](http://upload.wikimedia.org/wikipedia/commons/thumb/3/3c/Handaxe_by_John_Frere.png/320px-Handaxe_by_John_Frere.png)
வெப்ப மண்டல கடலின் கண்டத் திட்டுகளில் அமைந்துள்ள பிந்தைய கிரட்டேசியசுக் கால பாறைகளான சுண்ணக்கட்டிகளில் பட்டைகளாகத் தீக்கற்கள் கிடைக்கின்றன.
கடலரிப்பால் சுண்ணக்கல் தேயும்போது கடினமான தீக்கல் முடிச்சுகள் கூழாங்கல்லாக தட்டைக்கல் கடற்கரைகளில் காணப்படுகின்றன. இந்தக் கற்கள் பின்னர் பிரிதொரு பாறையாக ஒன்று சேரவும் கூடும். இவ்வாறு இரண்டாம் முறைப் படிவுப் பாறையாக இவை உருவாகின்றன.