பழமொழிகள் ஒரு சமுதாயத்திலே நீண்ட காலமாகப் புழக்கத்தில் இருந்து வரும் அனுபவக் குறிப்புகள் ஆகும்.[1] தமிழ் மொழி பேசுபவர்களிடையே வழக்கத்தில் உள்ள தமிழ்ப் பழமொழிகள் இங்கு அகரவரிசைப்படி தொகுத்தளிக்கப்பட்டுள்ளன.
- அ | ஆ | இ | ஈ | உ | ஊ | எ | ஏ | ஐ | ஒ | ஓ | ஔ
- க | கா | கி | கீ | கு | கூ | கெ | கே | கை | கொ | கோ
- ச | சா | சி | சீ | சு | சூ | செ | சே | சை | சொ | சோ
- த | தா | தி | தீ | து | தூ | தே | தொ
- ந | நா | நி | நீ | நெ | நே | நை |நொ | நோ
- ப | பா | பி | பீ | பு |பூ | பெ | பே | பொ | போ
- ம | மா | மி | மீ | மு | மூ | மெ || மே | மை | மொ |மோ |
- யா |
- யோ |
- வ | வா | வி | வீ | வெ | வே
விக்கிமூலத்தில் பின்வரும் தலைப்பிலான எழுத்தாக்கம் உள்ளது:
விக்கிமூலத்தில் பின்வரும் தலைப்பிலான எழுத்தாக்கம் உள்ளது:
இந்த தலைப்பைச் சார்ந்த மேற்கோள்கள் சில விக்கிமேற்கோள் திட்டத்தில் உள்ளன :தமிழ்ப் பழமொழிகளும் சொலவடைகளும்
- அக்கம்பக்கம் பார்த்துப் பேசு.
- அகத்தி ஆயிரம் காய் காய்த்தாலும் புறத்தி புறத்திதான்.
- அகத்தின் அழகு முகத்தில் தெரியும்.
- அகல் வட்டம் பகல் மழை.
- அகல இருந்தால் நிகள உறவு, கிட்டவந்தால் முட்டப் பகை.
- அகல உழுகிறதை விட ஆழ உழு.
- அச்சமில்லாதவன் அம்பலம் ஏறுவான்.
- அச்சாணி இல்லாத தேர் முச்சாணும் ஓடாது
- அசைந்து தின்கிறது யானை, அசையாமல் தின்கிறது வீடு.
- அஞ்சிலே வளையாதது ஐம்பதிலே வளையுமா?
- அஞ்சும் மூன்றும் உண்டானால், அறியாப்பெண்ணும் சமைக்கும்
- அட்டை கொழுத்துப்போய் அருவாமணையில ஏறுச்சாம்
- அடக்கம் உடையார் அறிஞர், அடங்காதவர் கல்லார்.
- அடக்கமே பெண்ணுக்கு அழகு.
- அடம்பன் கொடியும் திரண்டால் மிடுக்கு.
- அக்கரைக்கு இக்கரை பச்சை.
- அடாது செய்தவன் படாது படுவான்.
- அடி உதவுவதுபோல் அண்ணன் தம்பி உதவ மாட்டான்.
- அடி நாக்கிலே நஞ்சும் நுனி நாக்கில் அமுதமும்.
- அடியாத மாடு பணியாது.
- அடிமேல் அடி வைத்தால் அம்மியும் நகரும்.
- அடுத்த வீட்டுக்காரனுக்கு அதிகாரம் வந்தால் அண்டை வீட்டுக்காரனுக்கு இரைச்சல் இலாபம்.
- அண்ணன் எப்போ சாவான் திண்ணை எப்போ காலியாகும்.
- அணில் கொம்பிலும், ஆமை கிணற்றிலும்.
- அணை கடந்த வெள்ளம் அழுதாலும் வாராது.
- அத்திப் பழத்தைப் பிட்டுப்பார்த்தால் அத்தனையும் புழு.
- அத்தைக்கு மீசை முளைத்தால் சித்தப்பா
- அந்தி மழை அழுதாலும் விடாது.
- அப்பன் அருமை மாண்டால் தெரியும்.
- அப்பியாச வித்தைக்கு அழிவில்லை.
- அம்பட்டன் குப்பையைக் கிளறினால் புறப்படுவதெல்லாம் மயிர்.
- அய்யர் வர்ற வரைக்கும் அமாவாசை காத்திருக்குமா!?
- அயலூரானுக்கு ஆற்றோரம் பயம், உள்ளூரானுக்கு மரத்தடியில் பயம்.
- அரசன் அன்று கொல்வான், தெய்வம் நின்று கொல்லும்.
- அரசன் இல்லாத நாடு அச்சில்லாத தேர்.
- அரசன் எவ்வழி குடிகள் அவ்வழி.
- அரண்டவன் கண்ணுக்கு இருண்டதெல்லாம் பேய்.
- அரிசி ஆழாக்கானாலும் அடுப்புக் கட்டி மூன்று வேண்டும்.
- அருமையற்ற வீட்டில் எருமையும் குடியிருக்காது.
- அரைக்காசை ஆயிரம் பொன்னாக்குகிறவளும் பெண்சாதி, ஆயிரம் பொன்னை அரைக்காசு ஆக்குகிறவளும் பெண்சாதி.
- அலை மோதும்போதே தலை முழுகு.
- அழிந்த கொல்லையில் குதிரை மேய்ந்தாலென்ன, கழுதை மேய்ந்தாலென்ன?
- அழிய உழுது அடர விதை.
- அழுகிற ஆணையும், சிரிக்கிற பெண்ணையும் நம்பக்கூடாது.
- அழுத பிள்ளை பால் குடிக்கும்.
- அழுதாலும் பிள்ளை அவளே பெற வேண்டும்.
- அள்ளிக் கொடுத்தால் சும்மா, அளந்து கொடுத்தால் கடன்.
- அளக்கிற நாழி அகவிலை அறியுமா?
- அளவுக்கு மிஞ்சினால் அமுதமும் நஞ்சு.
- அற்ப அறிவு அல்லற் கிடம்.
- அறக்கப் பறக்க பாடுபட்டாலும் படுக்க பாயில்லை.
- அறச் செட்டு முழு நட்டம் .
- அறப்படித்தவன் அங்காடி போனால், விற்கவும் மாட்டான் கொள்ளவும் மாட்டான்.
- அறமுறுக்கினால் அற்றும் போகும்.
- அறிந்தறிந்து செய்கிற பாவத்தை அழுதழுது தொலைக்கவேண்டும்.
- அறிய அறியக் கெடுவார் உண்டா?
- அறிவில்லார் சிநேகம் அதிக உத்தமம்.
- அறிவீன இடத்தில் புத்தி கேளாதே.
- அறிவீனர் தமக்கு ஆயிரம் உரைக்கினும் அவம்.
- அறிவு இல்லார் தமக்கு ஆண்மையுமில்லை.
- அறிவுடையாரை அரசனும் விரும்புவான்.
- அறுக்கத் தெரியாதவனுக்கு ஆயிரம் கதிர் அறுவாள்.
- அறுப்புக் காலத்தில் எலிக்கு ஐந்து பெண்சாதி.
- அறுபத்து நாலடிக் கம்பத்திலேறி ஆடினாலும், அடியில் இறங்கி தான் தியாகம் வாங்கவேண்டும்.
- அன்பு இருந்தால் ஆகாததும் ஆகும்.
- அன்று எழுதிவன் அழித்து எழுதுவானா?
- அன்று குடிக்கத் தண்ணீர் இல்லை ஆனைமேல் அம்பாரி வேணுமாம்.
- அன்னம் இட்டவர் வீட்டில் கன்னம் இடலாமா?
- அன்னைக்கு உதவாதவன் யாருக்கும் ஆகான்.
- ஆசை வெட்கமறியாது.
- ஆசைக்கு அக்காவைக் கட்டி கொஞ்சுறதுக்கு கொழுந்தியாவைக் கட்டிக்கிட்டானாம்..
- ஆட்டுக்கு வால் அளந்து வைத்திருக்கு.
- ஆட்டைக் கடிச்சு மாட்டைக் கடிச்சு கடைசியில மனுசனைக் கடிச்ச கதைமாதிரி..
- ஆடத் தெரியாதவன் அரங்கு கோணல் என்றானாம்.
- ஆடத் தெரியாதவளுக்குக் கூடம் போதாதாம்.
- ஆடுற மாட்டை ஆடிக் கறக்கணும்
- ஆடு பகையாம். குட்டி உறவாம்.
- ஆபத்துக்குப் பாவமில்லை.
- ஆய்ந்து பாராதான் காரியந் தான் சாந்துயரந் தரும்.
- ஆயிரம் வேரைக் கண்டவன் அரை வைத்தியன். (மருவி ஆயிரம் பேரைக் கொண்டவன் அரை வைத்தியன் என்று வழங்குகின்றது)
- ஆரால் கேடு, வாயால் கேடு.
- ஆரியக் கூத்தாடினாலும் காரியத்தில் கண்ணாயிரு.
- ஆலும் வேலும் பல்லுக்குறுதி, நாலும்[ நாலடியார்] இரண்டும்[குறள்] சொல்லுக்குறுதி.
