ஆதித்தியன்
From Wikipedia, the free encyclopedia
இக்கட்டுரை இசையமைப்பாளர் பற்றியது. 1993 தமிழ்த் திரைப்படம் பற்றிய கட்டுரைக்கு ஆதித்யன் (திரைப்படம்) கட்டுரையைப் பார்க்க.
ஆதித்தியன் (இயற்பெயர்: டைட்டஸ், 9 ஏப்ரல், 1954 - 6 டிசம்பர், 2017) என்பவர் இந்தியத் திரைப்பட இசையமைப்பாளர் ஆவார். இவர் தமிழ்த் திரைப்படங்களுக்கு மட்டுமல்லாது தெலுங்கு, மலையாளம் போன்ற திரைப்படங்களுக்கும் இசையமைத்துள்ளார். மேலும் இவர் தான் இசையமைத்த படங்களிலும், பிற இசையமைப்பாளர்கள் இசையமைப்பிலும் பல பாடல்களைப் பாடியுள்ளார். இவர் இந்தியாவிலும், மலேசியாவிலும் பல தமிழ் பாப் & ரீமிக்ஸ் ஆல்பங்களை உருவாக்கி வெளியிட்டுள்ளார். ஜெயா தொலைக்காட்சியில் இவரது சமையல் நிகழ்ச்சியான 'ஆதித்யன் கிச்சன்' என்ற நிகழ்ச்சியை 8 ஆண்டுகள் நடத்தினார்.[2] இவர் ஒரு ஓவியக் கலைஞராகவும் இருந்தார், இவரது ஓவியங்கள் பல வீட்டுச் சுவர்களை அலங்கரிக்கின்றன. இவர் 2017 திசம்பர் 5 அன்று உடல்நலக் குறைவால் ஹைதராபாத்தில் தன் 63 வயதில் காலமானார்.[3][4]
விரைவான உண்மைகள் ஆதித்யன், இயற்பெயர் ...
ஆதித்யன் | |
---|---|
இயற்பெயர் | டைட்டஸ் |
பிறப்பு | ஏப்ரல் 9, 1954 தமிழ்நாடு, தஞ்சாவூர் |
இறப்பு | திசம்பர் 6, 2017(2017-12-06) (அகவை 63) ஆந்திரப் பிரதேசம், ஐதராபாத்து |
தொழில்(கள்) | இசையமைப்பாளர்[1] |
இசைத்துறையில் | 1992–2003 |
மூடு