அணுகுதகைமை
From Wikipedia, the free encyclopedia
அணுகுதகைமை (Accessibility) என்பது, ஒரு உற்பத்திப் பொருள், கருவி, சேவை அல்லது சூழல் எந்த அளவுக்குக் கூடிய அளவு மக்களால் அணுகத் தக்கதாக உள்ளது என்பதைக் குறிக்கும். அணுகுதகைமையை, ஏதாவதொரு பொருளை அல்லது முறைமையை அணுகக்கூடிய தன்மையாகவும், அதில் இருந்து பெறக்கூடிய பயனாகவும் பார்க்க முடியும். இக்கருத்துரு பெரும்பாலும், இயலாமை அல்லது சிறப்புத் தேவைகளைக் கொண்டவர்களையும், அவர்களுடைய அணுகுவதற்கான உரிமையையும் கவனத்தில் கொள்கிறது.
பயனாளிகளுக்கு "நேரடி அணுக்கம்" தேவை என்ற நிலையில், அணுகுதகைமையை முழுதளாவிய வடிவமைப்பினாலேயே அடைய முடியும். இது, குறித்த விடயத்தை இயலக்கூடியவர், இயலாமை கொண்டவர் என்ற பாகுபாடு எதுவும் இன்றி எல்லா மக்களும் அணுகக்கூடிய வடிவமைப்பு.