- ஆலை இல்லாத ஊரிலே இலுப்பைப் பூச்சக்கரை.
- ஆழமறியாமல் காலை இடாதே.
- ஆவும் தென்னையும் ஐந்து வருடத்தில் பலம் தரும்.
- ஆளனில்லாத மங்கைக்கு அழகு பாழ்.
- ஆள் கொஞ்சமானாலும் ஆயுதம் மிடுக்கு.
- ஆளைக் கண்டால் நரி ஆசனம் போடுமாம்.
- ஆற்றிலே போட்டாலும் அளந்து போடு.
- ஆறிலுஞ் சாவு நூறிலுஞ் சாவு.
- ஆறின கஞ்சி பழங் கஞ்சி.
- ஆறு கடக்கிறவரையில் அண்ணன் தம்பி, ஆறு கடந்தால் நீ யார் நான் யார்?
- ஆறுகெட நாணல் இடு, ஊரு கெட நூலை விடு.
- ஆறு போவதே போக்கு அரசன் சொல்வதே தீர்ப்பு.
- ஆனை கறுத்தால் ஆயிரம் பொன்.
- ஆனைக்கு ஒரு காலம் பூனைக்கு ஒரு காலம்.
- ஆனைக்கும் அடிசறுக்கும்.
- ஆனை படுத்தால் ஆள் மட்டம்.
- ஆனை வரும் பின்னே. மணி ஓசை வரும் முன்னே, கேடு வரும் பின்னே மதி கெட்டு வரும் முன்னே.
- இக்கரை மாட்டுக்கு அக்கரை பச்சை.
- இங்கே தலை காட்டுகிறான், அங்கே வால் காட்டுகிறான்.
- இஞ்சி இலாபம் மஞ்சளில்.
- இடம் கொடுத்தால் மடம் பிடுங்குவான்.
- இட்ட உறவு எட்டு நாளைக்கு நக்கின உறவு நாலு நாலைக்கு.
- இட்டுக் கெட்டார் எங்குமே இல்லை.
- இட்டார் பெரியோர் இடாதார் இழி குலத்தோர்.
- இடுக்கண் வருங்கால் நகுக.
- இமைக்குற்றம் கண்ணுக்குத் தெரியாது.
- இரக்கப் போனாலும் சிறக்கப் போ.
- இரண்டு ஓடத்தில் கால் வைக்காதே.
- இரவற் சீலையை நம்பி இடுப்புக் கந்தையை எறியாதே.
- இராகு திசையில் வாழ்ந்தவனும் இல்லை
- இராச திசையில் கெட்டவனுமில்லை
- இராசா மகளானாலும் கொண்டனுக்கு பெண்டுதான்.
- இரும்பு பிடித்த கையும் சிரங்கு பிடித்த கையும் சும்மா இரா.
- இராமனைப்போல் இராசா இருந்தால் அனுமானைப்போல் சேவகனும் இருப்பான்.
- இருவர் நட்பு ஒருவர் பொறை.
- இல்லாது பிறாவது அள்ளாது குறையாது.
- இழவுக்கு வந்தவள் தாலி அறுப்பாளா?
- இழுக்குடைய பாட்டிற்கு இசை நன்று.
- இளங்கன்று பயமறியாது
- இளமையிற் கல்வி கல் மேல் எழுத்து.
- இளமையில் சோம்பல் முதுமையில் வருத்தம்.
- இறங்கு பொழுதில் மருந்து குடி
- இறுகினால் களி, இளகினால் கூழ்.
- இறைக்க ஊறும் மணற்கேணி, ஈயப் பெருகும் பெருஞ்செல்வம்.
- இறைத்த கிணறு ஊறும், இறையாத கேணி நாறும்.
- இனம் இனத்தைச் சேரும்.
- இனம் இனத்தோடே வெள்ளாடு தன்னோடே
- இன்றைக்கு இலை அறுத்தவன் நாளைக்கு குலை அறுப்பான்.
- ஈக்கு விடம் தலையில், தேளுக்கு விடம் கொடுக்கில்.
- ஈட்டி எட்டு முழம் பாயும் பணம் பாதாளம் மட்டும் பாயும்.
- ஈயார் தேட்டைத் தீயார் கொள்வர்.
- ஈர நாவிற்கு எலும்பில்லை.
- உடல் உள்ள வரையில் கடல் கொள்ளாத கவலை.
- உடம்பு போனால் போகிறது கை வந்தால் போதும்.
- உடைமையும் வறுமையும் ஒரு வழி நில்லா
- உடையவன் பாரா வேலை ஒரு முழங் கட்டை.
- உப்பில்லா பண்டம் குப்பையிலே.
- உடைத்த சங்கு ஊத்துப் பறியுமா?
- உண்ட உடம்பிற்கு உறுதி, உழுத புலத்தில் நெல்லு.
- உட்கார்ந்தால் அல்லவா படுக்க வேண்டும்.
- உண்டு கொழுத்தால் நண்டு வலையில் இராது.
- உண்ணாச் சொத்து மண்ணாய்ப் போகும்.
- உண்ணீர் உண்ணீரென்றே ஊட்டாதார் தம் மனையில் உண்ணாமை கோடி பெறும்.
- உத்திராடத்தில் ஒரு பிள்ளையும், ஊர் வாரியில் ஒரு நிலமும்.
- உயர உயரப் பறந்தாலும் ஊர்க்குருவி பருந்தாகாது.
- உரலில் அகப்பட்டது உலக்கைக்கு தப்புமா?
- உருட்டும் புரட்டும் ஒடுக்கும் சிறப்பை.
- உழக்கு மிளகு கொடுப்பானேன், ஒளிந்திருந்து மிளகு சாரு குடிப்பானேன்
- உலை வாயை மூடினாலும் ஊர்வாயை மூடேலாது.
- உலோபிக்கு இரட்டை செலவு.
- உழுகிற நாளில் ஊருக்குப் போனால், அறுக்கிற நாளில் ஆள் தேவையில்லை.
- உழுதவன் கணக்குப் பார்த்தால் உழக்கேனும் மிஞ்சாது.
- உளவு இல்லாமல் களவு இல்லை.
- உள்ளது சொல்ல ஊருமல்ல நல்லது சொல்ல நாடுமல்ல
- உள்ளது போகாது இல்லது வாராது.
- உள்ளம் தீயெரிய உதடு பழஞ் சொரிய
- உறியிலே வெண்ணெய் இருக்க நெய்க்கலைவானேன்
- உறவு போகாமல் கெட்டது கடன் கேட்காமல் கெட்டது. [இதனை இப்படி கூட கூறுவார்கள்-பார்க்காத உறவும் கேட்காத கடனும் பாழ்]
- உப்பிட்டவரை உள்ளளவும் நினை.
- உள்ளூர் மாடு விலை போகாது.
- ஊசியைக் காந்தம் இழுக்கும் உத்தமனைச் சிநேகம் இழுக்கும்.
- ஊணுக்கு முந்துவான் வேலைக்குப் பிந்துவான்.
- ஊண் அற்றபோது உடலற்றது.
- ஊமையாய் இருந்தால் செவிடும் உண்டு.
- ஊமை ஊரைக் கெடுக்கும். கூழைஅம்பு(சிற்றம்பு) பேரைக் கெடுக்கும்.
- ஊர் இரண்டுபட்டால் கூத்தாடிக்குக் கொண்டாட்டம்.
- ஊர் உண்டு பிச்சைக்கு, குளம் உண்டு தண்ணீருக்கு.
- ஊர் வாயை மூட உலைமூடி இல்லை.
- ஊரோடு ஒத்து வாழ்.
- ஊழி பெயரினும் ஊக்கமது கைவிடல்.
- எங்கள் வீட்டுக்கு வந்தால் என்ன கொண்டு வருகிறாய், உங்கள் வீட்டுக்கு வந்தால் என்ன தருவாய் ?
- எங்கே புகையுண்டோ அங்கே நெருப்பு உண்டு.
- எச்சிற் கையால் காக்கை ஓட்டாதவன் பிச்சை கொடுப்பானா?
- எடுக்கிறது பிச்சை ஏறுகிறது பல்லாக்கு.
- எடுத்தேன் கவிழ்த்தேன் என்று இருக்கலாகாது.
- எட்டி பழுத்தென்ன, ஈயார் வாழ்ந்தென்ன?
- எண் இல்லாதவர் கண் இல்லாதவர்,
- எழுத்து இல்லாதவர் கழுத்து இல்லாதவர்.
- எண்சாண் உடம்பிற்கு சிரசே பிரதானம்.
- எண்ணிச் செய்கிறவன் செட்டி, எண்ணாமல் செய்கிறவன் மட்டி.
- எண்ணிச் செய்வது செட்டு, எண்ணாமல் செய்வது வேளாண்மை.
- எண்ணை முந்துதோ திரி முந்துதோ?
- எதார்த்தவாதி வெகுசன விரோதி.
- எதிர்த்தவன் ஏழை என்றால் கோபம் சண்டாளம்.
- எதை அடக்காவிட்டாலும் நாக்கை அடக்கவேண்டும்.
