![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/ff/JerashCorinthian.jpg/640px-JerashCorinthian.jpg&w=640&q=50)
கொறிந்திய ஒழுங்கு
From Wikipedia, the free encyclopedia
கொறிந்திய ஒழுங்கு என்பது, செந்நெறிக் கட்டிடக்கலை எனப்படும் பண்டைக் கிரேக்க, ரோமன் கட்டிடக்கலைகளில் புழக்கத்தில் இருந்த மூன்று முக்கியமான ஒழுங்குகளில் ஒன்று ஆகும். ஏனைய இரண்டும் டோரிய ஒழுங்கு, அயனிய ஒழுங்கு என்பன. இவற்றுள் அதிக அழகூட்டல்களோடு அமைந்தது கொறிந்திய ஒழுங்கே. இவ்வொழுங்கின் தூண்கள் தவாளிகளோடு கூடிய தண்டுகளையும், அகாந்தசு இலை வடிவம் மற்றும் சுருள் வடிவங்களால் அழகூட்டப்பட்ட போதிகைகளையும் கொண்டன.
![Thumb image](http://upload.wikimedia.org/wikipedia/commons/thumb/9/91/CorinthianOrderPantheon.jpg/250px-CorinthianOrderPantheon.jpg)
![Thumb image](http://upload.wikimedia.org/wikipedia/commons/thumb/f/ff/JerashCorinthian.jpg/640px-JerashCorinthian.jpg)
கொறிந்திய ஒழுங்கின் பெயர் "கொறிந்த்" என்னும் கிரேக்க நகரத்தின் பெயரில் இருந்து பெறப்பட்டது. எனினும் இது முதலில் வெளிப்புறத்தில் பயன்படுத்தப்பட்டது ஏதென்சு நகரிலேயே. இவ்வொழுங்கு கிரேகத்திலேயே உருவானது எனினும், கிரேக்கர் தமது கட்டிடக்கலையில் இதை மிகவும் குறைவாகவே பயன்படுத்தினர். ரோமர் காலத்திலேயே இது முழு அளவில் பயன்பட்டது.