சத்தியாகிரகம்
From Wikipedia, the free encyclopedia
சத்தியாகிரகம் (Satyagraha (சமக்கிருதம்: सत्याग्रह; சத்யா: "உண்மை", ஆக்ரஹ: "சத்தியத்திலிருந்து அல்லது அகிம்சையிலிருந்து பிறந்த சக்தி" என்பது பொருள்).[1] என்பது ஒரு காந்திய போராட்ட முறையாகும். சத்தியாகிரகத்தில் ஈடுபடுபவர் சத்யாகிரகி என அழைக்கப்படுகிறார்.
மகாத்மா காந்தியால் சத்தியாகிரகம் என்ற சொல் உருவாக்கப்பட்டது.[2] இவர் இந்திய மக்களின் உரிமைகளுக்காக தென்னாபிரிக்காவில் நடத்திய போராட்டங்களில் முதன் முதலாவதாகவும், பின்னர் இந்திய விடுதலை இயக்கத்தின் போதும் இந்தப் போராட்ட வடிவைப் பயன்படுத்தினார். சத்தியாக்கிரகக் கோட்பாடானது மார்ட்டின் லூதர் கிங் மற்றும் ஜேம்ஸ் பெல்லலின் ஆகியோர் அமெரிக்காவில் மேற்கொண்ட குடிசார் உரிமைகள் இயக்கம் மற்றும் சமூக நீதிக்கான பரப்புரைகளின்போதும், இதே போன்ற பல இயக்கங்களிலும் தாக்கத்தை ஏற்படுத்தியது.[3][4]