- எத்தனை புடம் போட்டாலும் இரும்பு பசும்பொன் ஆகுமா?
- எத்தால் வாழலாம், ஒத்தால் வாழலாம்.
- எந்நிலத்து வித்திடுனும் காஞ்சிரங்காய் தெங்காகா
- எய்தவன் இருக்க அம்பை நோவானேன் ?
- எரிகிறதைப் பிடுங்கினால் கொதிக்கிறது அடங்கும்.
- எரிகிற வீட்டில் பிடுங்கினது இலாபம்.
- எருமை வாங்கும் முன்னே நெய் விலை கூறாதே.
- எருது நோய் காக்கைக்கு தெரியுமா?
- எலி அழுதால் பூனை விடுமா?
- எலி இருக்கிற இடத்தில் பாம்பு இருக்கும்.
- எலி எண்ணைக்கு அழறது எலிப் புழுக்கை எதற்கு அழறது?
- எலிக்குத் திண்டாட்டம் பூனைக்குக் கொண்டாட்டம்
- எலி வளை யானாலும் தனி வலை வேண்டும்.
- எலும்பு கடிக்கிற நாய் இரும்பைக் கடிக்குமா?
- எல்லோருக்கும் ஒவ்வொன்று எளிது
- எல்லோரும் பல்லக்கு ஏறினால் பல்லக்கைத் தூக்குகிறவர் யார்?
- எழுதாக் கடனுக்கு அழுதால் தீருமா?
- எழுதியவன் ஏட்டைக் கெடுத்தான், படித்தவன் பாட்டைக் கொடுத்தான்
- எழுதி வழங்கான் வாழ்க்கை கழுதை புரண்ட களம்.
- எழுத்தறச் சொன்னாலும் பெண்புத்தி பின்புத்தி.
- எள் என்றால் எண்ணையாய் நிற்க வேண்டும்.
- எளியவன் பெண்டாட்டி எல்லோருக்கும் மைத்துனி.
- எளியாரை வலியார் அடித்தால் வலியாரை தெய்வம் அடிக்கும்
- எள்ளு என்கிறதற்கு முன்னே எண்ணெய் கொண்டு வருகிறான்.
- எள்ளுக்கு ஏழு உழவு , கொள்ளுக்கு ஓர் உழவு.
- எறும்பு ஊரக் கல்லுந் தேயும்.
- எறும்புந் தன் கையால் எண் சாண்
- ஏட்டுச் சுரைக்காய் கறிக்கு உதவாது.
- ஏதென்று கேட்பாருமில்லை எடுத்துப் பிடிப்பாருமில்லை
- ஏர் பிடித்தவன் என்ன செய்வான்? பானை பிடித்தவள் பாக்கியம்.
- ஏரி நிறைந்தால் கரை கசியும்.
- ஏருழுகிறவன் இளப்பமானால் எருது மச்சான் முறை கொண்டாடும்.
- ஏவுகிறவனுக்கு வாய்ச்சொல், செய்கிறவனுக்குத் தலைச்சுமை
- ஏழுழவு உழுதால் எருப்போட வேண்டாம்.
- ஏழை அமுத கண்ணீர் கூரிய வாளை ஓக்கும்.
- ஏழை என்றால் எவர்க்கும் எளிது
- ஏழை பேச்சு அம்பலம் ஏறாது
- ஏறச் சொன்னால் எருது கோபம், இறங்கச் சொன்னால் நொண்டிக்குக் கோபம்.
- ஐங்காயம் இட்டு அரைத்துக் கரைத்தாலும் தன் நாற்றம் போகாதாம் பேய்ச் சுரைக்காய்க்கு.
- ஐந்தில் வளையாதது ஐம்பதில் வளையாது.
- ஐயமான காரியத்தைச் செய்தல் ஆகாது.
- ஐயர் வருகிற வரை அமாவாசை நிற்குமா?
- ஒட்டத்கூத்தன் பாட்டுக்கு இரட்டைத் தாழ்ப்பாள்.
- ஒருமுறை சேமித்த பணம், இருமுறை சம்பாதித்த பணத்திற்குச் சமம்.
- ஒரு பானை சோற்றுக்கு ஒரு சோறு பதம்.
- ஓசை பெறும் வெண்கலம் ஓசை பெறா மட்கலம்.
- ஓட்டைக் கப்பலுக்கு ஒன்பது மாலுமி.
- ஓடிப்போனவனுக்கு ஒன்பதாம் இடத்தில் இராசா, அகப்பட்டவனுக்கு அட்டமத்திலே சனி.
- ஓடுகிறவனைக் கண்டால் துரத்துகிறவனுக்கு இலேசு.
- ஓதாதார்க்கு இல்லை உணர்வொடு ஒழுக்கம்.
- ஓதிய மரம் தூணாமோ, ஒட்டாங் கிளிஞ்சல் காசாமோ?
- ஓதுவார் எல்லாம் உழுவான் தலைக்கடையிலே.
- ஓர் ஊருக்கு ஒரு வழியா? ஒன்பது வழி.
- ஓர் ஊர்ப்பேச்சு ஓர் ஊருக்கு ஏச்சு.
- ஒரு காசு பேணின் இரு காசு தேறும்
- ஒரு குடம் பாலுக்கு ஒரு துளி பிரை
- ஒரு கை தட்டினால் ஓசை எழும்புமா?
- ஒரு கை (அல்லது வெறுங்கை) முழம் போடுமா?
- ஒரு நன்றி செய்தவரை உள்ள அளவும் நினை
- ஒரு நாள் கூத்துக்கு மீசையைச் சிரைக்கவா?
- ஒரு பானைச் சோற்றுக்கு ஒரு சோறு பதம்.
- ஒரு பொய்யை மறைக்க ஒன்பது பொய் சொல்லுதல்
- ஒருமைப் பாடில்லாத குடி ஒருமிக்கக் கெடும்.
- ஒருவர் அறிந்தால் இரகசியம், இருவர் அறிந்தால் அம்பலம்.
- ஒருவனாய்ப் பிறந்தால் தனிமை, இருவராய்ப் பிறந்தால் பகைமை.
- ஓய்யாரக் கொண்டையாம் தாழம்பூவாம், உள்ளே இருக்குமாம் ஈரும் பேனும்.
- ஒழுக்கம் உயர்குலத்தின் நன்று.
- ஒளிக்கப் போயும் தலையாரி வீட்டிலா!
- ஔவை சொல்லுக்கு அச்சம் இல்லை.
- கட்டக் கயிறு இல்லாமற் போனாலும் பேர் பொன்னம்மாள்.
- கட்டிக்கொடுத்த சோறும் கற்றுக்கொடுத்த சொல்லும் எத்தனை நாள் நிற்கும்?
- கட்டினவனுக்கு ஒரு வீடானால் கட்டாதவனுக்குப் பல வீடு.
- கட்டின வீட்டுக்கு எட்டு வக்கணை.
- கடலுக்குக் கரை போடுவார் உண்டா?
- கடலைத் தாண்ட ஆசையுண்டு கால்வாயைத் தாண்டக் கால் இல்லை.
- கடல் கொதித்தால் விளாவ நீர் ஏது?
- கடல் திடலாகும், திடல் கடலாகும்.
- கடல் மீனுக்கு நீச்சுப் பழக்க வேண்டுமா?
- கடவுளை நம்பினோர் கைவிடப் படார்.
- கடன் இல்லா கஞ்சி கால் வயிறு.
- கடன் வாங்கிக் கடன் கொடுத்தவனும் கெட்டான்; மரம் ஏறிக் கைவிட்டவனும் கெட்டான்.
- கடன் வாங்கியும் பட்டினி, கல்யாணம் பண்ணியும் பிரம்மச்சாரி.
- கடித்த சொல்லினும் கனிந்த சொல்லே நன்மை.
- கடுகத்தனை நெருப்பானாலும் போரைக் கொளுத்திவிடும்.
- கடுகு சிறுத்தாலும் காரம் போகுமா?
- கடுகு போன இடம் ஆராய்வார், பூசணிக்காய் போன இடம் தெரியாது.
- கடுங்காற்று மழை கூட்டும் கடுஞ் சிநேகம் பகை கூட்டும்.
- கடுஞ் சொல் தயவைக் கெடுக்கும்.
- கடைந்த மோரிலே குடைந்து வெண்ணெய் எடுக்கிறது.
- கங்கையில் மூழ்கினாலும் காக்கை அன்னம் ஆகுமா?
- கசடறக் கல்லார்க்கு இசை உறல் இல்லை.
- கணக்கன் கணக்கறிவான் தன் கணக்கைத் தான் அறியான்.
- கணக்கன் கணக்கைத் தின்னாவிடில், கணக்கனை கணக்கு தின்று விடும்.
- கணக்கைப் பார்த்தால் பிணக்கு வரும்.
- கண் கண்டது கை செய்யும்.
- கண் குருடு ஆனாலும் நித்திரையில் குறையுமா?
- கண்கெட்ட பின் சூரிய நமஸ்காரம்.
- கண்டதே காட்சி கொண்டதே கோலம்.
- கண்டது கற்கப் பண்டிதனாவான்.
- கண்டது சொன்னால் கொண்டிடும் பகை.
