கிஃபு
From Wikipedia, the free encyclopedia
From Wikipedia, the free encyclopedia
கிஃபு (岐阜市, Gifu) என்பது ஜப்பானில் உள்ள ஒரு நகரமாகும். இந்நகரம் ஜப்பானின் கிஃபு மாநிலத்தின் நிர்வாகத் தலைநகரமாக உள்ளது. இந்நகரம் ஜப்பானின் மையப்பகுதில் அமைந்துள்ளதால், ஜப்பானிய வரலாற்றில் மிக முக்கிய பங்கு வகிக்கிறது. சென்கோகு ஆட்சிக்காலத்தில், பல்வேறுபடைத்தலைவர்கள் கிஃபுவை அடிப்படையாக வைத்து ஜப்பானை இணைக்கவும், கட்டுப்படுத்தவும் முயன்றனர். ஜப்பானின் இணைப்பிற்குப்பிறகும் கிஃபு நன்றாக வளர்ச்சி பெற்றது. கிஃபு,ஜப்பானின் நாகரிக மையங்களுள் ஒன்றாகத் திகழ்ந்தது. இது நவீன நகரமாவதற்கு முன்பு அட்சுமி மாவட்டத்தின் ஒரு பகுதியாக விளங்கியது. அதன் பிறகு அந்நாட்டு அரசு கிஃபுவை ஜப்பானின் மையநகரமாக அறிவித்தது. இந்நகரம் நாகாரா ஆற்றின் வண்டல் மண் பகுதியில் அமைந்துள்ளது. இந்நகரம் இயற்கை வளங்களால் சூழ்ந்திருப்பதால் விவசாயம் மற்றும் தொழிற்சாலைகள் அமைக்கும் பொருட்டு மேன்மை பெற்று விளங்குகிறது. கின்கா மலை, இந்நகரத்தின் முக்கியச் சின்னமாக விளங்குகிறது. இம்மலை அடர்ந்த காடுகளையும் கிஃபு அரண்மனையையும் தன்னகத்தே கொண்டுள்ளது. இந்த அரண்மனையை ஒத்ததாக இருக்கிறது. இங்கு வருடம் முழுவதிலும் விழாக்களும், நிகழ்ச்சிகளும் நடைபெற்றுக் கொண்டே இருக்கும். இரண்டு புகைவண்டித்தடங்கள் கிஃபுவை ஜப்பானின் தேசிய மற்றும் பன்னாட்டுப் போக்குவரத்துக் கட்டமைப்புடன் இணைக்கிறது.
கிஃபு
岐阜市 | |
---|---|
முக்கிய நகரம் | |
கிஃபுவின் அமைவிடம் | |
ஆள்கூறுகள்: 35°25′23.6″N 136°45′38.8″E | |
நாடு | யப்பான் |
மதம் | சுபு |
மாநிலம் | கிஃபு |
அரசு | |
• நகர முதல்வர் | சிக்மிட்சு ஓசு |
பரப்பளவு | |
• மொத்தம் | 203.60 km2 (78.61 sq mi) |
மக்கள்தொகை (திசம்பர் 1, 2017) | |
• மொத்தம் | 4,11,722 [3] |
நேர வலயம் | ஒசநே+9 (சப்பானிய தர நேரம்) |
நகர குறியீடுகள் | |
- மரம் | Japanese Chinquapin [4] |
- பூ | Scarlet Sage[4] |
தொலைபேசி இலக்கம் | 0581-22-2111 |
முகவரி | 18 Imazawa-chō, Gifu-shi, Gifu-ken 500-8701 |
இணையதளம் | அதிகாரப்பூர்வ இணையதளம் |
ஜே ஆர் சென்ரல் டொகய்டோ முதன்மை வழித்தடம் இந்நகரத்தின் வழியாகச் செல்கிறது. இந்த வழித்தடம் ஜப்பானின் முக்கிய நகரங்களுள் ஒன்றான நகோயா மற்றும் அதன் சுற்றுவட்டாரப் பகுதிகளை இந்நகரத்துடன் இணைக்கிறது. இந்நகரத்திலிருந்து சிபு பன்னாட்டு விமான நிலையத்திற்கு நேரடியான புகைவண்டித்தடம் உள்ளது. உலக அளவில் நடக்கும் நிகழ்ச்சிகளை நடத்த எல்லாவிதமாக வசதிகளும் இங்கே இருக்கிறது. கிஃபு, இதனுடன் தொடர்புடைய 6 சகோதர நகரங்களுடன் நல்ல உறவு வைத்துள்ளது. ஜுலை 2011 கணக்கெடுப்பின்படி, இந்நகரம் 4,12,895 மக்கள் தொகையைக் கொண்டுள்ளது. ஒரு சதுர கிலோமீட்டருக்கு 2,000 என்ற மக்கள் அடர்த்தி விகிதத்தில் உள்ளது. இந்நகரத்தின் மொத்தப் பரப்பளவு 202.89 சதுர கிலோ மீட்டர்.
இந்நகரத்திலுள்ள இரண்டு தொல்பொருள் ஆராய்ச்சி நடக்கும் இடங்களிலிருந்து முந்தைய வரலாற்றுக் காலத்திலேயே இந்நகரத்தில் மக்கள் வாழ்ந்ததற்கான சான்றுகள் இருந்தன. ஏனென்றால் கிஃபு, வளமான நோபி படுகையில் அமைந்துள்ளது. தி யோமஜி மற்றும் கொடாசுகா பகுதிகள் பெரிய புதைகுவியல்களை உருவாக்கின. இவை பிந்தைய யயோய் காலத்தின் நிறைவுச் சின்னமாக விளங்குகிறது. இக்காலத்தில்தான் ஜப்பானில் முதன் முதலில் நெல் பயிரிடப்பெற்றது. நாகரீகம் வளர வளர நிலையான குடிமக்கள் தோன்றினர். இறுதியாக இனொகுசி என்ற கிராமம் தோற்றுவிக்கப்பட்டது. இந்த கிராமம் நாகரீக நகரமான கிஃபுவாக மாறியது.
ஆண்டு | மக்கட்டொகை[1] |
---|---|
2009 | 422,061 |
2000 | 402,751 |
1990 | 410,324 |
1980 | 410,257 |
1970 | 385,727 |
1960 | 304,492 |
1950 | 211,845 |
1940 | 172,340 |
1930 | 90,112 |
1920 | 62,713 |
1910 | 42,916 |
1889 | 25,750 |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.