குரவை, துணங்கை, தழூஉ – ஆட்டங்கள் பழங்கால மகிழ்ச்சி விளையாட்டுகளில் குறிப்பிடத்தக்கவை.
இவை வேலை செய்த களைப்பு போக இரவில் ஆடப்படும். ஆண்களும் பெண்களும் சேர்ந்து ஆடுவர். ஆடும் பாங்கை நோக்கும்போது இவை தனித்தனி ஆட்டங்கள் என்றாலும் ஒன்றோடொன்று பின்னிப் பிணைந்து கிடப்பவை.
- குரவை என்பது கைகோத்து ஆடப்படும்.
- துணங்கை என்பது முடக்கிய கைகளால் விலாவில் புடைத்து ஆடப்படும். [1] துணங்கை ஆட்டம் தோளை உயர்த்தியும் ஓச்சியும் ஆடப்படும். [2]
- தழூஉ என்பது அடுத்தவர் தோளையோ இடுப்பையோ தழுவிக்கொண்டு ஆடப்படும்.
- மற்றும் வெறி, கொம்மை(கும்மி), குடந்தம், குஞ்சிதம், ஆவலங்கொட்டல் போன்றனவும் இந்த விளையாட்டுகளோடு நிகழும். [3]
- இளையவர் தெரு மணலில் தழூஉ ஆடினர். குழ்தைகளைத் தூக்கிச் சென்று அங்கு வேடிக்கை காட்டினர். [4]
- மன்றில் தழூஉ ஆடும்போது குரவையும் நிகழும். [5]
- தழூஉ ஆட்டத்தில் குரவையும் சேர்த்து ஆடப்படும். [6]
- குறிஞ்சி நிலத்தில் முருகனை வழிபடுகையில் மன்றத்தில் தழூஉ பிணைந்து குரவை ஆடினர். [7]
- குன்றக்குரவை ஆடப்பட்டபோது தொண்டகம், சிறுபறை ஆகியவை முழங்கின. கொம்பு ஊதினர். மணி அடித்தனர். [8]
- நறவு உண்டு குரவை ஆடினர் [9]
- வாணன் ஆண்ட சிறுகுடி என்னும் ஊரின் நீர்த்துறையில் குரவை ஆடினர் [10]
- மணல்வெளியில் வாயால் ஊதிக்கொண்டு (தெள்விளி) ஆடினர். [11]
- புகார் நகரத்தில் இந்திரவிழாவில் குரவையாடிய மகளிர் வேகவைத்த பயறுகள், நோலை என்னும் எற்றுருண்டை, பொங்கல் முதலானவற்றைப் படையல் செய்து வைத்துக்கொண்டு குரவையாடினர் [12]
- போர்க்களத்தில் ஆடினர் [13]
- தலையில் குழையும் மார்பில் கோதையும் கையில் தொடியும் அசைந்தாட ஆடினர் [14]
- அரசன் தேருக்கு முன் ஆடுவது முன்தேர்க்குரவை [15]
- ஏறுதழுவி முடிந்தபின் ஆடினர். [16]
- வேங்கை முற்றத்தில் ஆடினர். [17]
- அரசரும் ஆடினர். [18]
- விளக்கொளியில் முழவை முழக்கிக்கொண்டு ஆடினர். [19]
- காஞ்சி நிழலில் ஆடினர். [20]
- காதலியுடன் மீண்ட காதலனை வாழ்த்திப் பாடி ஆடினர். [21]
- குரவை ஆட்டத்தில் குழல் ஊதுவர். [22]
- பொய்தல் விளையாட்டுக்குப் பின்னர் ஆடினர். [23]
- நாள்தோறும் துணங்கை ஆடுவர். [24]
- ஆடும்போது அயலார் குறுக்கீடும் நிகழும். [25]
- துணங்கையஞ்சீர் – துணங்கை ஆடுபவர் பாடும் பாடல் [26] சீராக அசைந்தாடுவது. சாய்ந்தாடுவது.
- குரவைக்கொளை – துணங்கையஞ்சீரின் மற்றொரு பெயர். [27] துள்ளிக்குதித்து ஆடுவது.
- வெறிக்குரவை – தும்பை சூடி ஆடப்படும். [28]
- தலைக்கை தருதல் – ஆண் பெண்ணின் கையைப் பற்றிநிற்கையில் பெண் சுழலுதல். [29]
- கால்பெயர்த்தாடல் – கால் தப்படி [30]
கைகோத்தாடும் குரவை
கைகோத்தாடும் குரவை
விலாப் புடைத்தாடும் துணங்கை
விலாப் புடைத்தாடும் துணங்கை
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