- கண்டால் ஒரு பேச்சு, காணாவிட்டால் ஒரு பேச்சு.
- கண்ணிலே குத்தின விரலைக் கண்டிப்பார் உண்டோ?
- கண்ணிற் பட்டால் கரிக்குமா, புருவத்திற் பட்டால் கரிக்குமா?
- கண்ணிற் புண் வந்தால் கண்ணாடி பார்த்தல் ஆகாது.
- கண்ணீர் வெந்நீரானாலும் நெருப்பை அணைக்கும்.
- கதிரவன் சிலரைக் காயேன் என்குமோ?
- கப்பல் ஏறிப் பட்ட கடன் கொட்டை நூற்றா விடியும்.
- கப்பற்காரன் பெண்டாட்டி தொப்பைக்காரி, கப்பல் உடைந்தால் பிச்சைக்காரி
- கப்பற்காரன் வாழ்வு காற்று அடித்தால் போச்சு.
- கம்மாளன் உறவு கணுக்கால் மட்டும்
- கம்மாளன் பசுவைக் காதறுத்துப் பார்த்தால் அங்கேயும் செவ்வரக்கு.
- கரணம் தப்பினால் மரணம்.
- கரிவிற்ற பணம் கறுப்பாய் இருக்குமா?
- கருமத்தை முடிக்கிறவன் கட்டத்தைப் பாரான்.
- கரும்பு கசக்கிறது வாய்க் குற்றம்.
- கரும்பு விரும்ப அது வேம்பாயிற்று.
- கரும்பு ருசி என்று வேரோடு பிடுங்கலாமா?
- கல்லடி பட்டாலும் படலாம் கண்ணடி படக்கூடாது.
- கலகம் பிறந்தால் நியாயம் பிறக்கும்
- கல்லடிச் சித்தன் போனவழி, காடுமேடெல்லாம் தவிடுபொடி.
- கல்லாடம் [நூல்] படித்தவனோடு மல் ஆடாதே.
- கல்லாதவரே கண்ணில்லாதவர்.
- கல்லாதார் செல்வத்திலும் கற்றார் வறுமை நலம்.
- கல்வி அழகே அழகு.
- கல்வி இல்லாச் செல்வம் கற்பில்லா அழகு.
- கல்விக்கு இருவர், களவுக் கொருவர்.
- கவலை உடையோர்க்குக் கண்ணுறக்கம் வராது.
- களை பிடுங்காப் பயிர் காற்பயிர்.
- கழனி பானையில் கைவிட்ட மாதிரி.
- கழுதைக்கு தெரியுமா கற்பூர வாசனை.
- கழுதை எப்போ உழவு பழகுறது?! வண்ணாண் எப்போ பண்ணாடி (நில உடைமையாளர்) ஆவுறது?!
- கள் விற்றுக் கலப்பணம் சம்பாதிப்பதைவிடக் கற்பூரம் விற்றுக் காற்பணம் சம்பாதிப்பது மேல்.
- கள்ள மனம் துள்ளும்.
- கள்ளனும் தோட்டக்காரனும் ஒன்று கூடினால் விடியுமட்டும் திருடலாம்.
- கள்ளம் பெரிதோ? காப்பு பெரிதோ!
- கள்ளிக்கு முள்வேலி இடுவானேன்!
- கள்ளைக் குடித்தால் உள்ளதைச் சொல்லுவான்.
- கறையான் புற்று பாம்புக்கு உதவுகிறது.
- கற்றது கைம்மண்ணளவு கல்லாதது உலகளவு.
- கற்றோர்க்குச் சென்ற இடமெல்லாஞ் சிறப்பு.
- கற்கையில் கல்வி கசப்பு, கற்றபின் அதுவே இனிப்பு.
- கற்பில்லாத அழகு, வாசனை இல்லாத பூ.
- கறப்பது கால்படி என்றாலும் உதைப்பது பல்லு போகவாம்
- கனவில் கண்ட பணம் செலவிற்கு உதவுமா?
- கனிந்த பழம் தானே விழும்.
- கனியை விட்டுக் காயைத் தின்பாளா?
- காசுக்கு ஒரு குதிரையும் வேண்டும் காற்றைப் போலப் பறக்கவும் வேண்டும்.
- காட்டு வாழை வந்தால் வீட்டு வாழ்வு போகும்.
- காட்டுக்கு எறித்த நிலாவும் கானலுக்குப் பெய்த மழையும்.
- காகம் திட்டி மாடு சாகாது.
- காட்டுப் பூனைக்குச் சிவராத்திரி விரதமா?
- காட்டை வெட்டிச் சாய்த்தவனுக்குக் கம்பு பிடுங்கப் பயமா?
- காடு காத்தவனும் கச்சேரி காத்தவனும் பலன் அடைவான்.
- காண ஒரு தரம் கும்பிட ஒரு தரமா?
- காணி ஆசை கோடி கேடு.
- காணிக்குச் சோம்பல் கோடிக்கு வருத்தம்
- காத்திருந்தவன் பெண்டாட்டியை நேத்து வந்தவன் கொண்டு போனானாம்.
- காப்பு சொல்லும் கை மெலிவை.
- காமாலைக் கண்ணணுக்குக் கண்டதெல்லாம் மஞ்சள் நிறம்.
- காய்த்த மரம் கல் அடிபடும்.
- காய்ந்தும் கெடுத்தது பெய்தும் கெடுத்தது.
- கார்த்திகைக்குப் பின் மழையும் இல்லை, கர்ணனுக்குப் பின் கொடையும் இல்லை
- கார்ப் பயிர் கலந்து கெட்டது
- காரியம் பெரிதோ வீரியம் பெரிதோ?
- காரியமாகும் வரையில் கழுதையையும் காலைப்பிடி.
- காலம் செய்கிறது ஞாலம் செய்யாது.
- காலம் போம் வார்த்தை நிற்கும், கப்பல் போம் துறை நிற்கும்
- காலளவே ஆகுமாம் கப்பலின் ஓட்டம், நூலளவே ஆகுமாநுண்சீலை.
- காலுக்குத் தக்க செருப்பும்,கூலிக்குத் தக்க உழைப்பும்.
- காவடிப் பாரம் சுமக்கிறவனுக்குத் தெரியும்
- காதற்ற ஊசியும் வாராது காணுங் கடைவழிக்கே
- காற்றில்லாமல் தூசி பறக்குமா?
- காற்று உள்ளபோதே தூற்றிக்கொள்.
- காற்றுக்கு எதிர்லே துப்பினால் முகத்தில் விழும்.
- கிட்டாதாயின் வெட்டென மற.
- கிடக்கிறபடி கிடக்கட்டும் கிழவியைத் தூக்கி மணையில் வை.
- கிணற்றுக்குத் தப்பித் தீயிலே பாய்ந்தான்.
- கிணற்றுத் தவளைக்கு நாட்டு வளப்பம் ஏன்?
- கிழவன் பேச்சு கின்னாரக்காரனுக்குக் கேட்குமா?
- கீர்த்தியால் பசி தீருமா?
- கீரை மசிச்ச சட்டியிலே ரசம் வச்சமாதிரி.
- கீறி ஆற்றினால் புண் ஆறும்.
- குங்குமம் சுமந்த கழுதை மணம் அறியுமா?
- குசவனுக்கு ஆறுமாதம் தடிகாரனுக்கு அரை நாழிகை.
- குடல் காய்ந்தால் குதிரையும் வைக்கோல் தின்னும்.
- குடி, சூது, விபசாரம் குடியைக் கெடுக்கும்.
- குடிக்கிறது கூழ் கொப்புளிக்கிறது பன்னீர்.
- குடி வைத்த வீட்டிலே கொள்ளி வைக்கலாமா?
- குடும்பத்தில் இளையவனும் கூத்தாடியில் கோமாளியும் ஆகாது.
- குட்டுப் பட்டாலும் மோதிரக் கையால் குட்டுப்படவேண்டும்.
- குணத்தை மாற்றக் குருவில்லை.
- குணம் இல்லா வித்தை எல்லாம் அவித்தை.
- குணம் பெரிதேயன்றிக் குலம் பெரிதன்று.
- குதிரை இருப்பு அறியும், கொண்ட பெண்டாட்டி குணம் அறிவாள்.
- குதிரை ஏறாமல் கெட்டது, கடன் கேளாமல் கெட்டது.
- குதிரை குணமறிந்தல்லவோ தம்பிரான் கொம்பு கொடுக்கவில்லை.
- குந்தி இருந்து தின்றால் குன்றும் மாளும்.
- குப்பை உயரும் கோபுரம் தாழும்.
- குமர் தனியப் போனாலும் கொட்டாவி தனியப் போகாது.
- குரங்கின் கைப் பூமாலை.
- குரங்குக்குப் புத்தி சொல்லித் தூக்கணாங் குருவி கூண்டு இழந்தது.
- குரு இலார்க்கு வித்தையுமில்லை முதல் இல்லார்க்கு ஊதியமில்லை.
- குரு குசு விட்டால் குற்றமில்லை.
- குருட்டுக் கண்ணுக்குக் குறுணி மையிட்டுமென்ன?
