கொல்கத்தா பெருநகரப் பகுதி, இந்தியாவின் மேற்கு வங்காள மாநிலத் தலைநகரான கொல்கத்தா பெருநகர் பகுதியானது, தில்லி, மும்பைக்கு அடுத்து இந்தியாவின் மூன்றாவது மக்கள் தொகை கொண்ட பகுதியாகும். கொல்கத்தா நகரத்தை மையமாகக் கொண்டுள்ள இப்பெருநகர் பகுதியில் கொல்கத்தா மாவட்டம், தெற்கு 24 பர்கானா மாவட்டம், வடக்கு 24 பர்கனா மாவட்டம், நதியா மாவட்டம், ஹவுரா மாவட்டம் மற்றும் ஹூக்லி மாவட்டங்களின் பகுதிகளைக் கொண்டுள்ளது. கொல்கத்தா பெருநகர மேம்பாட்டுக் குழுமம், கொல்கத்தா பெருநகரப் பகுதியின் வளர்ச்சிக்கு உதவுகிறது.