பழனி திகாம்பரம்

எஸ். உடையப்பன் பழனி அழகன் திகாம்பரம் (S. Udeiappan Palani Alagan Digambaram, பிறப்பு: 10 சனவரி 1967)^[1] என்பவர் இலங்கை அரசியல்வாதியும், நாடாளுமன்ற உறுப்பினரும், தொழிலதிபரும் ஆவார்.

பழனி திகாம்பரம் Palani Digambaram நா.உ. மா.ச.உ.
மலையக புதிய கிராமங்கள், உட்கட்டமைப்பு மற்றும் சமூக அபிவிருத்தி அமைச்சர்
பதவியில் 4 செப்டம்பர் 2015 – 2020
தோட்ட உட்கட்டமைப்பு அமைச்சர்
பதவியில் 12 சனவரி 2015 – ஆகத்து 2015
தேசிய மொழிகள் மற்றும் சமூக ஒருமைப்பாட்டு பிரதி அமைச்சர்
பதவியில் 21 ஆகத்து 2014 – 10 டிசம்பர் 2014
நுவரெலியா மாவட்ட நாடாளுமன்ற உறுப்பினர்
பதவியில் உள்ளார்
பதவியில் 2010
மத்திய மாகாணசபை உறுப்பினர்
பதவியில் 2004–2010
பின்னவர்	ஜி. எம். எம். பியசிறி
தனிப்பட்ட விவரங்கள்
பிறப்பு	10 சனவரி 1967 (1967-01-10) (அகவை 58)
அரசியல் கட்சி	தொழிலாளர் தேசிய சங்கம்
சமயம்	இந்து
இனம்	மலையகத் தமிழர்

திகாம்பரம் ஆடைத் தொழிற்சாலை உரிமையாளரும், தொழிலாளர் தேசிய சங்கம் என்ற தொழிற்சங்கத்தின் தலைவரும் ஆவார்.^[2][3]

திகாம்பரம் 2004 மாகாணசபைத் தேர்தலில் மலையக மக்கள் முன்னணியின் வேட்பாளராக நுவரெலியா மாவட்டத்தில் போட்டியிட்டு மத்திய மாகாண சபைக்குத் தெரிவானார்.^[4] இவர் 2009 மாகாணசபைத் தேர்தலில் ஐக்கிய தேசியக் கட்சியின் வேட்பாளராகப் போட்டியிட்டு வெற்றி பெற்றார்.^[5]

2010 நாடாளுமன்றத் தேர்தலில் ஐக்கிய தேசிய முன்னணி வேட்பாளராகப் போட்டியிட்டு நாடாளுமன்றம் சென்றார்.^[6][7] தேசியப் பட்டியல் தொடர்பாக ஐக்கிய தேசிய முன்னணியுடன் ஏற்பட்ட சர்ச்சை காரணமாக திகாம்பரம் அக்கூட்டணியில் இருந்து 2010 ஏப்ரல் 22 இல் விலகினார்.^[8] திகாம்பரம் பின்னர் எக்கூட்டணியிலும் சேராமல் சுயேட்சையாக நாடாளுமன்ற எதிர்க்கட்சி உறுப்பினராகத் தொடர்ந்திருந்தார்.^[9]

2014 ஆகத்து 21 இல் இவர் ஆளும் ஐக்கிய மக்கள் சுதந்திரக் கூட்டணியில் இணைந்து தேசிய மொழிகள் மற்றும் சமூக ஒருமைப்பாட்டு பிரதி அமைச்சராக நியமிக்கப்பட்டார்.^[10][11] பின்னர் 2014 டிசம்பர் 10 இல் ஆளும் கூட்டணியில் இருந்து விலகி 2-015 அரசுதலைவர் தேர்தலில் பொது எதிர்க்கட்சி வேட்பாளராகப் போட்டியிடும் மைத்திரிபால சிறிசேனவிற்குத் தனது ஆதரவைத் தெரிவித்தார்.^[12][13] தேர்தலின் பின்னர் புதிய அரசுத்தலைவர் சிறிசேன இவரை தோட்ட உட்கட்டமைப்பு அமைச்சராக நியமித்தார்.^[14][15]

2015 நாடாளுமன்றத் தேர்தலில் தமிழ் முற்போக்குக் கூட்டணியின் சார்பில் ஐக்கிய தேசியக் கட்சியின் வேட்பாளராக நுவரெலியா மாவட்டத்தில் போட்டியிட்டு 105,528 விருப்பு வாக்குகள் பெற்று வெற்றி பெற்று மீண்டும் நாடாளுமன்றம் சென்றார்.^[16][17][18] 2015 செப்டம்பர் 4 அன்று மைத்திரிபால சிறிசேனவின் அரசில் மலையக புதிய கிராமங்கள், உட்கட்டமைப்பு மற்றும் சமூக அபிவிருத்தி அமைச்சராக நியமிக்கப்பட்டார்.^{[19][20] [21]}