- குரு மொழி மறந்தோன் திருவழிந்து அழிவான்.
- குரைக்கிற நாய் கடிக்காது.
- குரைக்கிற நாய் வேட்டை பிடிக்குமா?
- குலம் குப்பையிலே, பணம் பந்தியிலே
- குலத்தளவே ஆகுமாம் குணம்
- குலவித்தை கற்றுப் பாதி கல்லாமற் பாதி.
- குல வழக்கும் இடை வழக்கும் கொஞ்சத்தில் தீராது.
- குறைகுடம் தளும்பும், நிறைகுடம் தளும்பாது.
- குறையச் சொல்லி, நிறைய அள.
- குற்றமுள்ள நெஞ்சு குறுகுறுக்கும், குறும்பியுள்ள காது தினவு கொள்ளும்
- குற்றம் பார்க்கின் சுற்றம் இல்லை
- குழந்தையும் தெய்வமும் கொண்டாடின இடத்திலே.
- குப்பையிற் கிடந்தாலும் குன்றிமணி நிறம் போகுமா?
- கும்பிடு கொடுத்துக் கும்பிடு வாங்கு.
- கூரைமேலே சோறு போட்டால் ஆயிரம் காகம்.
- கூரையேறி கோழி பிடிக்காதவன் வானம் ஏறி வைகுண்டம் போனானாம்..
- கூலியைக் குறைக்காதே வேலையைக் கெடுக்காதே?
- கூழுக்கு மாங்காய் கொண்டாட்டம், குரங்குக்குத் தேங்காய் கொண்டாட்டம்.
- கூழுக்கும் ஆசை, மீசைக்கும் ஆசை.
- கெடுக்கினும் கல்வி கேடுபடாது
- கெடுமதி கண்ணுக்குத் தோன்றாது
- கெடுவான் கேடு நினைப்பான்
- கெட்டாலும் செட்டி செட்டியே, கிழிந்தாலும் பட்டு பட்டே.
- கெட்டிக்காரன் புளுகு எட்டு நாளையில் தெரியும்.
- கெட்டும் பட்டணம் சேர்
- கெண்டையைப் போட்டு வராலை இழு.
- கெரடி கற்றவன் இடறி விழுந்தால் அதுவும் ஒரு வித்தை என்பான்.
- கெலிப்பும் தோற்பும் ஒருவர் பங்கல்ல.
- கேடு வரும் பின்னே, மதி கெட்டுவரும் முன்னே.
- கேட்டதெல்லாம் நம்பாதே. நம்பியதெல்லாம் சொல்லாதே.
- கேளும் கிளையுங் கெட்டோர்க்கு இல்லை.
- கேள்விப் பேச்சில் பாதிதான் நிசம்.
- கேள்விச் செவியன் குடியைக் கெடுத்தான்.
- கைக்கு எட்டினது வாய்க்கு எட்டவில்லை.
- கைக்கோளனுக்குக் காற்புண்ணும் நாய்க்குத் தலைப்புண்ணும் ஆறா
- கைப்புண்ணுக்குக் கண்ணாடி வேண்டுமா?
- கைப்பொருளற்றால் கட்டினவளும் பாராள்
- கையாளாத ஆயுதம் துருப்பிடிக்கும்
- கையிலே காசு வாயிலே தோசை
- கையில் உண்டானால் காத்திருப்பார் ஆயிரம் பேர்.
- கையூன்றிக் கரணம் போடவேண்டும்.
- கையில் பிடிப்பது துளசி மாலை, கக்கத்தில் இடுக்குவது கன்னக்கோலம்
- கொடிக்குக் காய் கனமா?
- கொடுக்கிறவனைக் கண்டால் வாங்குகிறவனுக்கு இளக்காரம்.
- கொடுங்கோல் அரசு நெடுங்காலம் நில்லாது.
- கொடுத்ததைக் கேட்டால் அடுத்து வரும் பகை.
- கொட்டினால் தேள், கொட்டாவிட்டால் பிள்ளைப் பூச்சி
- கொண்டானும் கொடுத்தானும் ஒன்று, கலியாணத்தைக் கூட்டி வைத்தவன் வேறு.
- கொலைக்கு அஞ்சாதவன் பழிக்கு அஞ்சான்.
- கொல்லன் தெருவில் ஊசி விலைபோமா?
- கொல்லைக் காட்டு நரி சலசலப்புக்கு அஞ்சுமா?
- கொள்ளிக்கு எதிர்போனாலும், வெள்ளிக்கு எதிர்போகலாகாது.
- கொற்றவன் தன்னிலும் கற்றவன் மிக்கோன்.
- கோட் சொல்பவைக் கொடுந்தேள் என நினை.
- கோட் சொல்லும் வாய் காற்றுடன் நெருப்பு.
- கோணி கோடி கொடுப்பதிலும் கோணாமற் காணி கொடுப்பது நல்லது.
- கோத்திரமறிந்து பெண்ணைக்கொடு, பாத்திரமறிந்து பிச்சையிடு.
- கோபம் உள்ள இடத்தில் குணம் உண்டு.
- கோபம் சண்டாளம்.
- கோயிற் பூனை தேவர்க்கு அஞ்சுமா?
- கோழி மிதித்துக் குஞ்சு முடம் ஆகுமா?
- கோளுஞ் சொல்லி கும்பிடுவானேன்?
- கோடானுகோடி கொடுப்பினும் தன்னுடைய நாக்கு கோடாமை கோடி பெறும்
- கோடானுகோடி கொடுத்தாலும் நாவினால் தவறு சொல்லாதது கோடி பெறும்.
- கோடி கொடுப்பினும் குடில் பிறந்தார் தம்மோடு கூடுவதே கோடி பெறும்.
- சண்டிக் குதிரை நொண்டிச் சாரதி
- சத்தியமே வெல்லும், அசத்தியம் கொல்லும்.
- சந்தியிலே அடித்ததற்குச் சாட்சியா?
- சபையிலே நக்கீரன் அரசிலே விற்சேரன்.
- சம்பளம் இல்லாத சேவகனும், கோபமில்லாத எசமானும் சருகைக் கண்டு தணலஞ்சுமா
- சர்க்கரை என்றால் தித்திக்குமா?
- சாகத் துணிந்தவனுக்கு சமுத்திரம் முழங்கால்.
- சாகிறவரைக்குஞ் சங்கடமானால் வாழுகிறது எக்காலம்?
- சாகிறவரையில் வைத்தியன் விடான், செத்தாலும் விடான் பஞ்சாங்கக்காரன்.
- சாட்சிக்காரன் காலில் விழுவதிலும் சண்டைக்காரன் காலில் விழலாம்.
- சாட்டை இல்லாப் பம்பரம் ஆட்டிவைக்க வல்லவன்.
- சாண் ஏற முழம் சறுக்கிறது.
- சாது மிரண்டால் காடு கொள்ளாது.
- சாத்திரம் பாராத வீடு சமுத்திரம், பார்த்த வீடு தரித்திரம்.
- சாத்திரம் பொய் என்றால் கிரகணத்தைப் பார்.
- சாதுரியப்பூனை மீன் இருக்க, புளியங்காயத் திங்கிறதாம்
- சாப்பிள்ளை பெற்றாலும் மருத்துவச்சிக் கூலி தப்பாது.
- சின்னப்புள்ள வெள்ளாமை வீடு வந்து சேராது.
- சுக துக்கம் சுழல் சக்கரம்.
- சுடர் விளக்காயினும் தூண்டுகோல் ஒன்று வேண்டும்.
- சுட்ட சட்டி அறியுமா சுவை.
- சுட்ட மண்ணும் பச்சை மண்ணும் ஒட்டுமா?
- சுண்டைக்காய் காற்பணம் சுமை கூலி முக்காற்பணம்.
- சுத்தம் சோறு போடும் எச்சில் இரக்க வைக்கும்.
- சுத்த வீரனுக்கு உயிர் துரும்பு.
- சும்மா வந்த மாட்டை பல்லைப் பிடித்துப் பாராதே
- சும்மா இருக்கிற தம்பிரானுக்கு இரண்டு பட்டை.
- சும்மா கிடக்கிற சங்கை ஊதிக்கெடுத்தான் ஆண்டி.
- சுயபுத்தி போனாலும் சொற்புத்தி வேண்டாமா?
- சுவரை வைத்துத்தான் சித்திரம் வரையவேண்டும்.
- சுவாமி வரங் கொடுத்தாலும் பூசாரி இடங்கொடுக்க மாட்டான்.
- சூடு கண்ட பூனை அடுப்பங் கரையிற் சேராது.
- செக்களவு பொன்னிருந்தாலும் செதுக்கியுண்டால் எத்தனை நாளுக்குக் காணும்.?
- செடியிலே வணங்காததா மரத்திலே வணங்கும்?
- செட்டி மிடுக்கோ சரக்கு மிடுக்கோ?
- செட்டியார் வாழ்வு செத்தால் தெரியும்.
- செத்தவன் உடைமை இருந்தவனுக்கு அடைக்கலம்.
- செயவன திருந்தச் செய்.
- செருப்பின் அருமை வெயிலில் தெரியும், நெருப்பின் அருமை குளிரில் தெரியும்.
