![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/21/Asian_Highways.png/640px-Asian_Highways.png&w=640&q=50)
ஆசிய நெடுஞ்சாலைகள் வலையமைப்பு
From Wikipedia, the free encyclopedia
ஆசிய நெடுஞ்சாலைகள் வலையமைப்பு ஆங்கிலம்: Asian Highway Network (AH) அல்லது Great Asian Highway) என்பது ஆசிய நெடுஞ்சாலைகள் திட்டத்தின் கீழ் வருகின்ற நெடுஞ்சாலைகளின் வலையமைப்பு ஆகும். இந்தத் திட்டம் ஆசியாவில் உள்ள நெடுஞ்சாலைகளை மேம்படுத்துவதற்காக ஆசியாவைச் சேர்ந்த நாடுகளும், ஐரோப்பாவைச் சேர்ந்த சில நாடுகளும், "எஸ்காப்" (ESCAP) எனச் சுருக்கமாக அழைக்கப்படும் ஐக்கிய நாடுகளின் ஆசியாவுக்கும் பசிபிக்குக்குமான பொருளியல் சமூக ஆணையம் (Economic and Social Commission for Asia and the Pacific) என்னும் நிறுவனமும் கூட்டாகச் செயற்படுத்தும் ஒரு திட்டம் ஆகும்.
![Thumb image](http://upload.wikimedia.org/wikipedia/commons/thumb/2/21/Asian_Highways.png/640px-Asian_Highways.png)
இந்தத் திட்டம் 1959-ஆம் ஆண்டில் ஐக்கிய நாடுகள் சபையால் தொடங்கப்பட்டது. 1960-க்கும் 1970-க்கும் இடைப்பட்ட காலத்தில் இடம்பெற்ற இதன் முதல் கட்டத்தில் குறிப்பிடத்தக்க முன்னேற்றங்கள் காணப்பட்டன. எனினும், 1975-ஆம் ஆண்டில் நிதி உதவிகள் நிறுத்தப் பட்டதனால் திட்டத்தின் முன்னேற்றம் தடைப்பட்டது.
1992-ஆம் ஆண்டில் எஸ்காப் ஆணையத்தினால் அதன் 48-ஆவது அமர்வில் நிறைவேற்றப்பட்ட ஆசியத் தரைவழிப் போக்குவரத்துக் கட்டமைப்பு வளர்ச்சித் திட்டம் (Asian Land Transport Infrastructure Development (ALTID) எனும் திட்டத்தின் கீழ், ஆசிய நெடுஞ்சாலைகள் திட்டத்தின் உறுப்பு நாடுகளுடன் இணைந்து படிப்படியாகச் சில திட்டங்கள் செயற்படுத்தப்பட்டன.