From Wikipedia, the free encyclopedia
கொன்சிட்டாண்ட்டின் நோவோசியெலோவ் (Konstantin Sergeevich Novoselov, இரசிய மொழி: Константи́н Серге́евич Новосёлов, கொன்ஸ்டண்டீன் செர்கேவிச் நவசியோலொவ், பிறப்பு: ஆகத்து 23, 1974) உருசியாவில் பிறந்து ஐக்கிய இராச்சியத்தில் வாழும் இயற்பியல் அறிவியலாளர். ஒற்றையணு தடிப்புள்ள கரிம அணுப் படலத்தை பற்றிய இவருடைய ஆய்வு புகழ்பெற்றது. ஆந்தரே கெய்ம் என்பாருடன் சேர்ந்து இவருக்கு 2010 ஆண்டிற்கான இயற்பியல் நோபல் பரிசு வழங்கப்பட்டது[1]. நோவொசியெலோவ் தற்பொழுது மான்ச்செசிட்டர் பல்கலைக்கழகத்தில் ஏறத்தாழ ஒருசில அணுவளவுத் தடிப்புள்ள பொருள்களைப் பற்றி ஆயும், இடையளவு இயற்பியல் (Mesoscopic physics, மேசோசுக்கோப்பிக் இயற்பியல்) என்னும் துறையில் (பிரித்தானிய) வேந்தியக் குமுக ஆய்வுப் பேராளராகப் (Royal Society Research Fellow) பணிபுரிகிறார்[2][3].
| கொன்சிட்டாண்ட்டின் நோவோசியெலோவ் Konstantin Novoselov. | |
|---|---|
 | |
| பிறப்பு | ஆகத்து 23, 1974 நிழ்சினி தாகில், உருசிய சோவியத் கூட்டிணைப்பு சோசலிசக் குடியரசு, சோவியத் ஒன்றியம் |
| வாழிடம் | இங்கிலாந்து |
| குடியுரிமை | உருசியா மற்றும் ஐக்கிய இராச்சியம் |
| தேசியம் | உருசியா |
| துறை | திண்மநிலை இயற்பியல் |
| பணியிடங்கள் | மான்ச்செசிட்டர் பல்கலைக்கழகம்]] |
| கல்வி கற்ற இடங்கள் | மாசுக்கோ இயற்பியல் தொழில்நுட்ப உயர்கல்விக்கூடம் நீமேகென் பல்கலைக்கழகம் |
| ஆய்வு நெறியாளர் | யான் கீசு மான், ஆந்தரே கெய்ம் |
| அறியப்படுவது | கிராபீன் (graphene) பற்றிய ஆய்வு |
| விருதுகள் | இயற்பியல் நோபல் பரிசு (2010) |
நோவோசியெலோவ் இதுகாறும் 60 ஒத்தோர்-தேர்வுசெய்த (peer-reviewed) ஆய்வுரைகள எழுதியுள்ளார், இவை இடையளவு (mesoscopic) மீகடத்தி, ஃகால் விளைவு காந்த அளவியல் (Hall effect magnetometry) [4], காந்த நுண்புலங்களின் பிரிமுகங்களின் (எல்லைச்சுவர்களின்) அணுத்துகள் அளவு நகர்ச்சிகள் (sub-atomic movements of magnetic domain walls),[5] கெக்கோ பல்லியின் காலின் இறுகப்பற்றும் தன்மையை ஒத்த செயற்கைநாடா (கெக்கோ நாடா) (gecko tape) கண்டுபிடிப்பு,[6], ஓரணுத் தடிப்புள்ள கரிமப்படலமாகிய கிராஃவீன்.[7] ஆகிய துறைகளைப் பற்றியவை.
Seamless Wikipedia browsing. On steroids.