- செருப்புக்காகக் காலைத் தறிக்கிறதா?
- செல்லமுத்துன வாழக்காய் புளியில்லாமல் அவிஞ்சுச்சாம்.
- செலவில்லாச் செலவு வந்தால் களவில்லாக் களவு வரும்.
- சென்ற இடம் எல்லாம் சிறப்பே கல்வி.
- சேத்துல கிடக்கிற எருமையைத் தூக்குவானேன். சேலை நனைஞ்சுதுன்னு அழுவானேன்!?
- சேராத இடத்திலே சேர்ந்தால் துன்பம் வரும்.
- சேற்றிலே புதைந்த யானையைக் காக்கையுங் கொத்தும்.
- சேற்றிலே செந்தாமரை போல.
- சைகை அறியாதவன் சற்றும் அறியான்.
- சொப்பனங் கண்ட அரிசி சோற்றுக்காகுமா?
- சொல் அம்போ வில் அம்போ?
- சொல்லாது பிறவாது அள்ளாது குறையாது.
- சொல்லாமற் செய்வார் நல்லோர் சொல்லியுஞ் செய்யார் கசடர்.
- சொல்லிப் போகவேணும் சுகத்திற்கு, சொல்லாமற் போகவேணும் துக்கத்திற்கு.
- சொல்லுகிறவனுக்கு வாய்ச்சொல் , செய்கிறவனுக்கு தலைச்சுமை.
- சொல்வல்லவனை வெல்லல் அரிது.
- சொறி புடிச்ச கையும் சிரங்கு புடிச்ச கையும் சும்மா இருக்குமா!?
- சொறிந்து தேய்க்காத எண்ணெயும் பரிந்து இடாத சோறும் பாழ்.
- சொற்கேளாப் பிள்ளையினால் குலத்துக்கீனம்.
- சொன்னதைச் சொல்லும் கிளிப்பிள்ளை.
- சோம்பலே சோறு இன்மைக்குப் பிதா.
- சோம்பேறிக்கு வாழைப்பழம் தோலோடே..
- சோற்றுக்குக் கேடு பூமிக்குப் பாரம்.
- சோழியன் குடுமி சும்மா ஆடாது
- தங்கம் தரையிலே தவிடு பானையிலே.
- தஞ்சம் என்று வந்தவனை வஞ்சித்தல் ஆகாது.
- தடி எடுத்தவன் தண்டல்காரனா ?
- தட்டானுக்குப் பயந்தல்லவோ பரமசிவனும் அணிந்தான் சர்ப்பத்தையே.
- தட்டானுக்கு சட்டை போட்டால் குட்டை பையன் கட்டையால் அடிப்பான்
- தட்டிப்பேச ஆள் இல்லாவிட்டால் தம்பி சண்டப் பிரசண்டன்.
- தணிந்த வில்லுத்தான் தைக்கும்.
- தண்ணீரிலே விளைந்த உப்புத் தண்ணீரிலே கரைய வேண்டும்.
- தண்ணீரையும் தாயையும் பழிக்காதே.
- தண்ணீர் வெந்நீரானாலும் நெருப்பை அவிக்கும்.
- தந்தை எவ்வழி புதல்வன் அவ்வழி.
- தம்பி உடையான் படைக்கு அஞ்சான்.
- தருமம் தலை காக்கும்.
- தலை இடியும் காய்ச்சலும் தனக்கு வந்தால் தெரியும்.
- தலை இருக்க வால் ஆடலாமா ?
- தலைக்கு மேல் வெள்ளம் சாண் ஓடி என்ன, முழம் ஓடி என்ன ?
- தலை எழுத்தை தந்திரத்தால் வெல்லலாமா?
- தலையாரியும் அதிகாரியும் ஒன்றானால் சம்மதித்தபடி திருடலாம்.
- தவத்துக்கு ஒருவர் கல்விக்கு இருவர்.
- தவளை தன் வாயாற் கெடும்.
- தவிட்டுக்கு வந்த கை தங்கத்துக்கும் வரும்.
- தனிமரம் தோப்பாகுமா?
- தத்தித்தூதோதாது தாதித்தூதோதீது!
* தான் திருடன் பிறரை நம்பான். * தாயிற் சிறந்த கோயிலுமில்லை
- துப்பு கெட்டவளுக்கு இரட்டை பரிசாம்.
- துள்ளற மாடு பொதி சுமக்காது.
- தொட்டில் பழக்கம் சுடுகாடு வரைக்கும்.
- நகத்தாலே கிள்ளுகிறதைக் கோடாரி கொண்டு வெட்டுகிறான்.
- நடக்க அறியாதவனுக்கு நடுவீதி காத வழி.
- நடந்தால் நாடெல்லாம் உறவு , படுத்தால் பாயும் பகை.
- நட்டுவன் பிள்ளைக்குக் கொட்டிக் காட்ட வேண்டுமா !
- நண்டு கொழுத்தால் வளையில் இராது, தண்டு கொழுத்தால் தரையில் இராது.
- நண்டு திங்கிற ஊருக்குப் போனால் நடுத்துண்டு நம்ம துண்டு
- நத்தையின் வயிற்றிலும் முத்துப் பிறக்கும்
- நமக்கு ஆகாததது நஞ்சோடு ஒக்கும்.
- நமனுக்கு நாலு பிள்ளை கொடுத்தாலும் உற்றாருக்கு ஒரு பிள்ளை கொடுக்கமாட்டான்.
- நமன் அறியாத உயிரும் நாரை அறியாத குளமும் உண்டோ?
- நயத்திலாகிறது பயத்திலாகாது.
- நரிக்கு இடங்கொடுத்தால் கிடைக்கு இரண்டு ஆடு கேட்டும்.
- நரிக்கு கொண்டாட்டம் நண்டுக்குத் திண்டாட்டம்.
- நரை திரை இல்லை, நமனும் அங்கில்லை.
- நல் இணக்க மல்லது அல்லற் படுத்தும்.
- நல்லது செய்து நடுவழியே போனால், பொல்லாதது போகிற வழியே போகிறது.
- நல்ல வேளையில் நாழிப்பால் கறவாதது கன்று செத்துக் கலப் பால் கறக்குமா ?
- நல்லவன் என்று பெயர் எடுக்க நெடுநாட் செல்லும்.
- நல்லவன் ஒரு நாள் நடுவே நின்றால் அறாத வழக்கும் அறும்.
- நல்லார் பொல்லாரை நடக்கையால் அறியலாம்.
- நக்குற நாய்க்கு, செக்கு என்ன, சிவலிங்கம் என்ன.
- நா அசைய நாடு அசையும்.
- நாக்கிலே இருக்கிறது நன்மையும் தீமையும்.
- நாடறிந்த பார்ப்பானுக்கு பூணூல் அவசியமா?
- நாம் ஒன்று நினைக்க , தெய்வம் ஒன்று நினைக்கும்.
- நாயைக் கண்டால் கல்லை காணோம், கல்லைக் கண்டால் நாயை காணோம்.
- நாய் இருக்கிற சண்டை உண்டு.
- நாய்க்கு வேலையில்லை நிறக நேரமும் இல்லை.
- நாய் விற்ற காசு குரைக்குமா?
- நாலாறு கூடினால் பாலாறு.
- நாள் செய்வது நல்லார் செய்யார்.
- நாற்பது வயதுக்கு மேல் நாய் குணம்.
- நாற்பது வயதுக்கு மேல் நாய் குணம்.
- நித்தம் போனால் முத்தம் சலிக்கும்.
- நித்திய கண்டம் பூரண ஆயிசு.
- நித்தியங் கிடைக்குமா அமாவாசை சோறு?
- நித்திரை சுகம் அறியாது.
- நிலத்தில் எழுந்த பூண்டு நிலத்தில் மடிய வேண்டும்.
- நிழலின் அருமை வெயிலிற் போனால் தெரியும்.
- நின்ற வரையில் நெடுஞ் சுவர், விழுந்த அன்று குட்டிச்சுவர்.
- நீந்த மாட்டாதவனை ஆறு கொண்டு போம்.
- நீர் ஆழம் கண்டாலும் நெஞ்சு ஆழம் காண முடியாது.
- நீர் உள்ள மட்டும் மீன் குஞ்சு துள்ளும்.
- நீர் மேல் எழுத்து போல்.
- நீலிக்குக் கண்ணீர் இமையிலே.
- நீள நீளத் தெரியும் மெய்யும் பொய்யும்.
- நுனிக்கொம்பில் ஏறி அடிக்கொம்பு வெட்டுவார்களா?
- நுணலும் தன் வாயால் கெடும்
- நூல் கற்றவனே மேலவன்.
- நூலளவே யாகுமாம் நுண்ணறிவு.
- நூலைப் போல சேலை தாயைப் போல பிள்ளை.
- நூற்றுக் மேல் ஊற்று, ஆயிரத்துக்கு மேல் ஆற்றுப் பெருக்கு.
- நூற்றைக் கொடுத்தது குறுணி.
- நெய் முந்தியோ திரி முந்தியோ.
- நெருப்பு இல்லாமல் நீள் புகை எழும்புமா?
