பறவை இனம் From Wikipedia, the free encyclopedia
சாவுக் குருவி, இந்திய சிறுபக்கி அல்லது சிறு பக்கி (Common Indian Nightjar)(கேப்ரிமுல்கசு ஆசியடிகசு) என்பது சிறுபக்கி சிற்றினம் ஆகும், இது தெற்கு ஆசியா மற்றும் தென்கிழக்காசியா முழுவதும் திறந்த நிலங்களில் வசித்து இனப்பெருக்கம் செய்யும் பறவை ஆகும். பெரும்பாலான இரவு பக்கிகளைப் போலவே இது வைகறை மற்றும் அந்தி வேளையில் செயல்பாடு மிக்கதாக காணப்படும். இவற்றை இவற்றின் ஓசைகளிலிருந்து கண்டறியப்படுகிறது.
சிறு பக்கி | |
---|---|
Indian nightjar, Caprimulgus asiaticus | |
உயிரியல் வகைப்பாடு | |
திணை: | விலங்கு |
தொகுதி: | |
வரிசை: | கேப்ரிமுல்கிபார்மஸ் |
குடும்பம்: | பக்கி |
பேரினம்: | கேப்ரிமுல்கசு |
இனம்: | C. asiaticus |
இருசொற் பெயரீடு | |
Caprimulgus asiaticus Latham, 1790 | |
சிறு பக்கி மைனாவின் பருமன் இருக்கும் இப்பறவை 24 செ.மீ. நீளத்தில் மற்ற பக்கிகளைவிட உருவில் சிறியதாக இருக்கும். இது கருப்புக் கோடுகளும் புள்ளிகளும் கொண்ட பழுப்பு நிற உடலைக் கொண்டது. வாலின் ஓர இறக்கைகளின் முனைகள் வெண்புள்ளிகளைக் கொண்டதாக இருக்கும். இதன் இறகுகள் ஆந்தையின் நிறத்தை ஒத்து இருக்கும். தரையில் இக்குருவி படுத்துவிட்டால் தரையின் நிறத்துடன் ஒன்றிவிடும். இதன் கால்கள் குட்டையாகவும், வலுவற்றதாக இருந்தாலும், இதன் வாய் அகலமாக அமைந்திருக்கும். இதனால் பூச்சிகளை வாயால் பிடிக்க நல்ல வசதி. இதன் முக்கிய உணவு பூச்சிகள் ஆகும்.
தமிழகம் எங்கும் ஆங்காங்கே மலை அடிவாரம் சார்ந்த இலையுதிர் காடுகள், புதர்காடுகள் ஆகியவற்றில் பள்ளமான நீரோடைகளை அடுத்துக் காணலாம். [2]
பகல் முழுதும் நிழலில் பதுங்கியிருந்து இரவில் வெளிப்பட்டு பறக்கும் பூச்சிகளைப் பிடிக்கும். பறக்கும் தோற்றம் வௌவால் பறப்பதை ஒத்தது. சாலை ஓர மைல் கற்கள், வேலிக்கம்பிகள் ஆகியவற்றின் மீத அமா;ந்து ட்சக் ட்சக் எனக் கத்தும். புழுதியில் புரளும் விருப்பம் கொண்டது. [3]
பிப்ரவரி முதல் செப்டம்பர் வரையான பருவத்தில் புதர்க்காடுகளில் தரையில் 2 முட்டைகள் இடும். நகர்ப்புறங்களில் புதர்கள் வளர்ந்திருக்கும் தோட்டங்களைக் கொண்ட வீடுகளிலும் முட்டையிட்டிருக்கக் காணலாம்.[4]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.