2016- 2017ஆம் ஆண்டுக்கான வரவு செலவுத் திட்டத்தை பிப்ரவரி 29, 2016 அன்று நிதியமைச்சர் அருண் ஜெட்லி தாக்கல் செய்தார்[1].
வரிவிதிப்புகள்
- கட்டமைப்பு, வேளாண்மைக்கென செஸ் வரிகள் விதிக்கப்படும்.
- புகையிலைப் பொருட்கள் மீதான கலால் வரிகள் 10 சதவீதத்திலிருந்து 15 சதவீதமாக உயர்த்தப்படுகிறது.
- உரூபாய் 10 இலட்சத்துக்கு அதிகமான விலை மதிப்புடைய சொகுசு மகிழுந்துகள் வாங்கும்போது 1% சேவை வரி விதிக்கப்படும்.
- பெரிய வகை மகிழுந்துகளுக்கு 4% அதி-கொள்ளளவு வரி விதிக்கப்படும்.
- 5 கோடி உரூபாய்க்குக் குறைவான வருமானமுடைய நிறுவனங்களின்மீது 29% கூடுதல் வரி விதிக்கப்படும்.
- தங்கம், வெள்ளி நகைகள் மீது 1% கலால் வரி விதிக்கப்படும்.
- அனைத்து சேவைகளுக்கும் 0.5% கிரிசி கல்யாண் செஸ் விதிக்கப்படும்.
- பெட்ரோல், எல்பிஜி, சிஎன்ஜி இவைகளில் இயங்கும் சிறிய வகை மகிழுந்துகள் மீது 1% மாசு செஸ் வரி விதிக்கப்படும். இவ்வரியானது, டீசலில் இயங்கும் சிறிய வகை மகிழுந்துகள் மீது 2.5% என இருக்கும்; உயர்வகை மகிழுந்துகளுக்கு 4% என இருக்கும்.
தனி மனிதர்களுக்கான நிதிக் கொள்கைகள்
- வருமான வரி உச்சவரம்பில் மாற்றம் ஏதுமில்லை.
- பணியாளர் வைப்பு நிதிக்கு உரூபாய் 1000 கோடி ஒதுக்கப்படும்.
- புதிதாக பணிக்குச் சேருபவர்களுக்கு, பணியாளர் வைப்பு நிதிக்கான 8.33% பங்களிப்பினை முதல் மூன்று ஆண்டுகளுக்கு அரசே வழங்கும்.
- வீட்டு வாடகை செலுத்துதல் மீதான உரூபாய் 20,000 வரிவிலக்கு உரூபாய் 60,000 ஆக உயர்த்தப்படும்.
- உரூபாய் 35 இலட்சம் வரையிலான வீட்டுக்கடனுக்கு, உரூபாய் 50,000 எனும் அளவில் கூடுதல் வரிவிலக்கு அளிக்கப்படும்.
- 60 சதுர மீட்டருக்குக் குறைவானப் பரப்பளவு கொண்ட வீடுகள் கட்டப்படும்போது, சேவை வரி விலக்கு அளிக்கப்படும்.
- குறிப்பிட்ட ஆண்டில், உரூபாய் 1 கோடிக்கு அதிகமான வருமானம் கொண்டோருக்கு 15% அதிகப்படியான வரி விதிக்கப்படும்.
வேளாண்மை
- வேளாண்மை, விவசாயிகள் நலனுக்கென 35,984 கோடி உரூபாய் ஒதுக்கப்பட்டுள்ளது.
- 28.5 இலட்சம் கெக்டெர் அளவிலான நிலங்கள் நீர்ப்பாசன வசதி பெறும்.
- அடுத்த மூன்று ஆண்டு காலத்தில், 5 இலட்சம் ஏக்கர் நிலங்களில் அங்கக வேளாண்மை நடைபெற வழிவகை செய்யப்படும்.
- வேளாண்மைக்கும் ஊர்ப்புற வளர்ச்சிக்குமான தேசிய வங்கியில் நீர்ப்பாசனத்திற்கென 20,000 கோடி உரூபாய் சிறப்பு நிதி ஒதுக்கப்படும்.
- நிலத்தடி நீர் செறிவூட்டலுக்கென 60,000 கோடி உரூபாய் ஒதுக்கப்படும்.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