- நெருப்பு என்றால் வாய்வெந்து போமா?
- நெருப்புப் பந்திலிலே மெழுகுப் பதுமை ஆடுமோ?
- நெல்லுக்குப் பாய்கிற தண்ணீர் புல்லுக்கும் பாயும்.
- நேற்று உள்ளார் இன்று இல்லை.
- நேத்து அடிச்ச மொசலு(முயல்) இன்னைக்கு விருந்தாச்சு. மொசலை (முயலை) அடிச்சவன் செத்து ஆறு மாசமாச்சு
- நைடதம் புலவர்க்கு ஔடதம்.
- நொண்டிக் குதிரைக்குச் சறுக்கினது சாக்கு.
- நொறுங்கத் தின்றால் நூறு வயது.
- நோயற்ற வாழ்வே குறையற்ற செல்வம்.
- நோய் கொண்டார் பேய் கொண்டார்.
- நோய்க்கு இடம் கொடேல்.
- பகலில் பக்கம் பார்த்துப் பேசு இரவில் அதுதானும் பேசாதே.
- பகுத்தறியாமல் துணியாதே , படபடப்பாகச் செய்யாதே.
- பகைவர் உறவு புகை எழு நெருப்பு.
- பக்கச் சொல் பதினாயிரம்.
- பசி எடுத்தவனுக்கு ருசி தெரியாது.
- பசியுள்ளவன் ருசி அறியான்.
- பசி வந்திடில் பத்தும் பறந்துபோகும்
- பசுவிலும் ஏழை இல்லை பார்ப்பாரிலும் ஏழையில்லை.
- பச்சை மண்ணும் சுட்டமண்ணும் ஒட்டுமா?
- பங்குனி என்று பருக்கிறதுமில்லை, சித்திரை என்றும் சிறுக்கிறுதுமில்லை
- பஞ்சும் நெருப்பும் ஒன்றாய்க் கிடக்குமோ?
- படிக்கிறது திருவாய் மொழி இடிக்கிறது பெருமாள் கோயில்.
- படைக்கும் ஒருவன் கொடைக்கும் ஒருவன்.
- படையிருந்தால் அரணில்லை.
- படை முகத்திலும் அறிமுகம் வேண்டும்.
- பட்ட காலிலே படும் கெட்ட குடியே கெடும்.
- பட்டா உன்பேரில் சாகுபடி என்பேரில்.
- பட்டுக்கோட்டைக்கு வழி கேட்டால், கொட்டைப் பாக்கு விலை சொல்லுகின்றாய்.
- பட்டும் பட்டாடையும் பெட்டியிலிருக்கும், காற்காசு கந்தையில் ஓடி உலாவும்.
- பணக்காரன் பின்னும் பத்துப்பேர், பைத்தியக்காரன் பின்னும் பத்துப்பேர்.
- பணத்தைப் பார்க்கிறதா பழைமையைப் பார்க்கிறதா?
- பணம் என்ன செய்யும் பத்தும் செய்யும்.
- பணக்காரன் பின்னும் பத்துப்பேர், பைத்தியக்காரன் பின்னும் பத்துபேர்.
- பணம் உண்டானால் மணம் உண்டு.
- பணம் பந்தியிலே குலம் குப்பையிலே.
- பண்ணப் பண்ணப் பலவிதம் ஆகும்
- பண்ணிய பயிரிலே புண்ணியம் தெரியும்.
- பதறாத காரியம் சிதறாது.
- பந்திக்கில்லாத வாழைக்காய் பந்தலிலே கட்டித் தொங்குகிறது.
- பத்துப்பேருக்குப் பல்குச்சி ஒருவனுக்குத் தலைச்சுமை.
- பரணியிலே பிறந்தால் தரணி ஆளலாம்.
- பருத்திக்கு உழும் முன்னே தம்பிக்கு எட்டு முழம்.
- பலநாளைத் திருடன் ஒரு நாளைக்கு அகப்படுவான்.
- பல மரம் கண்ட தச்சன் ஒரு மரமும் வெட்டமாட்டான்.
- பல்லக்கு ஏய யோகம் உண்டு உன்னி ஏறச் சீவன் இல்லை.
- பல்லுப் போனால் சொல்லுப் பேச்சு.
- பழகப் பழகப் பாலும் புளிக்கும்.
- பழி ஒரு பக்கம் பாவம் ஒரு பக்கம்.
- பழுத்த ஒலையைப் பார்த்துக் குருத்தோலை சிரிக்கிறதாம்.
- பழுத்த பழம் கொம்பிலே நிற்குமா?
- பள்ளிக் கணக்குப் புள்ளிக்கு உதவாது.
- பன்றியின் முன்னே முத்துக்களைப் போடாதே.
- பனங்காட்டு நரி சலசலப்புக்கு அஞ்சுமா?
- பனி பெய்தால் மழை இல்லை, பழம் இருந்தால் பூ இல்லை.
- பனை நிழலும் நிழலோ, பகைவர் உறவும் உறவோ?
- பனை மரத்தின் கீழே பாலைக் குடித்தாலும் கள் என்று நினைப்பர்.
- பன்றிக்குப் பின் போகிற கன்றும் கெடும்.
- பன்றி பல குட்டி சிங்கம் ஒரு குட்டி.
- பாம்பு தின்னும் ஊரில் நடு கண்டம் நமக்கு.
- பாம்பின் கால் பாம்பறியும்.
- பாழில் போட்டாலும் பட்டத்தில் போடு
- பாம்பு கடித்தால் பத்து நமிஷம், அரணை கடித்தால் அரை நிமிஷம்
- புத்திகெட்ட இராசாவுக்கு மதிகெட்ட மந்திரி.
- புத்திமான் பலவான்.
- புலிக்குப் பிறந்தது பூனையாய்ப் போகுமா?
- புலி பதுங்குவது பாய்ச்சலுக்கு அடையாளம்.
- புயலுக்குப் பின் அமைதி
- பூ மலர்ந்து கெட்டது வாய் விரிந்து கெட்டது
- பூமியைப்போலப் பொறுமை வேண்டும்.
- பூவிற்றகாசு மணக்குமா?
- பூனைக்கு கொண்டாட்டம், எலிக்குத் திண்டாட்டம்.
- பெண் என்றால் பேயும் இரங்கும்.
- பெண்டு வாய்க்கும் புண்ணியவானுக்கு பண்டம் வாய்க்கும் பாக்கியவானுக்கு.
- பெண்ணின் கோணல் பொன்னிலே நிமிரும்.
- பெண்ணென்று பிறந்த போது புருடன் பிறந்திருப்பான்.
- பெண் புத்தி பின் புத்தி
- பெண் வளர்த்தி பீர்க்கங் கொடி.
- பெண்ணிடம் வயதைக் கேட்காதே. ஆண்பிள்ளையிடம் வருமானத்தைக் கேட்காதே..
- பெத்த வயத்திலே பிரண்டையைக் கட்டிக்கொள்.
- பெருமாள் இருக்கிற வரையில் திருநாள் வரும்.
- பெருமையும் சிறுமையும் வாயால் வரும்.
- பெற்ற மனம் பித்து பிள்ளை மனம் கல்லு.
- பேச்சைக்கொடுத்து ஏச்சை வாங்குவானேன்?
- பேசப் பேச மாசு அறும்.
- பேசாதிருந்தால் பிழையொன்றுமில்லை.
- பேராசை பெருநட்டம்.
- பேர் இல்லாச் சந்நிதி பாழ், பிள்ளை இல்லாச் செல்வம் பாழ்
- பேச்சு பல்லக்கு தம்பி கால்நடை
- பொங்குன காலத்துக்கு புளியங்காய், மங்குன காலத்துக்கு மாங்காய் காய்க்குமாம்.
- பொண்டாட்டி செத்துப் போயிட்டால் புருசன் புதுமாப்பிள்ளை.
- பொய் சொல்லி வாழ்ந்தவனுமில்லை , மெய் சொல்லிக் கெட்டவனுமில்லை.
- பொய் சொன்ன வாய்க்குப் போசனங் கிடையாது.
- பொறுத்தார் பூமி ஆள்வார் பொங்கினார் காட்டாள்வார்.
- பொறி வென்றவனே அறிவின் குருவாம்.
- பொறுமை கடலினும் பெரிது.
- பொற்கலம் ஒலிக்காது, வெண்கலம் ஒலிக்கும்.
- பொன் ஆபரணத்தைப் பார்க்கிலும் புகழ் ஆபரணமே பெரிது.
- போதும் என்ற மனமே பொன் செய்யும் மருந்து.
- போரோடு தின்கிற மாட்டுக்குப் பிடுங்கி போட்டுக் கட்டுமா?
- போனதை நினைக்கிறவன் புத்தி கெட்டவன்.
- மகன் செத்தாலும் சாகட்டும், மருமகள் தாலி அறுக்கனும்.
- மடியிலே கனமிருந்தால்தான் வழியிலே பயம்.
- மட்டான போசனம் மனதிற்கு மகிழ்ச்சி.
- மண் குதிரையை நம்பி ஆற்றில் இறங்கலாமா?
- மண்டையுள்ள வரை சளி போகாது.
