From Wikipedia, the free encyclopedia
கொலைச் சிந்து என்பது நாட்டாறியல் கதைப் பாடல்களில் ஒரு வகையாகும். இந்த கதைப் பாடல் வகையில் தொடர் கொலைகளும், தற்கொலை நிகழ்வுகளும் குறிப்பிடப்படுகின்றன. இது கொலைப்பாட்டு, படுகொலைப் பாட்டு என்றும் அழைக்கப்படுகிறது
செய்திதாள் போன்ற ஊடகங்கள் பரவலாகாத காலத்தில் சிந்து பாடல்கள் மூலம் செய்திகள் பரப்ப பட்டன. நாட்டுப்புறங்களில் கொலைச் செய்யப்பட்டு இறந்தவர்களைப் பற்றி மக்களுக்கு தெரியப்படுத்த இந்த கொலைச் சிந்தை பாடியதாக நாட்டுப்புறவியல் துறைத்தலைவர் முனைவர் சி. சுந்தரேசன் தெரிவிக்கின்றார். [1] இக்கொலைச் சிந்துகள் கொலைகளைப் பற்றிய செய்திகளோடு அவை நிகழக் காரணமாக இருந்தவைகளைப் பற்றியும் தெரிவிக்கின்றன. இதன் காரணமாக மக்கள் மீண்டும் கொலை மற்றும் தற்கொலைகளிலிருந்து காக்கப்படுவார்கள். [2]
இந்தியாவை ஆங்கிலேயர்கள் ஆட்சி செய்த பொழுது கல்வியறிவற்று மக்கள் இருந்தனர். அதனால் தற்கொலைகளும், கொலைகளும் வெகுவாக அம்மக்களை பாதித்த காரணத்தினால் இவ்வகையான கொலைச் சிந்து கதைப்பாடல்கள் உருவாகியிருக்கலாம் என்று அறிஞர்கள் கூறுகின்றர். [3]
கொலை சிந்து பாடல்கள் குடும்ப நலத்திட்டம், மாமியார் மருமகள் சிக்கல், பொருந்தா மணம், பொருளாசை, ஒற்றுமை, இரக்கம் ஆகியனவற்றை பாடுபொருளாக கொண்டு பாடப்படுகின்றன.
கொலைச்சிந்துகளை திரைப்படங்களாகவும் நாடகமாகவும் எடுத்துள்ளனர். ஆளவந்தார் கொலை வழக்கு நாடகமாக தொலைக்காட்சியில் ஒளிபரப்பானது.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.