கச்சேரி

கச்சேரி அல்லது மாவட்டச் செயலகம் (kachcheri அல்லது district secretariat) என்பது இலங்கையில் மாவட்டத்தை நிர்வகிக்கும் முதன்மை அரசு நிர்வாக மையமாகும். இலங்கையின் 25 மாவட்டங்களிலும் தலா ஒரு கச்சேரி உள்ளது.

யாழ்ப்பாணம் பழைய பூங்காவில் உள்ள பழைய கச்சேரி கட்டிடம் புனரமைப்புக்கு முன்னர்

மாவட்டச் செயலகத்தின் முக்கிய பணி மத்திய அரசு மற்றும் பிரதேச செயலகங்களின் தொடர்புகள் மற்றும் செயல்பாடுகளை ஒருங்கிணைப்பது ஆகும். மாவட்டச் செயலகமானது மாவட்ட நிலையில் வளர்ச்சித் திட்டங்களை நடைமுறைப்படுத்துதல், கண்காணித்தல் மற்றும் கீழ்மட்ட உட்பிரிவுகளின் செயற்பாடுகளுக்கு உதவுதல், ^[1] அத்துடன் மாவட்டத்தில் வருவாய் சேகரிப்பு மற்றும் தேர்தல்களை ஒருங்கிணைத்தல் போன்ற பொறுப்புகளையும் கொண்டுள்ளது. ^[2] மாவட்டச் செயலகத்தின் தலைவரான மாவட்டச் செயலாளர் முறையாக அரசாங்க அதிபர் என்று அழைக்கப்படுகிறார்.

கச்சேரி என்பது இந்துத்தானி சொல்லாகும். ^{[3] [4]} இச்சொல்லானது இலங்கையில் பிரித்தானிய காலனித்துவ நிருவாகத்தின் துவக்க ஆண்டுகளில் வருவாய் ஆட்சியர் அலுவலகத்திற்குப் பயன்படுத்தப்பட்டது. ^[5] (இலங்கை) காலனித்துவ நிருவாகத்தின் டச்சு முறையின் முக்கிய அம்சமாக வருவாய் ஆட்சியரகம் இருந்தது. 19 ஆம் நூற்றாண்டின் முதல் பாதியில், பிரித்தானிய காலனித்துவ நிருவாகிகள் குடிமை மற்றும் வருவாய் நிருவாகத்துடன் மிகவும் ஒழுங்கமைக்கப்பட்ட அரசாங்க வடிவத்தை நோக்கி இது நகர்ந்தது. இதனால் உள்ளூரில் கச்சேரி என்று அழைக்கப்பட்டு வந்த ஆட்சியர் அலுவலகம் மாவட்ட செயலாளர் அலுவலகமாக மாற்றப்பட்டது. ^[5] விடுதலைக்குப் பிறகும், கச்சேரி மாவட்ட நிருவாக மையமாகவும், மாகாண நிருவாகத்தின் மையப்புள்ளியாகவும் தக்கவைக்கப்பட்டு அரசாங்க முகவரின் கீழ் வைக்கப்பட்டது. ^[6] இருப்பினும், 1987 இல், இலங்கை சனநாயக சோசலிசக் குடியரசின் அரசியலமைப்பின் 13ஆவது திருத்தம் ^[7] மாகாண சபைகளை நிறுவுவதற்கான ஏற்பாடுகளைச் செய்தது. ^[8] இவ்வாறு, 1990 சனவரியில் நடைமுறைக்கு வந்த மாகாண சபை நிருவாகம், 19 ஆம் நூற்றாண்டின் முதல் பாதியில் இருந்து மாறாமல் இருந்த கச்சேரி நிருவாகத்தை மாற்றியமைத்தது.

குறிப்பிடத்தக்க கச்சேரி கட்டிடங்கள்

• யாழ்ப்பாணம் பழைய பூங்காவில் உள்ள பழைய கச்சேரி கட்டடம் தற்போது பாதுகாக்கப்பட்ட நினைவுச்சின்னமாக உள்ளது. ^[9]
• அனுராதபுரத்தில் உள்ள பழைய கச்சேரி கட்டடத்தில் தற்போது தொல்லியல் அருங்காட்சியகம் உள்ளது ( அனுராதபுர தொல்லியல் அருங்காட்சியகம் ).

குறிப்புகள்

1. "District Secretariat—Vavuniya". District and Divisional Secretariats Portal—Ministry of Public Administration and Home Affairs. Archived from the original on 2010-11-12. பார்க்கப்பட்ட நாள் 2009-07-29.
2. "Performs Report and Accounts—2008" (PDF). District and Divisional Secretariats Portal—Ministry of Public Administration and Home Affairs. Archived from the original (PDF) on 2011-10-03. பார்க்கப்பட்ட நாள் 2009-07-29.
3. The Ceylon Antiquary and Literary Register, Volume 1. The Times of Ceylon.
4. A Collection of Official Documents in the Canarese Language, consisting of Urzees and other Papers filed in Courts of Justice, for the Use of Candidates for the Indian Civil Service: Compiled by Order of the Secretary of State for India. Government of Madras Basel Mission Press.
5. Wickramanayake, S S, The Management of Official Records in Public Institutions in Sri Lanka: 1802–1990, p 28, Unpublished PhD Thesis, University of London, 1992
6. Wijeweera, B S, Colonial Administration System in Transition, Dehiwala (Colombo), Tissara Prakasakayo, 1984, p7
7. Parliament of Democratic Republic of Sri Lanka, Thirteenth Amendment to the Constitution, Certified on 14 November 1987, Published as a Supplement to Part II of the Gazette of the Democratic Socialist republic of Sri Lanka, 20 November 1981, Colombo, Govt. Print., 1987
8. Provincial Councils Act No 42 of 1987, 20 November 1987, Colombo, Govt. Print., 1987
9. "Government Notifications – THE ANTIQUITIES ORDINANCE (CHAPTER 188) Order under Section 19". The Gazette of the Democratic Socialist Republic of Sri Lanka 1722. 2 September 2011. http://www.documents.gov.lk/gazette/2011/PDF/Sep/02Sep2011/I-I%28E%292011.09.02.pdf. பார்த்த நாள்: 7 July 2015.