From Wikipedia, the free encyclopedia
ஐதராபாத் பப்ளிக் ஸ்கூல் (The Hyderabad Public School, Begumpet (HPS, Begumpet) என்பது இந்தியாவின் தெலங்கானாவின் ஐதராபாத்தில் உள்ள ஒரு தனியார் பள்ளி ஆகும். இந்தப்பள்ளியானது 1923 ஆம் ஆண்டு ஐதராபாத்தின் ஏழாவது நிசாமான, உஸ்மான் அலி கானால் ஜாகிர்தார் கல்லூரி என்ற பெயரில் நிறுவப்பட்டது. இந்தக் கல்விக்கூடத்தின் நோக்கம், நவாப், சாகிர்தார் போன்ற பிற உயர்குடி மக்களின் குழந்தைகளுக்கு உலகத் தரம் வாய்ந்த கல்வியை வழங்குவது ஆகும். இந்தப் பள்ளியை வடிவமைத்தவர் தலைமைக் கட்டிட வடிவமைப்பாளரான நவாப் கான் பகதூர் மிஸ்ரா பெய்க் என்பவராவார். 1950இல் ஜமீன்தாரி முறை ஒழிந்ததை அடுத்து 1951இல் இந்தப் பள்ளியின் பெயர் ஐதராபாத் பப்ளிக் ஸ்கூல் என்றானது.[1] இந்தப் பள்ளி வளாகமானது 152 ஏக்கர் பரப்பளவில் அமைந்துள்ளது.
ஐதராபாத் பப்ளிக் ஸ்கூல் The Hyderabad Public School ద హైదరాబాద్ పబ్లిక్ స్కూల్ | |
---|---|
அமைவிடம் | |
பேகம்பேட் ஐதராபாத், தெலங்கானா இந்தியா | |
தகவல் | |
பிற பெயர் | HPS, Begumpet |
பழைய பெயர் | ஜாகிர்தார் கல்லூரி |
வகை | தனியார் பள்ளி |
தொடக்கம் | 1923 |
நிறுவனர் | ஐதராபாத் நிசாம் உஸ்மான் அலி கான் |
அதிபர் | கந்த பளி (2017 ஆகத்து முதல்) |
பீடம் | 155 |
மொத்த சேர்க்கை | 3200 (PP1 - 12) |
Campus size | 152 ஏக்கர் |
இணையம் | www |
இங்கு முன் துவக்கப்பள்ளியில் இருந்து 12 ஆம் வகுப்பு (வயது 3 முதல் 17 வயது வரை) வரை குழந்தைகளுக்கு கற்பிக்கப்படுகிறது. இந்தப் பள்ளி இந்திய பள்ளி சான்றிதழ் தேர்வுகள் சபை அமைப்பின் அங்கீகாரம் பெற்றது. இப்பள்ளியை ஐதராபாத் பொது பள்ளி சங்கம் மற்றும் ஆளுநர் வாரியத்தால் நிர்வகிக்கப்படுகிறது.
கல்வி உலகம்: 2018-19 ஆண்டுக்கான பள்ளிகளின் தரவரிசைப் பட்டியலில் தெலுங்கானா மாநிலம் மற்றும் ஐதராபாத் நாகர அளவில் முதலிடத்திலும் தேசிய அளவில் மூன்றாம் இடத்திலும் உள்ளது.[2]
எதிர்காலம் 50 விருது : ஐதராபாத் பப்ளிக் ஸ்கூல் நாட்டின் எதிர்காலத்தை வடிவமைக்கும் எதிர்கால 50 பள்ளிகளில் ஒன்று.[3]
எஜுகேசன் டுடே: இந்திய ஸ்கூல் மெரிட் அவார்ட் : ஐதராபாத் பப்ளிக் ஸ்கூலானது பள்ளிகளின் தரவரிசைப் பட்டியலில் மாநில அளவிலும் மாநகர அளவிலும் முதலிடத்திலும் தேசிய அளவில் மூன்றாம் இடத்திலும் உள்ளது.[4]
குளோபல் லீக் இன்ஸ்டிடியூட் ஆய்வ்வில் உயர்ந்த இடம் : மாணவர் திருப்தியை அடிப்படையாக கொண்ட கருத்துக்கணிப்பில் அடிப்படையில் குளோபல் லீக் இன்ஸ்டிடியூட்டால் 'படிக்க சிறந்த இடங்கள்' என்ற பட்டியலில் இந்த பள்ளி இடம்பெற்றது. மேலும் இப்பள்ளியானது ஐக்கிய இராச்சியத்தின் மக்களவையிடம் விருது பெற்றுள்ளது.[5][6]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.