குருதிப் புரதங்கள்

குருதிப் புரதங்கள் அல்லது பாய்மப் புரதங்கள் எனப்படுபவை, குருதி நீர்மத்தில் காணப்படும் புரதங்கள் ஆகும். பாய்ம மொத்தப் புரதத்தின் அளவு கிட்டத்தட்ட 7g/dl ஆக இருக்கும். இப்புரதங்கள் பல்வேறு தொழில்களைச் செய்பவையாக இருக்கும்.

• இலிப்பிட்டுக்கள், உயிர்ச்சத்துக்கள், இயக்குநீர்கள், உலோகங்கள் போன்றவற்றை குருதிச் சுற்றோட்டத்தொகுதி ஊடாக கடத்திச் செல்லும் மூலக்கூறுகள்.
• நொதியங்கள், நிரப்பு பொருட்கள், ப்ரோட்டியேசு நிரோதிகள், கைனின் முன்னோடிகள் போன்றன.
• நோய் எதிர்ப்பாற்றல் முறைமையில் உயிரணுக்களுக்கு வெளியாக செயல்திறனையும், தொழிற்பாட்டையும் முறைப்படுத்தும் மூலக்கூறுகள்.

குருதிவளிக்காவி ஒன்றின் அமைப்பு

மின்புலத் தூள்நகர்ச்சி மூலம் பிரித்தெடுக்கப்படும் இந்த குருதிப் புரத அளவீடுகள் நோய்களைக் கண்டறியவும், மேலதிக தொடர்ந்த செய்ற்பாடுகளில் மாற்றங்களைக் கண்டறியவும் உதவும்.

பொதுவாக காணப்படும் அடிக்கடி பேசப்படும் புரதங்களாவன:

குருதிப் புரதம்	சாதாரண மட்டம்	%	தொழில்
ஆல்புமின்	3.5-5.0 g/dl	60%	சவ்வூடு பரவலுக்கான அமுக்கத்தை குருதியில் ஏற்படுத்தவும், இதர மூலக்கூறுகளின் கடத்தலுக்கும் உதவும்
இமியூனோகுளோபுலின்	1.0-1.5 g/dl	18%	நோய் எதிர்ப்பாற்றல் முறைமையில் பங்கெடுக்கும்
நாரீனி (புரதம்)	0.2-0.45 g/dl	4%	குருதி உறைதல்
alpha 1-antitrypsin			சமிபாட்டுத்தொகுதியில் இருந்து திருப்சின் நொதியம் கசிந்து வரின் அதனைச் சமநிலைப்படுத்தும்.
ஒழுங்குபடுத்தும் புரதங்கள்		<1%	மரபணு வெளிப்பாட்டை ஒழுங்குபடுத்தும்