- மதியார் வாசலை மிதியாதிருப்பதே உத்தமம்.
- மந்திரிக்கும் உண்டு மதிக்கேடு.
- மரம் வெட்டுகிறவனுக்கு நிழலும்..., மண் தோடுகிறவனுக்கு இடமும் கொடுக்கும்.
- மரம் வைத்தவன் த்ண்ணீர் வார்ப்பான்.
- மருண்டவன் கண்ணுக்கு இருண்டதெல்லாம் பேய்.
- மருந்தும் விருந்தும் மூன்று வேளை.
- மருந்தே யாயினும் விருந்தோடு உண்.
- மலிந்த சரக்குக் கடைத் தெருவுக்கு வரும்.
- மலையைத் துளைக்கச் சிற்றுளி போதாதா?
- மல்லாந்து உமிழ்ந்தால் மார்மேல் விழும்.
- மவுனம் கலக நாசம்
- மழைமுகம் காணாத பயிரும் தாய்முகம் காணாத பிள்ளையும்.
- மழை விட்டாலும் தூவானம் விடவில்லை.
- மனதிலிருக்கும் இரகசியம் மதி கேடனுக்கு வாக்கிலே.
- மனமுரண்டிற்கு மருந்தில்லை.
- மனம் உண்டானால் இடம் உண்டு.
- மனம் தடுமாறினால் மாற்றானுக்கு வலிமை.
- மனம் போல வாழ்வு.
- மன்னன் எப்படியோ மன்னுயிர் அப்படி.
- மண்னுயிரை தன்னுயிர்போல் நினை.
- மாடம் இடிந்தால் கூடம்.
- மாடு கிழமானாலும் பாலின் சுவை போகுமா?
- மாடு கெட்டால் தேடலாம் மனிதர் கெட்டால் தேடலாமா?
- மாடு மேய்க்காமற் கெட்டது பயிர் பார்க்காமற் கெட்டது.
- மாதா ஊட்டாத சோறு மாங்காய் ஊட்டும்.
- மா பழுத்தால் கிளிக்காம், வேம்பு பழுத்தால் காக்கைக்காம்.
- மாமியாரும் ஒரு வீட்டு மாட்டுப் பெண்தான்.
- மாமியார் உடைத்தால் மண் குடம் மருமகள் உடைத்தால் பொன்குடம்.
- மாமியார் மெச்சின மருமகளில்லை, மருமகள் மெச்சின மாமியாரில்லை.
- மாரடித்த கூலி மடி மேலே.
- மாரிக்காலத்தில் பதின்கல மோரும் கோடைக்காலத்தில் ஒருபடி நீருஞ் சரி.
- மாரி யல்லது காரியம் இல்லை.
- மாவுக்குத் தக்க பணியாரம்.
- மாற்றானுக்கு இடங் கொடேல்.
- மானம் பெரிதோ? உயிர் பெரிதோ?
- மானைக் காட்டி மானைப் பிடிப்பார்.
- மிஞ்சியது கொண்டு மேற்கே போகுதல் ஆகாது.
- மிதித்தாரை கடியாத பாம்பு உண்டோ?
- மின்னுக் கெல்லாம் பின்னுக்கு மழை.
- மீகாமன் இல்லா மரக்கலம் ஓடாது.
- மீ தூண் விரும்பேல்.
- முகத்துக்கு முகம் கண்ணாடி
- முக்காலும் காகம் முழுகிக் குளித்தாலும் கொக்காகுமா?
- முட்டையிடுகிற கோழிக்கு வருத்தம் தெரியும்.
- முட்டாளுக்கு மூணு மூளை இருந்தாலும் ஒரு மூலையில் போட்டு விடு
- முதலையும் மூர்க்கனும் கொண்டது விடா
- முதல் கோணல் முற்றுங் கோணல்
- முத்தால் நத்தை பெருமைப்படும், மூடர் எத்தாலும் பெருமைப் படார்.
- முப்பது வருடம் வாழ்ந்தவனும் இல்லை, முப்பது வருடம் தாழ்ந்தவனும் இல்லை.
- முருங்கை பருத்தால் தூணாகுமா?
- முருங்கைன்னா ஒடிச்சு வளர்க்கணும் பிள்ளைன்னா அடிச்சு வளர்க்கணும்.
- முள்ளுமேல் சீலைபோட்டால் மெள்ள மெள்ள வாங்கவேண்டும்.
- முள்ளை முள்ளாதல்தான் எடுக்க வேண்டும்
- முற்பகல் செய்யின் பிற்பகல் விளையும்.
- முற்றும் நனைந்தவர்களுக்கு ஈரம் ஏது?
- முன் ஏர் போன வழிப் பின் ஏர்
- முன்கை நீண்டால் முழங்கை நீளும்.
- முன் வைத்த காலைப் பின் வைக்கலாமா?
- முன்னவனே முன் நின்றால் முடியாத பொருள் உளதோ?
- முட்டாள் தனத்துக்கு முதல் பாக்குக்காரன்
- முதலியார் டம்பம் விளக்கெண்ணெய்க்குக் கேடு
- முதுமைக்காலத்தில் அடுத்தவர் கட்டுப்பாட்டில் உள்ள பணம், நமது ஆயுள்காலச்சிறைக்குச் சமம்.
- மூட கூட்டுறவு முழுதும் அபாயம்.
- மூத்தோர் சொல் வார்த்தை அமுதம்.
- மூன்று வயதில் அண்ணன் தம்பி. பத்து வயதில் பங்காளிகள்.
- மூத்தது மோழை.இளையது காளை
- மெய்ச்சொல்லிக் கெட்டவனுமில்லை பொய்சொல்லி வாழ்ந்தவனுமில்லை.
- மெல்லப் பாயும் தண்ணீர் கல்லையும் குழியாக்கும்.
- மேருவைச் சார்ந்த காகமும் பொன்னிறம்
- மேற்கே மழை பெய்தால் கிழக்கே வெள்ளம் வரும்.
- மேய்கின்ற மாட்டினை நக்குகின்ற மாடு கெடுக்கும்
- மொழி தப்பினவன் வழி தப்பினவன்
- மோகம் முப்பது நாள், ஆசை அறுபது நாள்.
- மெளனம் மலையைச் சாதிக்கும்.
- யானைக்கும் அடி சறுக்கும்.
- யானைக்கொரு காலம் வந்தால் பூனைக் கொரு காலம் வரும்
- யோக்கியனைப் போல் இருப்பானாம் பரம சண்டாளன்
- யோக்கியகாரன் வர்றான் சொம்பை எடுத்து உள்ளே வை
- வஞ்சகம் வாழ்வைக் கெடுக்கும்.
- வடக்குப் பார்த்த மச்சு வீட்டைப் பார்க்கிலும் தெற்குப் பார்த்த குச்சு வீடு நல்லது.
- வடக்கே கருத்தால் மழை வரும்.
- வட்டி ஆசை முதலுக்கு கேடு.
- வணங்கின முள் பிழைக்கும்.
- வரவுக்குத் தக்கபடி செலவை வரையறு.
- வரவர மாமியார் கழுதைப் போல ஆனாள்.
- வருந்தினால் வாராதது இல்லை.
- வல்லவனுக்கு புல்லும் ஆயுதம்.
- வல்லவனுக்கு வல்லவன் வையகத்தில் உண்டு.
- வளவனாயினும் அளவறிந் தளித்துண்
- வழவழத்த உறவைப் பார்க்கிலும் வைரம் பற்றிய பகை நன்று.
- வாங்கிறதைப் போலிருக்க வேண்டும் கொடுக்கிறதும்
- வாயுள்ள பிள்ளை பிழைக்கும்.
- வாய் சர்க்கரை கை கருணைக் கிழங்கு.
- வாய் மதத்தால் வாழ்வு இழக்கும்.
- வாழ்கிறதும் கெடுகிறதும் வாயினால்தான்.
- வாழ்வும் தாழ்வும் சில காலம்.
- வாழையடி வாழையாக.
- விண் பொய்த்தால் மண் பொய்க்கும்.
- விதி எப்படியோ மதி அப்படி.
- விதைக்கிற காலத்தில தூங்கிவிட்டு அறுவடையை நினைக்கலாமா?
- வியாதிக்கு மருந்துண்டு விதிக்கு மருந்துண்டா?
- விருப்பத்தினால் ஆகாதது வீம்பினால் ஆகுமா?
- விரை ஒன்று போடச் சுரை ஒன்று முளைக்குமா?
- வில்வப்பழம் தின்பார் பித்தம் போக பனம் பழம் தின்பார் பசி போக.
- விளக்கு மாற்றுக்குப் பட்டுக் குஞ்சமா?
- விளையாட்டாய் இருந்தது வினையாய் முடிந்தது.
- விளையும் பயிர் முளையிலே தெரியும்.
- வினை விதைத்தவன் வினை அறுப்பான், தினை வினைத்தவன் தினை அறுப்பான்.
- விருந்தும் மருந்தும் மூன்று நாளே.
- வெட்டிக்கொண்டுவா என்றால் கட்டிக்கொண்டு வருவான்.
- வெந்த புண்ணில் வேலைப் பாய்ச்சுவது போல.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
