இந்திய அரசு பணியாளர் From Wikipedia, the free encyclopedia
திருநெல்லை நாராயண அய்யர் சேஷன் (Tirunellai Narayana Iyer Seshan) அல்லது டி. என். சேஷன் (15 டிசம்பர் 1932 - 10 நவம்பர் 2019) இந்திய ஆட்சிப் பணி அலுவலராக இந்திய அரசின் பல்வேறு அரசுப் பொறுப்புக்களை வகித்து ஓய்வு பெற்றவர். இந்தியாவின் 10வது இந்தியத் தலைமைத் தேர்தல் ஆணையராக திசம்பர் 12, 1990 முதல் திசம்பர் 11, 1996 வரை பொறுப்பேற்றவர்.[1] இந்த காலகட்டத்தில் அவர் தேர்தல் தில்லுமுல்லுகளை கட்டுப்படுத்துவதில் எடுத்த முனைப்பான நடவடிக்கைகளால் பெரிதும் அறியப்படுகிறார்.[2][3]
திருநெல்லை நாராயண அய்யர் சேஷன் | |
|---|---|
 | |
| 10வது இந்தியத் தலைமைத் தேர்தல் ஆணையர் | |
| பதவியில் திசம்பர் 12, 1990 – திசம்பர் 11, 1996 | |
| பிரதமர் | வி. பி. சிங் |
| முன்னையவர் | வி. எஸ். ரமாதேவி |
| பின்னவர் | எம். எஸ். கில் |
| 18வது ஆய அவை செயலாளர் இந்தியக் குடியியல் பணிகள் | |
| பதவியில் 1989–1989 | |
| முன்னையவர் | பி.ஜி.தேஷ்முக் |
| பின்னவர் | வி. சி. பாண்டே |
| தனிப்பட்ட விவரங்கள் | |
| பிறப்பு | திருநெல்லை நாராயண அய்யர் சேஷன் 15 திசம்பர் 1932 பாலக்காடு, கேரளம், இந்தியா |
| இறப்பு | 10 நவம்பர் 2019 (அகவை 86) சென்னை, தமிழ்நாடு, இந்தியா  |
| தேசியம் | இந்தியர் |
| முன்னாள் மாணவர் | சென்னை கிருத்துவக் கல்லூரி ஹார்வர்டு பல்கலைக்கழகம் |
| சமயம் | இந்து சமயம் |
சென்னை மாகாணம், பாலக்காட்டில் உள்ள திருநெல்லை எனும் சிற்றூரில் தந்தை டி. எஸ். நாராயணய்யர், தாயார் சீதாலட்சுமிக்கு பிறந்தவர் டி. என்.சேஷன்.
பள்ளிப்படிப்பு பாலக்காடு பி.இ.எம். உயர்நிலைப்பள்ளி. பாலக்காடு அரசினர் விக்டோரியா கல்லூரியில் இண்டர் மீடியட். சென்னை தாம்பரம் கிருத்தவக் கல்லூரியில் பி.எஸ்.சி.(ஹானர்ஸ்), அமெரிக்காவின் ஹார்வர்டு பல்கலைக்கழகத்தில் எம்.பி.ஏ. (பொது நிர்வாகம்), இந்திய ஆட்சிப் பணி (1954) முடித்தார்.
கோவை, திண்டுக்கல் மாவட்டங்களில் உதவி ஆட்சியர், மதுரை மாவட்ட ஆட்சியர், போக்குவரத்து துறை இயக்குநர், வேளாண், தொழில்துறைச் செயலர், என தமிழகத்தில் பல்வேறு பதவிகளை வகித்தார். 1990 திசம்பர் 12ஆம் தேதி முதல் 6 ஆண்டுகளுக்கு இவர் தலைமை தேர்தல் ஆணையராக இருந்தபோது எடுத்த அதிரடி நடவடிக்கைகள் பல. இவரது சில நடவடிக்கைகள் பலத்த விமர்சனத்துக்கு உள்ளானபோதிலும் ஆணைய விதிமுறைகளுக்கு உட்பட்டு சீர்திருத்தங்களை செய்தது குறிப்பிடத்தக்கது.
அவர் சென்னையில் உள்ள தனது இல்லத்தில் நவம்பர் 10, 2019 அன்று 86 வயதில் காலமானார். அவரது மறைவை முன்னாள் தலைமைத் தேர்தல் ஆணையர் எஸ். வை. குரைஷி அறிவித்தார்.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
